ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ

ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ - advert banner 728 90 728x90 - ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ

ໂດຍ: ທ່ຽງທຳ

ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ - lattana 1 - ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ

ສະບາຍດີເພື່ອນຜູ້ອ່ານທີ່ ຮັກ ແພງ, ຫລາຍຄົນກໍອາດຍັງຈື່ຈຳ ໄດ້ດີຄືເມື່ອຕົ້ນປີໃໝ່ນີ້. ເຈົ້າຄອງ ນະຄອນຫລວງວຽງຈັນໄດ້ອອກ ມາຢ້ຳວ່າ: ປີໃໝ່ນະຄອນຫລວງ ຈະເລັ່ງໃສ່ໃຫ້ປະຕິບັດໄດ້ 3 ຫລຸດ ຄື: ຫລຸດຜ່ອນອຸປະຕິເຫດຕາມຖະໜົນ, ຫລຸດຜ່ອນຢາເສບຕິດ ແລະ ຫລຸດຜ່ອນອັກຄີໄພ ແລະ ມາດຕະການດ່ັງກ່າວກໍໄດ້ຮັບ ຄວາມຊົມເຊີຍຈາກສັງຄົມຢ່າງ ກວ້າງຂວາງ ແລະ ບັນດາຂະ ແໜງການກ່ຽວຂ້ອງກໍໄດ້ສຸມໃສ່ ຈັດຕັ້ງປະຕິບັດໜ້າວຽກຂອງຕົນ ດ້ວຍຄວາມຫ້າວຫັນໂດຍສະ ເພາະເຈົ້າໜ້າທີ່ປາບປາມ ແລະ ສະກັດກັ້ນຢາເສບຕິດກໍໄດ້ອອກ ແຮງເຄື່ອນໄຫວມ້າງກຸ້ມແກ້ງຊື້ – ຂາຍ ແລະ ມົ້ວສຸມຢາເສບຕິດໄດ້ ຢ່າງຫລວງຫລາຍສາມາດຈັບ ຕົວຜູ້ຄ້າຢາເສບຕິດລາຍໃຫຍ່ມາ ດຳເນີນຄະດີກໍຈົນນັບບໍ່ຖ້ວນ, ຈັບ ຜູ້ເສບເຂົ້າບຳບັດກໍຈົນຈະບໍ່ມີບ່ອນ ມ້ຽນ, ແຕ່ເບິ່ງຄືວ່າບັນດາດັ່ງ ກ່າວກໍຍັງບໍ່ສາມາດຢັ້ງຢືນໃຫ້ ຜ່ອນຜັນລົງໄດ້ປານໃດ, ສະເພາະ ສະພາບອຸປະຕິເຫດກໍເບິ່ງຄືວ່າ: ຍິ່ງປາບຍິ່ງຮ້າຍແຮງຄືປັດຈຸບັນ ສະເລ່ຍມື້ໜຶ່ງຢູ່ນະຄອນຫລວງ ວຽງຈັນຈະມີຜູ້ເສຍຊີວິດບໍ່ຕ່ຳ ກວ່າ 1-2 ຄົນການເກີດອຸປະຕິ ເຫດກໍນັບມື້ຮ້າຍແຮງຂຶ້ນ, ສ່ວນ ສະພາບການເກີດອຸປະຕິເຫດ ໃນ ໄລຍະນີ້ກໍມີຫລາຍເພາະເປັນໄລ ຍະສະພາບອາກາດແຫ້ງແລ້ງ ອາດມີຄວາມສ່ຽງກໍ່ໃຫ້ເກີດອັກຄີ ໄພໄດ້ງ່າຍຄືຮ້າຍແຮງທີ່ສຸດແມ່ນ ໄຟໃໝ້ເຮືອນພັກພະນັກງານ ວິທະ ຍາຄານຕຳຫລວດບ້ານດອນຕິ້ວ ເມືອງໄຊທານີ ເມື່ອອາທິດຜ່ານ ມາໄດ້ຮັບຄວາມເສຍຫາຍເປັນ ຈຳນວນ 3 ຫລັງ, ສົ່ງຜົນໃຫ້ຄອບ ຄົວພະນັກນດັ່ງກ່າວຈຳນວນ 15 ຄອບຄົວຕ້ອງເສຍບ່ອນພັກອາໄສ ຂອງຕົນ ແລະ ຫລາຍເຫດການ ອື່ນໆ ອີກອັນໄດ້ນຳຄວາມສູນ ເສຍມາສູ່ຄອບຄົວ ແລະ ສັງຄົມ ເປັນຈຳນວນບໍ່ໜ້ອຍ. ດັ່ງນັ້ນເພື່ອ ສາມາດຢືນຢັ້ງໃຫ້ໄດ້ 3 ຫລຸດນີ້ ນະຄອນຫລວງຈະຕ້ອງໄດ້ອອກ ແຮງຫລາຍຂຶ້ນ ແລະ ກໍຫວັງ ວ່າຄາດໝາຍດັ່ງກ່າວຈະປາກົດ ຜົນເປັນຈິງ.

 

+ ເຈົ້າໜ້າທີ່​ຍອມຮັບ​ການ​ໂຄສະນາ​ຫລຸດຜ່ອນ​ອຸປະຕິ​ເຫດ​ຍັງ​ເຮັດ​ໄດ້ໜ້ອຍ

+ ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ

ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ - Capture 51 1 - ໃຫ້ 3 ຫລຸດນະຄອນຫລວງວຽງຈັນປາກົດຜົນເປັນຈິງ
(ພາບປະກອບ)