ບໍລິສັດ ຕັນຈອງ ມໍເຕີລາວ ຈັດງານເທດສະການທົດລອງຂັບຂີ່ລົດນິດສັນ

ບໍລິສັດ ຕັນຈອງ ມໍເຕີລາວ ຈັດງານເທດສະການທົດລອງຂັບຂີ່ລົດນິດສັນ - advert banner 728 90 728x90 - ບໍລິສັດ ຕັນຈອງ ມໍເຕີລາວ ຈັດງານເທດສະການທົດລອງຂັບຂີ່ລົດນິດສັນ

ບໍລິສັດຕັນຈອງມໍເຕີ (ລາວ) ຈໍາກັດຜູ້ດຽວ, ຕົວແທນຈໍາໜ່າຍ ແລະ ນໍາເຂົ້າລົດນິດສັນ ແລະ ບໍລິສັດລູກຂອງບໍລິສັດຕັນຈອງມໍເຕີໂຮງດີ້ງເບີຫາດ (ມາເລເຊຍ), ໄດ້ຈັດງານລະນຶກປີແຫ່ງການດຳເນີນທຸລະກິດໃນລາວ, ໂດຍການຈັດເທດສະການທົດລອງຂັບຂີ່ໃຫ້ແກ່ລູກຄ້ານິດສັນ ແລະ ປະຊາຊົນທົ່ວໄປໃນວັນທີ​ 3-4 ກຸມພານີ້ທີ່ຫໍວັດທະນະທຳແຫ່ງຊາດ, ເພື່ອສະແດງໃຫ້ເຫັນມໍລະດົກອັນ ລ້ຳຄ່າ ແລະ ຄວາມຫລາກຫລາຍດ້ານຜະລິດຕະພັນຂອງລົດຍີ່ຫໍ້ນິດສັນ, ເພື່ອເພີ່ມຄວາມໝັ້ນໃຈ, ຄວາມຕື່ນເຕັ້ນ, ພ້ອມທັງໃຫ້ລູກຄ້າ ແລະ ປະຊາຊົນ ໄດ້ມີປະສົບການໃນການຂັບຂີ່ລົດນິດສັນນາວາລາເທິງທາງສູງຊັນ ແລະ ຜ່ານສິ່ງກີດຂວາງທ້າທາຍຕ່າງໆສະເພາະ.

ບໍລິສັດ ຕັນຈອງ ມໍເຕີລາວ ຈັດງານເທດສະການທົດລອງຂັບຂີ່ລົດນິດສັນ - lattana 1 - ບໍລິສັດ ຕັນຈອງ ມໍເຕີລາວ ຈັດງານເທດສະການທົດລອງຂັບຂີ່ລົດນິດສັນ

ຕະຫລອດໄລຍະ 2 ວັນແຫ່ງເທດສະການທົດລອງຂັບຂີ່ດັ່ງກ່າວ ແມ່ນໄດ້ຮັບສຽງຕອບຮັບທີ່ດີ,​ເນື່ອງຈາກມີຫລາຍກິດຈະກຳເຊັ່ນ: ການກວດເຊັກລົດໂດຍບໍ່ເສຍຄ່າ, ການຫລີ້ນເກມຕ່າງໆສໍາລັບເດັກນ້ອຍ ແລະ ການຈົກສະຫລາກຊີງລາງວັນອື່ນໆ.

ນອກຈາກການທົດລອງຂັບຂີ່ລົດແລ້ວ, ຍັງມີການວາງສະແດງລົດລຸ້ນໃໝ່ຫລ້າສຸດ ຄື: ນິດສັນ ເອັກສເທວ (Nissan X-TRAIL 2018) ແລະ ລຸ້ນອື່ນໆ, ເຊິ່ງນິດສັນຊະນິດນີ້ແມ່ນໜຶ່ງໃນລຸ້ນທີ່ຍອດນິຍົມສູງຂອງນິດສັນ ແລະ ເປັນທີ່ຮູ້ຈັກກັນດີ ໃນເລື່ອງຄວາມເປັນອະເນກປະສົງທີ່ພາໄປທຸກຫົນແຫ່ງ ດ້ວຍການເພີ່ມເຕັກໂນໂລຊີຂັບເຄື່ອນອັດສະລິຍະໃໝ່ລ້າສຸດຂອງນິດສັນ.

ບໍລິສັດ ຕັນຈອງ ມໍເຕີ (ລາວ) ຈໍາກັດພຽງຜູ້ດຽວ ໄດ້ຖືຄວາມເພິ່ງພໍໃຈຂອງລູກຄ້າເປັນບູລິມາສິດຫລັກ, ມີຄວາມມຸ່ງໝັ້ນໃນການມອບການບໍລິການຫລັງການຂາຍທີ່ດີທີ່ສຸດ ແລະ ແນໃສ່ໃຫ້ກາຍເປັນໜຶ່ງໃນຍີ່ຫໍ້ລົດທີ່ເປັນມິດກັບລູກຄ້າຫລາຍທີ່ສຸດໃນລາວ, ເນື່ອງຈາກວ່ານິດສັນໄດ້ສືບຕໍ່ເຕີບໂຕໃນປະເທດລາວ.