ສະໜາມບິນດູໄບຄອງແຊ້ມ ຜູ້ໂດຍສານສາກົນ ຫລາຍສຸດເປັນປີທີ 4 ຕິດຕໍ່ກັນ

ສະໜາມບິນດູໄບຄອງແຊ້ມ ຜູ້ໂດຍສານສາກົນ ຫລາຍສຸດເປັນປີທີ 4 ຕິດຕໍ່ກັນ - advert banner 728 90 728x90 - ສະໜາມບິນດູໄບຄອງແຊ້ມ ຜູ້ໂດຍສານສາກົນ ຫລາຍສຸດເປັນປີທີ 4 ຕິດຕໍ່ກັນ

ສະໜາມ​ບິນ​ສາກົນ​ດູ​ໄບຂອງ​ສະຫະ​ນະຄອນ ​ເອ​ເມຣັດ ອາຣັບ (UAE) ຄອງ​ຕຳ​ແໜ່​ງສະໜາມ​ບິນ​ທີ່​ມີ​ຜູ້​ໂດຍສານ​ສາກົນ​ໃຊ້​ບໍລິການ​ຫລາຍ​ທີ່​ສຸດ​ໃນ​ໂລກ​ເປັນ​ປີ​ທີ 4 ຕິດ​ຕໍ່​ກັນ​ໃນ​ປີ​ກ່ອນ.

ສະໜາມບິນດູໄບຄອງແຊ້ມ ຜູ້ໂດຍສານສາກົນ ຫລາຍສຸດເປັນປີທີ 4 ຕິດຕໍ່ກັນ - lattana 1 - ສະໜາມບິນດູໄບຄອງແຊ້ມ ຜູ້ໂດຍສານສາກົນ ຫລາຍສຸດເປັນປີທີ 4 ຕິດຕໍ່ກັນ

ຫ້ອງການ​ສະໜາມ​ບິນ​ດູ​ໄບ ຖະ​ແຫລ​ງ​ໃນ​ວັນ​ທີ 5 ກຸມພາ​ວ່າ: ປີຜ່ານມາ​ມີ​ຜູ້​ໂດຍສານ​ສາກົນ​ໃຊ້​ບໍລິການ​ທັງ​ໝົດ 88,2 ລ້ານ​ຄົນ ​ເພີ່ມ​ຂຶ້ນ 5,5% ຈາກ 83,6 ລ້ານ​ຄົນ ​ໃນ​ປີ 2016 ​ໂດຍ​ສາມາດ​ຮັກສາ​ຕຳ​ແໜ່​ງສະໜາມ​ບິນ​ທີ່​ມີ​ຜູ້​ໂດຍສານ​ສາກົນ​ໃຊ້​ບໍລິການ​ຫລາຍ​ທີ່​ສຸດ​ນັບ​ແຕ່​ແຊງ​ສະໜາມ​ບິນ​ສາກົນ​ຮີ​ທ​ໂທ​ຂອງ​ນະຄອນຫລວງ​ລອນ​ດອນ​ໄດ້​ໃນ​ປີ 2014 ສະ​ເພາະ​ຍອດ​ຜູ້​ໂດຍສານ​ຄົນຣັດ​ເຊຍ ​ແລະ ຄົນ​ຈີນ​ເພີ່ມ​ຂຶ້ນ​ເຖິງ 28 ​ແລະ 19,4 ​ເປັນ 1,3 ລ້ານ​ຄົນ ​ແລະ 2,2 ລ້ານ​ຄົນ​ຕາມ​ລຳດັບ ​ເນື່ອງ​ຈາກ UAE ​ໄດ້​ຫລຸດຜ່ອນ​ລະບຽບ​ການ​ກວດກາ​ໜັງສື​ເດີນທາງ (ວີ​ຊາ) ​ໃຫ້​ຄົນຣັດ​ເຊຍ​ໃນ​ປີ 2017 ​ແລະ ຄົນ​ຈີນ​ໃນ​ປີ 2016. ຂະນະ​ທີ່​ຄົນອິນ​ເດຍຍັງ​ເປັນ​ຜູ້​ໂດຍສານ​ສາກົນ​ລາຍ​ໃຫຍ່​ທີ່​ສຸດ​ຂອງ​ສະໜາມ​ບິນ​ດູ​ໄບ ​ໂດຍ​ມີ​ສູງ​ເຖິງ 12,06 ລ້ານ​ຄົນ ​ເພີ່ມ​ຂຶ້ນ 5,4%.

​ເຖິງ​ຢ່າງ​ໃດ​ກໍ​ດີ, ຈາກ​ການ​ຄິດ​ໄລ່​ຂອງ​ສຳນັກ​ຂ່າວຣອຍ​ເຕີ​ພົບ​ວ່າ: ປີຜ່ານມາ​ຈຳນວນ​ຜູ້​ໂດຍສານ​ສາກົນ​ຂອງ​ສະໜາມ​ບິນ​ສາກົນ​ດູ​ໄບຂະຫຍາຍຕົວ​ຕໍ່າ​ທີ່​ສຸດ​ນັບ​ແຕ່​ປີ 2009 ​ເຊັ່ນ​ດຽວ​ກັບ​ປີ​ນີ້ ຄາດ​ວ່າ​ຈະ​ຂະຫຍາຍຕົວ​ພຽງ 2,4% ​ເປັນ 90,3 ລ້ານ​ຄົນ. ອາ​ເມ​ລິ​ກາ​ສັ່ງ​ຫ້າມ​ຜູ້​ໂດຍສານ​ທີ່​ເດີນທາງ​ຈາກ UAE ​ແລະ ຫລາຍ​ປະ​ເທດ​ໃນ​ຕາ​ເວັນ​ອອກ​ກາງ ​ແລະ ອາ​ຟຣິກາ​ເໜືອ​ຖື​ແລັບ​ທັອບ ​ແລະ ​ແທັບ​ເລັດ​ຂຶ້ນ​ເຮືອບິນ​ໃນ​ເດືອນ​ມີນາ​ປີ​ກ່ອນ ​ເພາະ​ຢ້ານ​ຖືກ​ໃຊ້​ເປັນ​ລະ​ເບີດ, ຕໍ່​ມາ​ສາຍ​ການບິນ​ເອມິ​ເຣດທີ່​ມີ​ຖານ​ຢູ່​ສະໜາມ​ບິນ​ດູ​ໄບປະກາດ​ໃນ​ເດືອນ​ກໍລະກົດ​ວ່າ: ​ໄດ້​ຮັບ​ການ​ຍົກ​ເວັ້ນຈາກ​ຄຳ​ສັ່ງ​ນີ້​ແລ້ວ ​ເພາະ​ໄດ້​ເພີ່ມ​ມາດ​ຕະການ​ກວດກາ​ຄວາມ​ປອດ​ໄພ​ເຂັ້ມງວດ​ແບບ​ໃໝ່.