ສປປ ລາວ-ສປຊ ທົບ​ທວນ​ຄືນຂອບການ​ຮ່ວມ​ມື​ສອງ​ຝ່າຍ

ສປປ ລາວ-ສປຊ ທົບ​ທວນ​ຄືນຂອບການ​ຮ່ວມ​ມື​ສອງ​ຝ່າຍ - advert banner 728 90 728x90 - ສປປ ລາວ-ສປຊ ທົບ​ທວນ​ຄືນຂອບການ​ຮ່ວມ​ມື​ສອງ​ຝ່າຍ

ໃນວັນທີ 2 ກຸມພານີ້ ທີ່ຫໍປະຊຸມແຫ່ງຊາດ ​ໃນ​ນະຄອນຫລວງ​ວຽງ​ຈັນ, ກົມອົງການຈັດຕັ້ງສາກົນ ກະຊວງການຕ່າງປະເທດ ຮ່ວມກັບຫ້ອງການປະສານງານອົງການສະຫະປະຊາຊາດປະຈຳ​ລາວ ໄດ້ຈັດກອງປະຊຸມທົບທວນຄືນການຈັດຕັ້ງປະຕິບັດຂອບການຮ່ວມມື ລະຫວ່າງ ສປປ ລາວ ແລະ ອົງການສະຫະປະຊາຊາດ (Lao PDR-UNPF 2017-2021) ພາຍໃຕ້ການເປັນປະທານຮ່ວມຂອງທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານນາງ ກາຣີນາ ອິມໂມເນັນ ຜູ້ປະສານງານອົງການສະຫະປະຊາຊາດ, ທັງເປັນຜູ້ຕາງໜ້າອົງການ UNDP ປະຈຳ ສປປ ລາວ, ມີ​ຜູ້​ຕາງໜ້າຈາກບັນດາກະຊວງ ​ແລະ ຂະ​ແໜງການ​​ກ່ຽວຂ້ອງ​ຂອງ​ສອງ​ຝ່າຍ ​ແລະ ບັນດາ​ຄູ່​ຮ່ວມ​ພັດທະນາ ​ທີ່​ມີ​ຫ້ອງການ​ປະຈຳ​ຢູ່ ສປປ ລາວ ​ເຂົ້າ​ຮ່ວມ 100 ກວ່າທ່ານ ເພື່ອທົບທວນຄືນການຈັດຕັ້ງປະຕິບັດແຜນງານປະຈຳປີຄັ້ງທຳອິດຂອງຂອບການຮ່ວມມື ລະຫວ່າງ ລັດຖະບານລາວ ​ແລະ ອົງການສະຫະປະຊາຊາດ ​ໂດຍໄດ້ທົບທວນຄືນຜົນສຳເລັດ, ສິ່ງທ້າທາຍ, ບົດຮຽນທີ່ຖອດຖອນໄດ້ຂອງການຮ່ວມມືດັ່ງກ່າວໃນໄລຍະ 1 ປີຜ່ານມາ, ພ້ອມ​ທັງ​ໄດ້​ປຶກສາຫາລືກ່ຽວກັບທິດທາງແຜນການຮ່ວມມື ໃນປີ 2018 ​ເຊິ່ງຖື​ໄດ້​ວ່າເປັນປີທີ່ມີຄວາມໝາຍຄວາມສຳຄັນສຳລັບ ສປປ ລາວ ​ໃນ​ການກຽມພ້ອມ​ເພື່ອ​ຫລຸດ​ພົ້ນ​ອອກຈາກ ສະຖານະ​ພາບປະເທດດ້ອຍພັດທະນາໃນປີ 2020, ທົບ​ທວນ​ກາງ​ສະ​ໄໝ​ຂອງ​ແຜນ​ພັດທະນາ​ເສດຖະກິດ-ສັງຄົມ ຄັ້ງ​ທີ 8 ​ແລະ ການ​ເຮັດບົດລາຍງານແຫ່ງຊາດແບບສະໝັກໃຈກ່ຽວກັບ​ເປົ້າໝາຍການພັດທະນາແບບຍືນຍົງຄັ້ງ​ທຳ​ອິດ​ຂອງ ສປປ ລາວ ເພື່ອຈະນຳໄປສະເໜີຢູ່ສຳນັກງານໃຫ່ຍ ສປຊ ທີ່ນິວຢອກ ໃນເດືອນກໍລະກົດ 2018 ນີ້.

ສປປ ລາວ-ສປຊ ທົບ​ທວນ​ຄືນຂອບການ​ຮ່ວມ​ມື​ສອງ​ຝ່າຍ - lattana 1 - ສປປ ລາວ-ສປຊ ທົບ​ທວນ​ຄືນຂອບການ​ຮ່ວມ​ມື​ສອງ​ຝ່າຍ

ໃນກອງປະຊຸມ ຍັງ​ໄດ້ມີການນຳສະເໜີບົດ ໂດຍຜູ້ຕາງໜ້າຈາກກະຊວງກ່ຽວຂ້ອງກ່ຽວກັບໝາກຜົນທີ່ໄດ້ຮັບຂອງການຮ່ວມມືໃນໄລຍະຜ່ານມາ ​ເຊິ່ງແບ່ງອອກເປັນ 8 ຂົງ​ເຂດ​ເຂດດັ່ງນີ້: ໝາກຜົນທີ 1 ແລະ 2: ການດຳລົງຊີວິດທີ່ດີ ແລະ ປົກປ້ອງທາງສັງຄົມ; ໝາກຜົນທີ 3: ການປ່ຽນແປງດິນຟ້າອາກາດ, ການຮັບມືກັບໄພພິບັດ ແລະ ສິ່ງແວດລ້ອມ; ໝາກຜົນທີ 4: ການສຶກສາຂັ້ນພື້ນຖານ; ໝາກຜົນທີ 5: ສຸຂະພາບ, ນ້ຳ ແລະ ສຸຂະອະນາໄມ; ໝາກຜົນທີ 6: ອາຫານ ແລະ ໂພຊະນາການ; ໝາກຜົນທີ 7 ແລະ 8: ການສ້າງສະຖາບັນ ​ແລະ ການ​ເຂົ້າ​ເຖິງ​ລະບົບຍຸຕິທຳ.

ໃນຕອນທ້າຍກອງປະຊຸມ, ທ່ານປະທານຮ່ວມໄດ້ຕີລາຄາສູງກ່ຽວກັບການຮ່ວມມື ແລະ ການສະ ໜັບສະໜູນຂອງອົງການສະຫະປະຊາຊາດ ແລະ ບັນດາ​ຄູ່ຮ່ວມພັດທະນາ ​ເຊິ່ງ​ໄດ້​ປະກອບສ່ວນອັນສຳ ຄັນ​ເຂົ້າ​ໃນການພັດທະນາເສດຖະກິດ-ສັງຄົມຂອງ ສປປ ລາວ. ພ້ອມກັນນັ້ນ ກໍໄດ້ຮຽກຮ້ອງໃຫ້ທຸກພາກ ສ່ວນໄດ້ເອົາໃຈໃສ່ສືບຕໍ່ຮ່ວມມືກັນຢ່າງໃກ້ຊິດ ເພື່ອນຳພາປະເທດຊາດ ສາມາດຫລຸດພົ້ນອອກຈາກສະຖາ ນະພາບດ້ອຍພັດທະນາໃນປີ 2020 ​ແລະ ບັນລຸ​ເປົ້າ​ໝາຍການພັດທະນາແບບຍືນຍົງໃນປີ 2030 ຕາມຄຳຂັວນທີ່ວ່າ: “ບໍ່ປະຖິ້ມ​ໃຜໄວ້ທາງຫລັງ”.