ເສດຖະກິດອິນໂດເນເຊຍເຕີບໃຫຍ່ 5,1% ໃນປີຜ່ານມາ

ເສດຖະກິດອິນໂດເນເຊຍເຕີບໃຫຍ່ 5,1% ໃນປີຜ່ານມາ - advert banner 728 90 728x90 - ເສດຖະກິດອິນໂດເນເຊຍເຕີບໃຫຍ່ 5,1% ໃນປີຜ່ານມາ

ທາງການ​ອິນ​ໂດ​ເນ​ເຊຍລາຍ​ງານ​ໃນ​ວັນ​ທີ 5 ກຸມພາ​ວ່າ: ​ເສດຖະກິດ​ອິນ​ໂດ​ເນ​ເຊຍ​ເພີ່ມ​ຂຶ້ນ​ເລັກ​ໜ້ອຍ ມາ​ຢູ່​ລະດັບ 5,1% ​ໃນ​ປີຜ່ານມາ. ຂະນະ​ທີ່​ທະນາຄານ​ກາງ​ອິນ​ໂດ​ເນ​ເຊຍ​ຫລຸດ​ອັດຕາ​ດອກ​ເບ້ຍ​ຫລາຍ​ຄັ້ງ ​ແຕ່​ນັກວິ​ເຄາະ​ເຕືອນ​ວ່າ​ອາດ​ບໍ່​ມີ​ຄວາມ​ຫວັງ​ໃນ​ປີ​ນີ້.

ເສດຖະກິດອິນໂດເນເຊຍເຕີບໃຫຍ່ 5,1% ໃນປີຜ່ານມາ - lattana 1 - ເສດຖະກິດອິນໂດເນເຊຍເຕີບໃຫຍ່ 5,1% ໃນປີຜ່ານມາ

ລັດຖະບານ​ອິນ​ໂດ​ເນ​ເຊຍ​ລາຍ​ງານ​ວ່າ: ​ເສດຖະກິດ​ອິນ​ໂດ​ເນ​ເຊຍ​ທີ່​ມີ​ຂະໜາດ​ໃຫຍ່​ທີ່​ສຸດ​ໃນ​ພາກພື້ນອາຊີ​ຕາ​ເວັນ​ອອກສຽງ​ໃຕ້​ຂະຫຍາຍຕົວ 5,1% ​ໃນ​ປີຜ່ານມາ ຈາກ 5% ​ໃນ​ປີ 2016. ຂະນະ​ທີ່​ອັດຕາ​ການ​ເຕີບ​ໃຫຍ່​ໃນ​ໄຕ​ມາດ 4 ຢູ່​ທີ່ 5,2% ຫລາຍ​ກວ່າ​ທີ່​ເຄີຍ​ຄາດ​ຄະ​ເນ​ໄວ້ວ່າ 5,1%. ນັກ​ເສດຖະສາດ​ອາວຸ​ໂສ​ດ້ານ​ເສດຖະກິດ​ອາຊີ​ ກ່າວ​ວ່າ: ຕົວ​ເລກ​ທີ່​ເພີ່ມ​ຂຶ້ນສະ​ແດງ​ໃຫ້​ເຫັນ​ເຖິງ​ການ​ຟື້ນຕົວ​ຈາກ​ການ​ບໍລິ​ໂພ​ກ​ໃນ​ພາກ​ເອກະ​ຊົນ, ການ​ໃຊ້​ຈ່າຍ​ພາກ​ລັດ ​ແລະ ການ​ລົງທຶນ​ເຕີບ​ໃຫຍ່ ​ເຊິ່ງຊ່ວຍ​ທົດ​ແທນ​ຍອດ​ສົ່ງ​ອອກ​ສຸດທິ​ທີ່​ຊຸດ​ໂຊມ​ໄດ້, ​ແຕ່​ເຕືອນ​ວ່າ​ທ່າ​ອ່ຽງ​ເສດຖະກິດ​ຍັງ​ບໍ່​ແນ່ນອນ​ຈາກ​ລາຄາ​ສິນຄ້າ​ຫລັກ​ເຊັ່ນ: ນ້ຳມັນປາ​ມ ​ແລະ ຖ່ານ​ຫີນ. ປະທານາທິບໍດີ ​ໂຈ​ໂກ ວິ​ໂດ​ໂດ ຂອງ​ອິນ​ໂດ​ເນ​ເຊຍ ​ເຊິ່ງ​ເຂົ້າຮັບ​ຕຳ​ແໜ່​ງ​ໃນ​ປີ 2014 ຍັງ​ປະສົບ​ບັນຫາ​ໃນ​ການ​ຟື້ນຟູ​ເສດຖະກິດ ຫລັງ​ເຄີຍ​ປະກາດ​ຈະ​ເຮັດ​ໃຫ້​ເສດຖະກິດ​ເຕີບ​ໃຫຍ່ 7% ທຸກ​ປີ.