ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ

ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ - advert banner 728 90 728x90 - ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ

ກະຊວງ​ປ້ອງ​ກັນ​ປະ​ເທດຂອງ​ຈີນ​ອອກ​ຖະ​ແຫລ​ງກາ​ນຄັດຄ້ານ​ນະ​ໂຍບາຍ​ຍຸດ​ທະ​ສາດ​ນິວ​ເຄຼຍສະບັບ​ໃໝ່​ຂອງ​ອາ​ເມ​ລິ​ກາ ​ໂດຍ​ຮຽກຮ້ອງ​ໃຫ້​ເລີກ​ໃຊ້ “​ແນວ​ຄິດ​ແບບ​ຍຸກ​ສົງຄາມ​ເຢັນ” ​ເຊິ່ງ​ເບິ່ງ​ຈີນ ​ແລະ ຣັດ​ເຊຍ​ເປັນ​ໄພ​ຕໍ່​ຄວາມ​ໝັ້ນຄົງ.

ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ - lattana 1 - ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ

ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ - 99870069 5571fa7c 6aba 4785 984a e7575bd72275 300x169 - ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ

“ສັນຕິພາບ ​ແລະ ການ​ພັດທະນາ​ຄື​ແນວທາງ​ຫລັກ​ທີ່​ບໍ່​ອາດ​ຫວນ​ກັບ​ໄດ້​ຂອງ​ໂລກ​ທຸກ​ວັນ​ນີ້, ປະ​ເທດ​ທີ່​ຄອບ​ຄອງ​ຫົວ​ຮົບ​ນິວ​ເຄຼຍຂະໜາດ​ໃຫຍ່​ທີ່​ສຸດ ຈຶ່ງ​ຄວນ​ດຳ​ເນີນ​ນະ​ໂຍບາຍ​ຄ້ອຍ​ຕາມ​ກະ​ແສ​ດັ່ງກ່າວ ​ແທນ​ທີ່​ຈະ​ຕໍ່ຕ້ານ” ກະຊວງ​ປ້ອງ​ກັນ​ປະ​ເທດ​ຈີນ​ລະບຸ.

ລັດຖະບານ​ຈີນ​ຍັງ​ຢືນຢັນ​ຢ່າງ​ໜັກ​ແໜ້ນ​ວ່າ: ບໍ່​ເຫັນ​ພ້ອມ​ກັບ​ເນື້ອ​ໃນ​ລາຍ​ງານ​ທົບ​ທວນ​ສະຖານະ​ທາງ​ນິວ​ເຄຼຍ (NPR) ຂອງ​ອາ​ເມ​ລິ​ກາ ​ເຊິ່ງຕີ​ລາຄາ​ວ່າ​ຈີນ​ກຳລັງ​ຂະຫຍາຍ​ແສນ​ຍານຸພາບ​ທາງ​ນິວ​ເຄຼຍ ​ແລະ ​ເປັນ​ໄພ​ໃນ​ລະດັບ​ທີ່​ສູງ​ເກີນ​ຈິງ, ທັງ​ຍັງ​ເນັ້ນວ່າ​ນະ​ໂຍບາຍ​ດ້ານ​ຄວາມ​ໝັ້ນຄົງ​ຂອງ​ຈີນ​ເປັນ​ໄປ​ເພື່ອ​ການ​ປ້ອງ​ກັນ​ຕົນ​ເອງ​ເທົ່າ​ນັ້ນ.

 

​ໃນ​ວັນ​ທີ 3 ກຸມພາ, ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ ​ເຜີຍ​ແຜ່​ລາຍ​ງານ​ທົບ​ທວນ​ສະຖານະ​ທາງ​ນິວ​ເຄຼຍ (NPR) ​ເຊິ່ງສະ​ເໜີ​ວ່າ​ຄວນ​ພັດທະນາ​ອາວຸດ​ນິວ​ເຄຼຍທີ່​ມີ​ຂະໜາດ​ນ້ອຍ​ລົງ ​ແລະ ມີ​ອານຸພາບ​ທຳລາຍ​ລ້າງ​ຫລຸດ​ລົງ​ເຫລືອ​ຕໍ່າ​ກວ່າ 20 ກິ​ໂລ​​ໂຕນ ​ເພື່ອ​ປັບປຸງ​ຍຸດ​ທະ​ສາດ​ດ້ານ​ນິວ​ເຄຼຍ​ໃຫ້​ສອດຄ່ອງ​ກັບ​ສະຖານະ​ການ​ປັດຈຸບັນ ​ເຊິ່ງມາດ​ຕະການ​ສະ​ສົມ​ອາວຸດ​ເພື່ອ​ປ້ອງ​ກັນ​ໄພ​ນິວ​ເຄຼຍຈາກຣັດ​ເຊຍ​ບໍ່​ໄດ້ຜົນ​ອີກ​ຕໍ່​ໄປ ​ເນື່ອງ​ຈາກຣັດ​ເຊຍ​ເບິ່ງ​ວ່າ​ອາວຸດ​ນິວ​ເຄຼຍທີ່​ອາ​ເມ​ລິ​ກາ​ຄອບ​ຄອງ​ຢູ່​ມີ​ຂະໜາດ​ໃຫຍ່​ເກີນ​ກວ່າ​ຈະ​ນຳ​ມາ​ໃຊ້​ຕົວ​ຈິງ​ໄດ້.

ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ - 99885090  99810195 nuclear weapons by country 640 nc 300x198 - ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ

ສ່ວນ​ປະທານາທິບໍດີ ຮັສຊັນ ​ໂຣຮາ​ນີ ຂອງ​ອີຣານ ຖະ​ແຫລ​ງຕຳໜິ​ນະ​ໂຍບາຍ​ໃໝ່​ດ້ານ​ອາວຸດ​ນິວ​ເຄຼຍຂອງ​ອາ​ເມ​ລິ​ກາ ​ເຊັ່ນ​ກັນ​ວ່າ: ພວກ​ຄົນ​ອາ​ເມ​ລິ​ກາ​ກຳລັງ​ຂົ່ມຂູ່ຣັດ​ເຊຍ​ຢ່າງ​ໄຮ້​ຄວາມ​ລະອາຍ​ດ້ວຍ​ອາວຸດ​ປະລະມານູ​ຊະນິດ​ໃໝ່, ພວກ​ຄົນ​ກຸ່ມ​ດຽວ​ກັນ​ທີ່​ເຊື່ອ​ວ່າການ​ໃຊ້​ອາວຸດ​ອານຸພາບ​ທຳລາຍ​ລ້າງ​ສູງ​ເປັນ​ອາ​ຊະ​ຍາ​ກຳ​ຕໍ່​ມະນຸດ ກັບ​ມາ​ເວົ້າ​ເຖິງ​ອາວຸດ​ຊະນິດ​ໃໝ່​ທີ່​ເອົາ​ໄວ້​ຂົ່ມຂູ່ ຫລື ​ໃຊ້​ທຳລາຍ​ສັດຕູ​ຄູ່​ແຂ່ງ​ເອງ.

ສ່ວນ​ທ່ານ ​ໂມ​ຮຳ​ໝັດ ຈາ​ວາດ ຊາຣີຟ ລັດຖະມົນ​ຕີ​ຕ່າງປະ​ເທດ​ຂອງ​ອີຣານ ​ເຜີຍ​ແຜ່​ຂໍ້ຄວາມ​ທາງ​ທະວິ​ດ​ເຕີ ​ເຊິ່ງລະບຸ​ວ່າ: ນະ​ໂຍບາຍ​ດ້ານ​ຍຸດ​ທະ​ສາດ​ນິວ​ເຄຼຍສະບັບ​ໃໝ່​ຂອງ​ອາ​ເມ​ລິ​ການັ້ນ ນຳ​ມະນຸດ​​ໃຫ້​ເຂົ້າ​ໃກ້​ການ​ຖືກ​ທຳລາຍ​ລ້າງ​ຫລາຍ​ຂຶ້ນ, ທັງ​ຍັງ​ຕຳ​ໜິປະທານາທິບໍດີ ​ໂດນ​ັນ ທຣຳ ຂອງ​ອາ​ເມ​ລິ​ກາ ອີກ​ວ່າ: ​ແຜນ​ການ​ດັ່ງກ່າວ ​ແລະ ການ​ທີ່​ທ່ານ​ທຳລາຍ​ຂໍ້​ຕົກລົງ​ນິວ​ເຄຼຍອີຣານ​ກ່ອນ​ໜ້າ​ນີ້ ລ້ວນ​ມາ​ຈາກ​ຄວາມ​ບໍ່​ລະມັດລະວັງ ​ແລະ ບໍ່​ຮູ້ຈັກ​ຄວບ​ຄຸມ​ຕົນ​ເອງ​ຂອງ​ຜູ້ນຳ​ອາ​ເມ​ລິ​ກາ.

ທ່ານ ຊິກ​ມາຣ ກາ​ບຽວ ລັດຖະມົນຕີ​ຕ່າງປະ​ເທດ​ຂອງ​ເຢຍລະ​ມັນ ສະ​ແດງ​ຄວາມ​ກັງວົນ​ວ່າ: ການ​ຕັດສິນ​ໃຈ​ພັດທະນາ​ອາວຸດ​ນິວ​ເຄຼຍຂະໜາດ​ນ້ອຍ​ຂອງ​ອາ​ເມ​ລິ​ການັ້ນ ສະ​ແດງ​ໃຫ້​ເຫັນ​ວ່າການ​ແຂ່ງຂັນ​ກັນ​ສະ​ສົມ​ອາວຸດ​ນິວ​ເຄຼຍຮອບ​ໃໝ່​ໄດ້​ເລີ່​ມຂຶ້ນ​ແລ້ວ ​ເຊິ່ງຈະ​ເຮັດ​ໃຫ້​ໂລກ ​ແລະ ພາກພື້ນ​ເອີຣົບຕົກ​ຢູ່​ພາຍ​ໃຕ້​ຄວາມ​ສ່ຽງ​ຈາກ​ໄພ​ນິວ​ເຄຼຍ​ຄື​ກັບ​ໃນ​ຍຸກ​ສົງຄາມ​ເຢັນ.

ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ - 99878385 a2d6cc6e 0277 4359 80ee 9ffe536ed478 300x169 - ຫລາຍປະເທດຮ່ວມປະນາມແຜນພັດທະນາ ນິວເຄຼຍຂະໜາດນ້ອຍຂອງອາເມລິກາ

ກະຊວງ​ການ​ຕ່າງປະ​ເທດຣັດ​ເຊຍ​ອອກ​ຖະ​ແຫລ​ງການ​ປະນາມ​ຂໍ້​ສະ​ເໜີ​ຂອງ​ກອງທັບ​ອາ​ເມ​ລິ​ກາ ທີ່​ໃຫ້​ພັດທະນາ​ອາວຸດ​ນິວ​ເຄຼຍຂະໜາດ​ນ້ອຍ​ໄວ້​ປ້ອງ​ກັນ​ການ​ໂຈ​ມຕີ​ຈາກຣັດ​ເຊຍ​ໂດຍ​ສະ​ເພາະ.

ທ່ານ ​ເຊີ​ເກ ລາ​ຟຣອຟ ລັດຖະມົນຕີ​ຕ່າງປະ​ເທດຣັດ​ເຊຍ ຊີ້​ວ່າ: ທ່ານ​ຮູ້ສຶກ​ຜິດ​ຫວັງ​ຢ່າງ​ຍິ່ງ​ຕໍ່​ແຜນການ​ດັ່ງກ່າວ​ຂອງ​ອາ​ເມ​ລິ​ກາ ​ແລະ ການ​ເຄື່ອນ​ໄຫວ​ທາງ​ນະ​ໂຍບາຍ​ຄັ້ງນີ້​ຖື​ເປັນ​ການ​ຜະ​ເຊີນ​ໂດຍ​ກົງ​ກັບຣັດ​ເຊຍ.