U-14 ອາຄາເດມີ ລ໋ອບສະເຕດຽມ ຊະນະ ອາຄາເດມີ ຈູເນ 1-0 ປະຕູ

u-14 ອາຄາເດມີ ລ໋ອບສະເຕດຽມ ຊະນະ ອາຄາເດມີ ຈູເນ 1-0 ປະຕູ - advert banner 728 90 728x90 - U-14 ອາຄາເດມີ ລ໋ອບສະເຕດຽມ ຊະນະ ອາຄາເດມີ ຈູເນ 1-0 ປະຕູ

ນັກກິລາອາຄາເດມີ ລ໋ອບສະເຕດຽມ ຮຸ່ນອາຍຸບໍ່ເກີນ 14 ປີ ຫລື U-14 ປີ ລົງສະໜາມຊະນະ ອາຄາເດມີ ຈູເນ 1-0 ປະຕູ ໃນວັນທີ 3 ກຸມພາ 2017 ທີ່ສະໜາມກິລາໜອງຄາຍເອັຟທີ ປະເທດໄທ ໃນການແຂ່ງຂັນບານ​ເຕະມິດຕະພາບລະຫວ່າງ ອາຄາເດມີ ລ໋ອບສະເຕະດຽມ (ລາວ) ແລະ ອາຄາເດມີ ຈູເນ (ໄທ).

u-14 ອາຄາເດມີ ລ໋ອບສະເຕດຽມ ຊະນະ ອາຄາເດມີ ຈູເນ 1-0 ປະຕູ - lattana 1 - U-14 ອາຄາເດມີ ລ໋ອບສະເຕດຽມ ຊະນະ ອາຄາເດມີ ຈູເນ 1-0 ປະຕູ

ທ່ານ ອາລ໋ອບ ມະນິບົດ ປະທານອາຄາເດມີ ລ໋ອບສະເຕດຽມ ໃຫ້ສໍາພາດວ່າ: ການແຂ່ງຂັນມິດຕະພາບຄັ້ງນີ້ ທາງອາຄາເດມີຂອງພວກເຮົາໄດ້ສົ່ງນັກກິລາລົງແຂ່ງຂັນທັງໝົດ 4 ຮຸ່ນຄື: ຮຸ່ນ 8 ປີ, ຮຸ່ນ 12 ປີ, ຮຸ່ນ 14 ປີ ແລະ ຮຸ່ນຜູ້ປົກຄອງ. ຜ່ານການແຂ່ງຂັນອາຄາເດມີລ໋ອບສະເຕດຽມ ສາມາດເອົາຊະນະ 2 ຮຸ່ນຄື: ຮຸ່ນອາຍຸ 12 ປີ ຊະນະ 2-1 ປະຕູ ແລະ ຮຸ່ນອາຍຸ 14 ປີ ຊະນະ 1-0 ປະຕູ, ຂະນະທີຮຸ່ນອາຍຸ 8 ປີ ແລະ ຮຸ່ນຜູ້ປົກຄອງເສຍໃຫ້ ອາຄາເດມີ ຈູເນ. ສໍາລັບການແຂ່ງຂັນຄັ້ງນີ້ຖືວ່າເປັນຄັ້ງທໍາອິດຂອງ ອາຄາເດມີຂອງພວກເຮົາ ທີ່ໄດ້ເຂົ້າຮ່ວມແຂ່ງຂັນບານ​ເຕະມິດຕະພາບກັບປະເທດໄທ ເຊິ່ງເປັນປະເທດທີ່ມີນັກເຕະ ແລະ ສະໂມສອນດີເດັ່ນຫລາຍພໍສົມຄວນ. ດັ່ງນັ້ນ, ທາງຄະນະບໍລິຫານທີມຂອງພວກເຮົາຈຶ່ງເຂົ້າຮ່ວມການແຂ່ງຂັນດັ່ງກ່າວ. ທັງນີ້ເພື່ອເຮັດໃຫ້ນັກກິລາຂອງພວກເຮົາໄດ້ມີການແລກປ່ຽນບົດຮຽນກັບບັນດາສະໂມສອນທີ່ເປັນແຖວໜ້າຂອງປະເທດເພື່ອນບ້ານ ພ້ອມທັງເປັນການຝຶກຊ້ອມນັກກິລາຂອງອາຄາເດມີໄປໃນຕົວ ເພື່ອເຮັດໃຫ້ເຂົາເຈົ້າສາມາດຕໍ່ຍອດເປັນນັກເຕະອາຊີບເຂົ້າສູ່ທີມຊາດໃນອະນາຄົດ.

ທ່ານ ອາລ໋ອບ ມະນີບົດ ຍັງກ່າວອີກວ່າ: ອາຄາເດມີ ລ໋ອບສະເຕດຽມຂອງພວກເຮົາ ເປີດສອນທຸກໆວັນເສົາ-ທິດ ເວລາ 7:30-9:30 ໂມງເຊົ້າ ເຊິ່ງຮັບສອນເລີ່ມແຕ່ອາຍຸ 5-8 ປີ ແລະ 9-14 ປີ ທີ່ເດີ່ນລ໋ອບສະເຕດຽມ ບ້ານຊ້າງຄູ້ ເມືອງໄຊທານີ ນະຄອນຫລວງວຽງຈັນ ຫລື ສາມາດໂທສອບຖາມໄດ້ ໂທ: 02078777577; 02099777663.