ກອງ​ປະຊຸມ​ສຸດ​ຍອດຄະນະ​ກຳມະການ​ແມ່ນ້ຳຂອງ​ສາກົນ​ຈະ​ຈັດ​ຂຶ້ນ​ໃນ​ເດືອນ​ເມສານີ້

ກອງ​ປະຊຸມ​ສຸດ​ຍອດຄະນະ​ກຳມະການ​ແມ່ນ້ຳຂອງ​ສາກົນ​ຈະ​ຈັດ​ຂຶ້ນ​ໃນ​ເດືອນ​ເມສານີ້ - advert banner 728 90 728x90 - ກອງ​ປະຊຸມ​ສຸດ​ຍອດຄະນະ​ກຳມະການ​ແມ່ນ້ຳຂອງ​ສາກົນ​ຈະ​ຈັດ​ຂຶ້ນ​ໃນ​ເດືອນ​ເມສານີ້

ຄະນະ​ກຳມະການ​ແມ່ນ້ຳຂອງ​ສາກົນ ​ໃຫ້​ຮູ້​ວ່າ: ກອງ​ປະຊຸມ​ສຸດ​ຍອດ​​ຄະນະ​ກຳມະການນ້ຳຂອງ​ສາກົນຄັ້ງ​ທີ 3 ຈະ​ຈັດ​ຂຶ້ນ​ໃນຕົ້ນ​ເດືອນ​ເມສານີ້, ທີ່ສຽມລຽບປະ​ເທດ​ກຳປູ​ເຈຍ, ​ແນ​ໃສ່​ສົ່ງ​ເສີມ​ການ​ຮ່ວມ​ມື ​ແລະ ສ້າງ​ຄວາມ​ເຂົ້າ​ໃຈຮ່ວມ​ກັນ​ພາຍ​ໃຕ້​ຄໍາ​ຂວັນ: “ໜຶ່ງນໍ້າຂອງ ໜຶ່ງຈິດ​ໃຈ” ​ໂດຍ​ຈະ​ໄດ້​ຮັບ​ກຽດ​ເຂົ້າ​ຮ່ວມຂອງ ​​ບັນດາທ່ານ​ນາຍົກລັດຖະມົນຕີຂອງ​ປະ​ເທດ​ສະມາຊິກ ​ເຊັ່ນ: ກໍາປູ​ເຈຍ,​ ລາວ, ​ໄທ ​ແລະ ຫວຽດນາມ ​ແລະ ຜູ້​ຕາງ​ໜ້າ​ລະດັບ​ສູງຈາກ​ຄູ່​ຮ່ວມ​ເຈລະຈາມີ ສປ ຈີນ ​ແລະ ມຽນມາ ​ເພື່ອ​ແກ້​ໄຂ​ບັນຫາ​ສິ່ງ​ທ້າ​ທາຍ ແລະ ພັດທະນາຊີວິດການເປັນຢູ່ຂອງປະຊາຊົນໃນເຂດດັ່ງກ່າວດີຂຶ້ນ.

ກອງ​ປະຊຸມ​ສຸດ​ຍອດຄະນະ​ກຳມະການ​ແມ່ນ້ຳຂອງ​ສາກົນ​ຈະ​ຈັດ​ຂຶ້ນ​ໃນ​ເດືອນ​ເມສານີ້ - lattana 1 - ກອງ​ປະຊຸມ​ສຸດ​ຍອດຄະນະ​ກຳມະການ​ແມ່ນ້ຳຂອງ​ສາກົນ​ຈະ​ຈັດ​ຂຶ້ນ​ໃນ​ເດືອນ​ເມສານີ້

ທ່ານ ຟາ​ມ ດວນ ຟານ ຜູ້​ບໍລິຫານ​ໃຫຍ່ກອງ​ເລຂາ (ຄມສ) ​ກ່າວ​ວ່າ: ຄໍາ​ຂວັນ​ນີ້ສື່​ໄດ້​ຢ່າງຊັດ​ເຈນ​ເຖິງ​ຈິດ​ໃຈ​ຫລັກຂອງ​ກອງ​ປະຊຸມ​ສຸດ​ຍອດ​ຄັ້ງ​ທີ 3 ນີ້ ແລະ ກອງ​ປະຊຸມຈະຈັດໃຫ້​ມີ​ຫລາຍ​ລະດັບ​ໃນ​ເວທີ​ສາກົນ​ໃນລະຫວ່າງ​ວັນ​ທີ2-3 ​ເມສາ​ 2018 ​ເພື່ອ​ໃຫ້​ໂອກາດ (ຄມສ) ​ແລະ ​ຜູ້​ມີ​ສ່ວນ​ຮ່ວມຈາກ​ອົງການ​ທີ່​ບໍ່​ສັງກັດ​ລັດຖະບານ, ສະ​ຖາ​ບັນ​ການ​ສຶກສາພາກ​ເອກະ​ຊົນ ​ແລະ ອົງການ​ຈັດ​ຕັ້ງອ່າງ​ແມ່​ນໍ້າຂອງຕ່າງໆ​ໃນ​ຂົງ​ເຂດ ​ແລະ ທົ່ວ​ໂລກ ສາມາດ​ແລກປ່ຽນ​ຄໍາ​ເຫັນໃນ​ແນວຄວາມ​ຄິດ​ທີ່ທັນ​ສະ​ໄໝ ແລະ ສ້າງສັນ.

ຂ່າວ​ໃຫ້​ຮູ້​ອີກ​ວ່າ: ເມື່ອບໍ່​ດົນ​​ມານີ້, ຢູ່ນະຄອນຫລວງ​ວຽງຈັນ, ຄະນະ​ກໍາມະການແມ່​ນໍ້າຂອງ​ສາກົນ (ຄມສ) ​ໄດ້​ມີ​ພິທີ​ເປີດນໍາ​ໃຊ້​ເວ​ບ​ໄຊ www.mrcsummit.org ຢ່າງ​ເປັນ​ທາງ​ການ ​ສໍາລັບ​ກອງ​ປະຊຸມ​ສຸດ​ຍອດ​ຄັ້ງ​ທີ 3 ​ແລະ ກອງ​ປະຊຸມ​ສາກົນອື່ນໆ, ຊຶ່ງ​​ສາມາດ​ຫາ​ຂໍ້​ມູນຕາມ​ເວ​ບ​ໄຊ​ດັ່ງກ່າວ, ພ້ອມ​ໄດ້​ເຊີນຊວນ​ການ​ປະກອບສ່ວນ ​ແລະ ການ​ມີ​ສ່ວນ​ຮ່ວມ​ຂອງ​ພາກສ່ວນ​ຕ່າງໆ​.