ອາເມລິກາຂູ່ຂວ້ຳບາດ ຂະແໜງພະລັງງານເວເນຊູເອລາ

ອາເມລິກາຂູ່ຂວ້ຳບາດ ຂະແໜງພະລັງງານເວເນຊູເອລາ - advert banner 728 90 728x90 - ອາເມລິກາຂູ່ຂວ້ຳບາດ ຂະແໜງພະລັງງານເວເນຊູເອລາ

ທ່ານ ​ເຣັກ ທິລ​ເລີ​ສັນ ກ່າວ​ວ່າ: ອາ​ເມ​ລິ​ກາ​ຍັງ​ພິຈາລະນາ​ມາດ​ຕະການ​ຈຳກັດ​ການ​ຄ້າຂາຍ​ນ້ຳມັນ​ກັບ​ເວ​ເນ​ຊູ​ເອລາ ​ເພື່ອ​ເພີ່ມ​ແຮງ​ກົດ​ດັນ​ໃຫ້​ປະທານາທິບໍດີ ​ນິໂຄລັສ ມາ​ດູ​ໂຣ ຍອມ​ລາ​ອອກ​ຈາກ​ຕຳ​ແໜ່​ງ.

ອາເມລິກາຂູ່ຂວ້ຳບາດ ຂະແໜງພະລັງງານເວເນຊູເອລາ - lattana 1 - ອາເມລິກາຂູ່ຂວ້ຳບາດ ຂະແໜງພະລັງງານເວເນຊູເອລາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ບົວ​ໂນ​ສ​ໄອ​ເຣສ ປະ​ເທດ​ອັກ​ຊັງ​ຕິນ ​ໃນ​ວັນ​ທີ 4 ກຸມພາ​ວ່າ: ທ່ານ ​ເຣັກ ທິລ​ເລີ​ສັນ ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ກ່າວ​ລະຫວ່າງ​ຢ້ຽມຢາມ​ອັກ​ຊັງ​ຕິນ ​ໃນ​ວັນ​ທີ 4 ກຸມພາວ່າ: ລັດຖະບານ​ວໍ​ຊິງ​ຕັນ​ຍັງ​ພິຈາລະນາ​ແນວ​ຄິດ​ຈຳກັດ​ການ​ສົ່ງ​ອອກ​ຜະລິດ​ຕະພັນ​ປິ​ໂຕຣລ້ຽມ​ໄປ​ຍັງ​ເວ​ເນ​ຊູ​ເອລາ ​ແລະ ຈຳກັດ​ການ​ນຳ​ເຂົ້ານ້ຳມັນ​ດິບ​ຈາກ​ອີກ​ຝ່າຍ ​ເພື່ອ​ເພີ່ມ​ແຮງ​ກົດ​ດັນ​ໃຫ້​ປະທານາທິບໍດີ ນິ​ໂຄ​ລັສ ມາ​ດູ​ໂຣ ​ໃນ​ການ​ຄືນ​ອຳນາດ​ຕາມ​ລັດຖະທຳ​ມະນູນ​ໃຫ້​ແກ່​ປະຊາຊົນ, ​ແຕ່​ມາດ​ຕະການ​ທີ່​ຈະ​ເກີດ​ຂຶ້ນຕ້ອງ​ສົ່ງ​ຜົນ​ກະທົບ​ຕໍ່​ອາ​ເມ​ລິ​ກາ ​ແລະ ປະ​ເທດ​ອື່ນ​ໃນ​ພາກພື້ນ​ໃຫ້​ໜ້ອຍ​ທີ່​ສຸດ.

ຂະນະ​ທີ່​ທ່ານ ຮໍ​ເກ້ ​ເຟົາຣີ ລັດຖະມົນຕີ​ກະຊວງ​ການ​ຕ່າງປະ​ເທດ​ອັກ​ຊັງ​ຕິນ ຍັງ​ສະ​ແດງ​ທ່າ​ທີ​ພຽງ​ວ່າ: ລັດຖະບານ​ບົວ​ໂນ​ສ​ໄອ​ເຣສ​ເຝົ້າຕິດຕາມ​ສະຖານະ​ການ​ທີ່​ຈະ​ເກີດ​ຂຶ້ນຢ່າງ​ໃກ້ຊິດ ​ໃນ​ກໍລະນີ​ທີ່​ລັດຖະບານ​ວໍ​ຊິງ​ຕັນ​ຂວ້ຳບາດ​ດ້ານ​ພະລັງງານ​ຕໍ່​ລັດຖະບານ​ກາຣາກັສ ​ແລະ ຮຽກຮ້ອງ​ວ່າ ມາດ​ຕະການ​ກົດ​ດັນ​ທາງ​ເສ​ດຖະກິດ​ຈະ​ຕ້ອງ​ບໍ່​ສ້າງ​ຄວາມ​ເດືອດຮ້ອນ​ໃຫ້​ແກ່​ເວ​ເນ​ຊູ​ເອລາ​ຫລາຍ​ກວ່າ​ນີ້ ​ໂດຍ​ອາ​ເມ​ລິ​ກາ ​ແລະ ​ເວ​ເນ​ຊູ​ເອລາ ບໍ່​ມີ​ການ​ພົວພັນ​ທາງ​ການ​ທູດ​​ເຕັມ​ຮູບ​ແບບ​ຕໍ່​ກັນ, ​ແຕ່​ຍັງ​ຮັກສາ​ສະຖານະ​ປະ​ເທດ​ຄູ່​ຄ້ານ້ຳມັນ​ດິບ ​ແລະ ຜະລິດ​ຕະພັນ​ທີ່​ກ່ຽວຂ້ອງ, ​ແຕ່​ປະລິມານ​ນ້ຳມັນ​ດິບ​ທີ່​ເວ​ເນ​ຊູ​ເອລາ​ສົ່ງ​ອອກ​ໄປ​ອາ​ເມ​ລິ​ກາ​ໃນ​ປີຜ່ານມາ​ນັ້ນ ໜ້ອຍ​ທີ່​ສຸດ​ນັບ​ແຕ່​ປີ 1991 ​ເຊິ່ງ​ເປັນ​ຜົນ​ຈາກ​ມາດ​ຕະການ​ຂວ້ຳບາດຂອງ​ອາ​ເມ​ລິ​ກາ.