ລັດຖະບານຊີຣີປະນາມອາເມລິກາ ຂີ້ຕົວະຂໍ້ກ່າວຫາໃຊ້ອາວຸດເຄມີ

ລັດຖະບານຊີຣີປະນາມອາເມລິກາ ຂີ້ຕົວະຂໍ້ກ່າວຫາໃຊ້ອາວຸດເຄມີ - advert banner 728 90 728x90 - ລັດຖະບານຊີຣີປະນາມອາເມລິກາ ຂີ້ຕົວະຂໍ້ກ່າວຫາໃຊ້ອາວຸດເຄມີ

ລັດຖະບານ​ຊີຣີປະຕິ​ເສດ​ຂໍ້​ກ່າວ​ຫາ​ຂອງ​ອາ​ເມ​ລິ​ກາ​ເລື່ອງ​ການ​ໃຊ້​ອາວຸດ​ເຄມີ​ ວ່າ​ບໍ່​ມີ​ຫລັກ​ຖານ​ອ້າງ​ອີງ ​ແລະ ຢືນຢັນ​ການ​ສົ່ງ​ມອບ​ອາວຸດ​ເຄມີ​ໃຫ້​ອົງການ​ກາງ​ລະຫວ່າງ​ປະ​ເທດ​ນຳ​ໄປ​ທຳລາຍ​ທັງ​ໝົດ​ແລ້ວ.

ລັດຖະບານຊີຣີປະນາມອາເມລິກາ ຂີ້ຕົວະຂໍ້ກ່າວຫາໃຊ້ອາວຸດເຄມີ - lattana 1 - ລັດຖະບານຊີຣີປະນາມອາເມລິກາ ຂີ້ຕົວະຂໍ້ກ່າວຫາໃຊ້ອາວຸດເຄມີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ດາ​ມັດ​ກັດ ປະ​ເທດ​ຊີຣີ ​ໃນ​ວັນ​ທີ 4 ກຸມພາ​ວ່າ: ກະຊວງ​ການ​ຕ່າງປະ​ເທດ​ຊີຣີອອກ​ຖະ​ແຫລ​ງການ​ໃນ​ວັນ​ທີ 3 ກຸມພາ ປະນາມຂໍ້​ກ່າວ​ຫາ​ທີ່​ບໍ່​ມີ​ມູນ​ຄວາມ​ຈິງ​ຂອງ​ອາ​ເມ​ລິ​ກາ ວ່າ​ລັດຖະບານ​ຊີຣີ​ໃຊ້​ອາວຸດ​ເຄມີ​ເຂັ່ນຂ້າ​ປະຊາຊົນ​ໃນ​ເຂດ​ກູ​ຕາ​ຕາ​ເວັນ​ອອກ ນອກ​ນະຄອນຫລວງ​ດາ​ມັດ​ກັດ ​ເຊິ່ງ​ເປັນ​ພື້ນທີ່​ພຽງ​ບໍ່​ເທົ່າ​ໃດ​ແຫ່ງ​ອ້ອມ​ເມືອງ​ຫລວງ ທີ່​ຍັງ​ຢູ່​ພາຍ​ໃຕ້​ການ​ຍຶດຄອງ​ຂອງ​ກອງ​ກຳລັງ​ຝ່າຍ​ຕໍ່ຕ້ານ​ລັດຖະບານ.

ນອກຈາກ​ນີ້ ລັດຖະບານ​ດາ​ມັດ​ກັດ​ຍັງ​ວິຈານ​ຄຳ​ຖະ​ແຫລ​ງຂອງ ພົນ​ເອກ ​ເຈ​ມ ​ແມດ​ທິສ ຮອງ​ລັດຖະມົນຕີ​ປ້ອງ​ກັນ​ປະ​ເທດ​ອາ​ເມ​ລິ​ກາ ​ເຊິ່ງກ່າວ​ເຖິງ​ເລື່ອງ​ນີ້​ໃນ​ວັນ​ທີ 2 ກຸມພາ ​ໂດຍ​ອ້າງ​ອີງ​ຫລັກ​ຖານ​ຈາກ​ແຫ​ລ່ງຂ່າວ​ໃນ​ກອງ​ກຳລັງ​ກະບົດ​ສາຍ​ກາງ ​ແລະ ໜ່ວຍ​ງານ​ເອັນ​ຈີ​ໂອ​ພາກ​ສະໜາມ​ວ່າ: ​ເຖິງ​ວ່າ​ເຈົ້າໜ້າ​ທີ່​ລະດັບ​ສູງ​ສຸດ​ຂອງ​ອາ​ເມ​ລິ​ກາ​ຍັງ​ຮູ້​ຢູ່​ວ່າ​ຂໍ້​ກ່າວ​ຫານັ້ນບໍ່​ມີ​ຫລັກ​ຖານ​ອ້າງ​ອີງ, ພ້ອມ​ທັ​ງ​ເນັ້ນວ່າ: ຊີຣີສົ່ງ​ມອບ​ອາວຸດ​ເຄມີ​ທັງ​ໝົດ​ທີ່​ມີ​ຢູ່​ໃຫ້​ກັບ​ອົງການ​ເພື່ອ​ການ​ຫ້າມ​ໃຊ້​ອາວຸດ​ເຄມີ (OPW) ຕາມ​ຂໍ້​ຕົກລົງ​ຮ່ວມ​ລະຫວ່າງ​ອາ​ເມ​ລິ​ກາ​ກັບຣັດ​ເຊຍ ​ໃນ​ປີ 2013.