ລາວໂຕໂຢຕາ ເປີດບ້ານເສຍໃຫ້ ບຶງເກດ 0-1 ໝົດສິດໄປຕໍ່

ລາວໂຕໂຢຕາ ເປີດບ້ານເສຍໃຫ້ ບຶງເກດ 0-1 ໝົດສິດໄປຕໍ່ - advert banner 728 90 728x90 - ລາວໂຕໂຢຕາ ເປີດບ້ານເສຍໃຫ້ ບຶງເກດ 0-1 ໝົດສິດໄປຕໍ່

ລາວ​ໂຕ​ໂຢຕາ ​ເອັຟຊີ ຕ້ອງ​ພົບ​ກັບ​ຝັນ​ຮ້າຍ​ອີກ​ຄັ້ງ ​ເມື່ອ​ເປີດ​ບ້ານ​ເສຍ​ໃຫ້ ບຶງ​ເກດ ອັງ​ກໍ ທີ​ມຈາກ​ກຳປູ​ເຈຍ 0-1 ​ໃນ​ການ​ແຂ່ງຂັນ​ບານ​ເຕະ ​ເອ​ເອັຟຊີ ຄັບ 2018 ຮອບ​ເພ​ລອັອຟ ນັດ​ຕັດສິນ ​​ໃນ​ວັນ​ທີ 2 ກຸມພາ ທີ່​ສະໜາມກິລາ​ແຫ່ງ​ຊາດ ຫລັກ 16 ​ ຫລັງ​ນັດ​ທຳ​ອິດ​ບຸກ​ໄປສະ​ເໝີ 3-3 ລວມ 2 ນັດ​ເສຍ​ໄປ 3-4 ໝົດ​ສິດ​ເຂົ້າຮອບ​ຕໍ່​ໄປ.

ລາວໂຕໂຢຕາ ເປີດບ້ານເສຍໃຫ້ ບຶງເກດ 0-1 ໝົດສິດໄປຕໍ່ - lattana 1 - ລາວໂຕໂຢຕາ ເປີດບ້ານເສຍໃຫ້ ບຶງເກດ 0-1 ໝົດສິດໄປຕໍ່

ຈາກ​ຜົນ​ນັດ​ທຳ​ອິດ ລາວ​ໂຕ​ໂຢຕາ ​ເອັຟຊີ ​ເກັບ​ຄວາມ​ໄດ້​ປຽບ ​ເພາະ​ຈະ​ໄດ້​ກັບ​ມາ​ຫລິ້ນ​ໃນ​ບ້ານ​ຂອງ​ຕົນ​ເອງ ຕ້ອນຮັບ​ການ​ມາ​ຢາມ​ຂອງ ບຶງ​ເກດ ອັງ​ກໍ ​ໃນ​ວັນ​ທີ 2 ກຸມພານີ້ ​ເວລາ 18:00 ​ໂມງ ທີ່​ສະໜາມກິລາ​ແຫ່ງ​ຊາດ ຫລັກ 16 ຂໍ​ພຽງ​ຢັນ​ສະ​ເໝີ​ດ້ວຍ​ການ​ບໍ່​ເສຍ​ປະຕູ​ເກີນ 2 ໜ່ວຍ ກໍ​ຈະ​ເຂົ້າຮອບ​ແບ່ງ​ກຸ່ມ​ດ້ວຍ​ກົດ​ປະຕູ​ທີ​ມຢາມ​ທັນທີ.

​ແຕ່​ປະຫວັດສາດ​ກໍ​ຊ້ຳຮອຍ​ຈົນ​ໄດ້ ​ເມື່ອ ລາວ​ໂຕ​ໂຢຕາ ກັບ​ມາ​ແຂ່ງຂັນ​ໃນ​ບ້ານ​ກັບ​ເສຍ​ໃຫ້​ກັບ​ທີ​ມດັ່ງກ່າວ 0-1 ​ເຮັດ​ໃຫ້​ລວມຜົນ 2 ນັດ​ເສຍ​ໄປ 3-4 ບໍ່​ໄດ້​ໄປ​ຫລິ້ນຮອບ​ແບ່ງ​ກຸ່ມ​ອີກ​ຄັ້ງ ​ເພາະ​ກ່ອນ​ໜ້າການ​ແຂ່ງຂັນ​ບານ​ເຕະ ​ເອ​ເອັຟຊີ ຄັບ 2017 ຮອບ​ເພ​ລອັອຟ ລາວ​ໂຕ​ໂຢຕາ ກໍ​ບຸກ​ໄປສະ​ເໝີ​ກັບ ບຶງ​ເກດ ອັງ​ກໍ 1-1, ​ແຕ່​ນັດ​ທີ 2 ກັບ​ມາ​ແຂ່ງຂັນ​ໃນ​ບ້ານ​ຂອງ​ຕົນ​ເອງ​ກັບ​ເສຍ​ໃຫ້​ທີ​ມດັ່ງກ່າວ 0-1 ​ເຮັດ​ໃຫ້​ຜົນ​ລວມ 2 ນັດ​ເສຍ​ໄປ 1-2 ໝົດ​ສິດ​ຜ່ານ​ເຂົ້າ​ໄປ​ຫລິ້ນຮອບ​ແບ່ງ​ກຸ່ມ​ທັນທີ.