ລາວປະຕິບັດພັນທະຂອງຕົນໄດ້ເປັນຢ່າງດີໃນຖານະ​ສະມາຊິກ​ອົງການ​ການ​ຄ້າ​ໂລກ

ລາວປະຕິບັດພັນທະຂອງຕົນໄດ້ເປັນຢ່າງດີໃນຖານະ​ສະມາຊິກ​ອົງການ​ການ​ຄ້າ​ໂລກ - advert banner 728 90 728x90 - ລາວປະຕິບັດພັນທະຂອງຕົນໄດ້ເປັນຢ່າງດີໃນຖານະ​ສະມາຊິກ​ອົງການ​ການ​ຄ້າ​ໂລກ

ໃນວັນທີ 2 ກຸມພານີ້, ແມ່ນມື້ຄົບຮອບ 5 ປີທີ່ ສປປ ລາວ, ໄດ້ເຂົ້າເປັນ​ສະມາຊິກຖາວອນຂອງ​ອົງການ​ການ​ຄ້າ​ໂລກ (WTO), ໃນໄລຍະເວລາດັ່ງກ່າວໄດ້ເຮັດໃຫ້ປະເທດເຮົາມີບົດບາດພົ້ນເດັ່ນສູງຂຶ້ນໃນເວທີພາກພື້ນ ແລະ ສາກົນ , ພ້ອມທັງໄດ້ຮັບຄວາມເຊື້ອໝັ້ນໃນດ້ານການຄ້າ-ການລົງທຶນຈາກນາໆປະເທດຫລາຍຂຶ້ນ.

ລາວປະຕິບັດພັນທະຂອງຕົນໄດ້ເປັນຢ່າງດີໃນຖານະ​ສະມາຊິກ​ອົງການ​ການ​ຄ້າ​ໂລກ - lattana 1 - ລາວປະຕິບັດພັນທະຂອງຕົນໄດ້ເປັນຢ່າງດີໃນຖານະ​ສະມາຊິກ​ອົງການ​ການ​ຄ້າ​ໂລກ

ຮອງ​ຫົວໜ້າ​ພະ​ແນ​ກການ​ຄ້າ​ຫລາຍ​ຝ່າຍກົມ​ນະ​ໂຍບາຍ​ການ​ຄ້າ​ຕ່າງປະ​ເທດກະຊວງ​ອຸດສາຫະກຳ ​ແລະ ການ​ຄ້າ ​ໃຫ້ຮູ້​ວ່າ: ​ພາຍຫລັງ ສປປ ລາວ ໄດ້ເຂົ້າ​ເປັນ​ສະມາຊິກ​ອົງການ​ການ​ຄ້າ​ໂລກຢ່າງເປັນທາງການແລ້ວ, ກໍໄດ້ເອົາໃຈໃສ່​ປະຕິບັດ​ພັນທະຕ່າງໆຂອງຕົນພາຍໃຕ້​ຂອບ​ຂອງ​ອົງການດັ່ງກ່າວຢ່າງຕັ້ງໜ້າ​ ແລະ ມີຜົນສໍາເລັດຫລາຍວຽກຄື: ສຳ​ເລັດ​ການ​ສ້າງ​ຈົດໝາຍ​ເຫດ​ທາງ​ລັດຖະການ​ເພື່ອ​ເປັນ​ບ່ອນອິງ​ລົງ​ເຜີຍ​ແຜ່​ໃຫ້ມວນຊົນ​ຮັບ​ຮູ້ ​ແລະ ຈັດຕັ້ງປະຕິບັດ. ສຳ​ເລັດການ​ປັບປຸງ​ດຳລັດ​ນາຍົກລັດຖະມົນຕີວ່າ​ດ້ວຍ​ການຈັດຕັ້ງປະຕິບັດ ​ແລະ ການ​ເຄື່ອນ​ໄຫວ​ຂອງ​ຄະນະ​ກຳມະການ​ປະສານ​ງານ​ລະດັບ​ຊາດວ່າ​ດ້ວຍ​ການ​ເຊື່ອມ​ໂຍງ​ເສດຖະກິດ​ກັບ​ສາກົນ. ສຳ​ເລັດ​ການຮ່າງ​ດຳລັດ​ວ່າ​ດ້ວຍ​ການຈັດຕັ້ງ ​ແລະ ການ​ເຄື່ອນ​ໄຫວ​ຂອງ​ກະຊວງ​ໄປສະນີ, ​ໂທລະ​ຄົມ, ການ​ສື່ສານ ​ແລະ ດຳລັດ​ວ່າ​ດ້ວຍ​ອົງການ​ດັດສົມ​ໂທລະ​ຄົມ (Telecom Independent Regulator ​ໂດຍ​ປ່ຽນ​ແປງ​ພາລະ​ບົດບາດ​ຂອງ​ກົມ​ໂທລະ​ຄົມ ​ເພື່ອ​ເຮັດ​ໜ້າ​ທີ່​ເປັນ​ອົງການ​ດັດສົມ​ໂທລະ​ຄົມ​ເອກະລາດ ​ແລະ ຮັບປະກັນ​ການ​ແຂ່ງຂັນ​ດ້ານ​ໂທລະ​ຄົມ. ສຳ​ເລັດການ​ແຈ້ງ​ນະ​ໂຍບາຍ ​ແລະ ລະບຽບ​ການ​ດ້ານ​ການ​ຄ້າ​ທີ່​ຕິດ​ພັນ​ກັບ​ສັນຍາ WTO ລວມມີ 25 ສະບັບ, ​ໃນ​ນີ້​ໄດ້​ສຳ​ເລັດການ​ແຈ້ງ​ກ່ຽວ​ກັບ​ຕາຕະລາງ​ຖົມ​ຂຸມ​ສິນຄ້າ​ກະສິກຳ (Domestic Support Table), ການ​ໃຫ້​ສັດຕະຍາບັນ​ຂອງ​ສັນຍາ​ວ່າ​ດ້ວຍ​ການ​ອຳນວຍ​ຄວາມ​ສະດວກ​ທາງ​ດ້ານ​ການ​ຄ້າ ​ແລະ ຈັດ​ໝວດ​ມາດ​ຕະການ​ທີ່​ສາມາດ​ຈັດຕັ້ງປະຕິບັດ​ໄດ້ (Category A), ການ​ດັດ​ແກ້​ສັນຍາລວມກ່ຽວ​ກັບ​ສິດທາ​ງດ້ານ​ຊັບ​ສິນ​ທາງ​ປັນຍາ​ທີ່​ຕິດ​ພັນ​ກັບ​ການ​ຄ້າ (Agreement on Trade Related Aspects of Intellectual Property Rights) ​ແລະ ວຽກ​ງານ​ສາທາລະນະ​ສຸກ (Public Health) ​ໂດຍ​ສະ​ເພາະ​ແມ່ນ​ການ​ເຂົ້າ​ເຖິງ​ຢາ​ປົວ​ພະຍາດ ​ແລະ ອື່ນໆ ແລະ ສຳ​ເລັດການ​ຮ່າງ​ກົດໝາຍ​ວ່າດ້ວຍການ​ປົກ​ປ້ອງ​ຜູ້​ຜະລິດ​ທີ່​ໄດ້​ຮັບ​ຜົນ​ກະທົບ​ຈາກ​ການນໍາ​ເຂົ້າສິນຄ້າ (Safeguard Law). ສ່ວນ​ແຜນ​ວຽກ​ໃນ​ຕໍ່ໜ້າ, ແມ່ນ ​ເລັ່ງກະກຽມ​ຮ່າງ​ກົດໝາຍ​ວ່າ​ດ້ວຍ​ການ​ຕ້າ​ນການ​ທຸ່ມ​ຕະຫລາດ ​ແລະ ການ​ອຸດ​ໜູນ​ຂອງ​ລັດຖະບານ​, ​ເຊິ່ງມາ​ຮອດ​ປັດຈຸບັນ​ໄດ້​ສຳ​ເລັດ​ການສ້າງ​ຂໍ້​ຕົກລົງ​ແຕ່ງຕັ້ງຄະນະ​ຮັບຜິດຊອບ​ຮ່າງ​ກົດໝາຍ​ດັ່ງກ່າວ ​ແລະ ກະກຽມ​ເຂົ້າ​ເປັນ​ພາຄີ​ຂອງ​ສົນທິສັນຍາ​ວ່າ​ດ້ວຍ​ການ​ຊື້-ຂາຍ​ສິນຄ້າ​ລະຫວ່າງ​ປະ​ເທດ ​ແລະ ສັນຍາ​ວ່າ​ດ້ວຍ​ເຕັກ​ໂນ​ໂລ​ຊີ​ຂໍ້​ມູນ-ຂ່າວສານ, ມາ​ຮອດ​ປັດຈຸບັນ​ແມ່ນ​ໄດ້​ສຳ​ເລັດ​ການ​ສ້າງ​ຂໍ້​ຕົກລົງ​ວ່າ​ດ້ວຍ​ການ​ແຕ່ງຕັ້ງຄະນະ​ຮັບຜິດຊອບ​ຄົ້ນຄວ້າ​ເນື້ອ​ໃນ ​ແລະ ກຳລັງ​ປັບປຸງ​ຮ່າງ​ບົດ​ຄົ້ນຄວ້າ​ເນື້ອ​ໃນ​ຂອງ 2 ສັນຍາ​ດັ່ງກ່າວ.

ຮອງພະແນກດັ່ງກ່າວ ​ໃຫ້​ຮູ້​ວ່າ: ການ​ເຂົ້າ​ເປັນ​ສະມາຊິກ WTO ຂອງ ສປປ ລາວ, ​ມີ​ສ່ວນ​ສຳຄັນ​ໃນ​ການຊຸກຍູ້ ແລະ ​ດຶງ​ດູດ​ການ​ຄ້າ-ການ​ລົງທຶນ​ຈາກຕ່າງປະ​ເທດເຂົ້າມາ​, ໂດຍສະເພາະບັນດາ​ບໍລິສັດ​ແຖວ​ໜ້າ​ຕ່າງໆ ​ເຊັ່ນ: ບໍລິສັດ ​ແຄນ​ນອນ CANON, ​ບໍລິສັດ ໂຄຄາ-ໂຄລາ (Coca-Cola), ການ​ເປີດ​ສາຍ​ການບິນ​ຂອງ​ແອຣ໌​ເອ​ເຊຍ ​ແລະ ບໍລິສັດອື່ນໆ, ອັນໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດມີການຂະຫຍາຍຕົວເຂັ້ມແຂງ. ແຕ່ແນວໃດກໍຕາມ, ການເປັນສະມາຊິກຂອງ ອົງການດັ່ງກ່າວ ກໍມີທັງກາລະ​ໂອກາດຄື: ​ບົດບາດ​ດ້ານ​ການ​ເມືອງ​ໃນ​ເວທີ​ສາກົນ​ສູງ​ຂຶ້ນ ລວມທັງ​ການ​ເຂົ້າຮ່ວມ​ກຸ່ມ​ເພື່ອ​ເພີ່ມ​ບົດບາດ ​ແລະ ອຳນາດ​ຕໍ່​ລອງ​ທາງ​ດ້ານ​ເສດຖະກິດ, ການ​ຂະຫຍາຍຕົວ​ທາງ​ດ້ານ​ເສດຖະກິດ​ຜ່ານ​ການ​ເປີດ​ກວ້າງ​ທາງ​ດ້ານ​ການ​ຄ້າ ​ແລະ ການ​ລົງທຶນ, ການ​ປັບປຸງ​ຄວາມ​ສາມາດ​ດ້ານ​ການ​ແຂ່ງຂັນ ກໍ​ຄື​ການ​ປັບປຸງ​ຄຸນ​ນະພາ​ບ ​ແລະ ລາຄາ​ສິນຄ້າ, ​ໂດຍ​ຜູ້​ຜະລິດ​ສາມາດ​ເລືອກ​ຊື້ວັດຖຸ​ດິບ​ທີ່​ມີ​ລາຄາ​ຖືກ​ກວ່າ ​ແລະ ຄຸນ​ນະພາ​ບດີກ​ວ່າ. ​​ຂະນະ​ດຽວ​ກັນຜູ້​ຊົມ​ໃຊ້​ກໍ​ມີ​ຫລາກຫລາຍ​ທາງ​ເລືອກ​​, ລະບຽບກົດໝາຍ​ພາຍ​ໃນ​ທີ່​ໄດ້​ຮັບ​ການ​ປັບປຸງ​ໃຫ້​ສອດຄ່ອງ​ກັບ​ຫລັກການ​ການ​ຄ້າ​ສາກົນ ​ເພື່ອ​ເປັນ​ພື້ນຖານ ​ແລະ ສ້າງ​ຄວາມ​ເຊື່ອ​ໝັ້ນ​ໃຫ້​ແກ່​ການ​ລົງທຶນ​ຕ່າງປະ​ເທດ. ສ່ວນສິ່ງ​ທ້າ​ທາຍ ກໍແມ່ນຜູ້​ຜະລິດ​ພາຍ​​ໃນ​ອາດ​ຜະ​ເຊີນ​ການ​ແຂ່ງຂັນ​ທີ່​ນັບ​ມື້​ເພີ່ມ​ຂຶ້ນ, ລະບົບ​ການ​ຄຸ້ມ​ຄອງ​ສະ​ຖາ​ບັນ ​ແລະ ການຈັດຕັ້ງຍັງ​ບໍ່​ມີ​ຄວາມ​ເຂັ້ມ​ແຂງ, ຄວາມ​ສາມາດ​ໃນ​ການຈັດຕັ້ງປະຕິບັດ​ບັນດາ​ລະບຽບ​ການ​ຂອງ WTO ຍັງ​ມີ​ຂໍ້​ຈຳກັດ ແລະ ບັນຫາອື່ນໆ.

ປັດຈຸບັນ, ສະມາຊິກ​ຂອງ WTO ​ມີ​ທັງ​ໝົດ 164 ປະ​ເທດ, ​ເຊິ່ງປະ​ເທດ​ຫລ້າ​ສຸດ​ທີ່​ເຂົ້າ​ເປັນ​ສະມາຊິກ​ແມ່ນ​ອັບ​ກາ​ນິດ​ສະຖານ (Afghnistan), ສໍາລັບ ສປປ ລາວ ​ເປັນປະເທດອັນ​ທີ 158.