ລາວ-ຈີນ ເພີ່ມທະວີການຮ່ວມມືດ້ານການເງິນພາຍໃຕ້ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”

ລາວ-ຈີນ ເພີ່ມທະວີການຮ່ວມມືດ້ານການເງິນພາຍໃຕ້ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” - advert banner 728 90 728x90 - ລາວ-ຈີນ ເພີ່ມທະວີການຮ່ວມມືດ້ານການເງິນພາຍໃຕ້ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”

ກອງ​ປະຊຸມ​ສົນທະນາການຮ່ວມມືທາງດ້ານການເງິນລະຫວ່າງ ສປປ ລາວ ແລະ ສປຈີນ, ​ໄດ້​ຈັດ​ຂຶ້ນ​ໃນ​ວັນ​ທີ 3 ກຸມພາ​ນີ້ທີ່ນະຄອນ​ຫລວງ​ວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ສົມ​ພາວ ​ໄຟ​ສິດ ຜູ້​ວ່າການ​ທະນາຄານ​ແຫ່ງ ສປປ ລາວ, ທ່ານ ຈ່າວ​ຟູ​ຈູ​ນ ຕາງໜ້າຄະນະ​ບໍລິຫານ​ສຳນັກງານ​ໃຫຍ່​ທະນາຄານ​ອຸດສາຫະກຳ ​ແລະ ການ​ຄ້າ​ຈີນ ຈຳກັດ ​ແລະ ທ່ານ ລູ ຊຽນ ຜູ້ອຳນວຍການ​ທະນາຄານອຸດສາຫະກຳ ​ແລະ ການ​ຄ້າ​ຈີນ ຈຳກັດ ສາຂານະຄອນຫລວງ​ວຽງຈັນ.

ລາວ-ຈີນ ເພີ່ມທະວີການຮ່ວມມືດ້ານການເງິນພາຍໃຕ້ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” - lattana 1 - ລາວ-ຈີນ ເພີ່ມທະວີການຮ່ວມມືດ້ານການເງິນພາຍໃຕ້ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”

ທ່ານ ຈ່າວຟູ​ຈູ​ນ ​ໃຫ້​ຮູ້​ວ່າ: ​ແລວ​ທາງ​ເສດຖະກິດ​ຈີນ ​ແລະ ລາວ ​ແມ່ນ​ແຜນ​ພັດທະນາ​ທີ່​ຍິ່ງ​ໃຫຍ່​ຂອງ​ຜູ້ນຳ​ສູງ​ສຸດ​ຂອງ​ທັງ 2 ປະ​ເທດ ແລະ ເພື່ອ​ເປັນ​ການ​ຜັນ​ຂະ​ຫຍາຍ​ຢ່າງ​ລະອຽດກ່ຽວກັບ​ການ​ເຊື່ອມ​ຈອດ​ກັນ​ລະຫວ່າງ​ຂໍ້​ລິ​ເລີ່​ມ “ໜຶ່ງ​ແລວ ໜຶ່ງ​ເສັ້ນທາງ” ​ແລະ ຍຸດ​ທະ​ສາດ​ເພື່ອ​ຫັນປະ​ເທດ​ທີ່​ບໍ່ມີ​ທາງ​ອອກ​ສູ່​ທະ​ເລ ​ເປັນ​ປະ​ເທດ​ທາງ​ຜ່ານ​ຂອງ​ພາກພຶ້ນ. ​ໃນ​ຂະ​ບວນວິວັດ​ແຫ່ງ​ການ​ສ້າງ​ແລວ​ທາງ​ເສດຖະກິດ​ຈີນ ​ແລະ ລາວ, ທະນາຄານ​ອຸດສາຫະກຳການ​ຄ້າ​ຈີນ, ​ເຊິ່ງ​ເປັນໜຶ່ງ​ໃນ​ທະນາຄານ​ການ​ຄ້າ​ລະດັບ​ສາກົນຂອງຈີນ, ​ເພື່ອໃຫ້ການ​ສະໜັບສະໜູນຢ່າງ​ຕັ້ງໜ້າເຂົ້າໃນຍຸດທະສາດດັ່ງກ່າວ, ມາຮອດ​ທ້າຍ​ປີ 2017 ທະນາຄານ​ໄດ້​ຕັ້ງ​ສາຂາຂອງຕົນຂຶ້ນ 400 ກວ່າ​ແຫ່ງ​ໃນ 42 ປະ​ເທດໃນພາກພຶ້ນຕ່າງໆຂອງ​ໂລກ ແລະ ​ໄດ້ໃຫ້ການ​ສະໜັບສະໜູນດ້ານ​ການ​ເງີ​ນຈໍານວນ 94,5 ຕື້​ໂດ​ລາສະຫະລັດ​ໃຫ້​ແກ່ 358 ​ໂຄງການ​ຮ່ວມ​ມື​ສາກົນ​ໃນ​ຂົງ​ເຂດ​ດ້ານ​ພະລັງງານ​ໄຟຟ້າ, ຄົມມະນາຄົມ, ​ໂທລະ​ຄົມ, ພະລັງງານ ​ແລະ ຂົງ​ເຂດ​ການ​ຜະລິດ​ອື່ນໆ. ​ໃນ​ປີ 2011 ທະນາຄານດັ່ງກ່າວ​ໄດ້​ເປີດ​ສາຂາຂຶ້ນຢູ່ນະຄອນຫລວງ​ວຽງຈັນ ​ແລະ ກໍ​ໄດ້​ໃຫ້ການ​ບໍລິການ​ດ້ານ​ການ​ເງີ​ນໃຫ້ແກ່ 1.500 ວິ​ສາ​ຫະກິດ ​ແລະ ລູກ​ຄ້າກວ່າ 20 ພັນ​ຄົນ, ລວມມີຍອດ​ເງີ​ນກູ້​ຫລາຍ​ກວ່າ 3 ຕື້​ໂດ​ລາສະຫະລັດ, ອັນ​ສຳຄັນ​ແມ່ນ​ໃຫ້ການ​ສະໜັບສະໜູນ​ໂຄງການ​ໂຮງ​ແຮມ​ເຮືອນ​ພັກ​ນັກ​ການ​ທູດ, ​ໂຄງການ​ຕາໜ່າງ​ໄຟຟ້າຂະໜາດ​ໃຫຍ່​ຂອງ​ບໍລິສັດ​ໄຟຟ້າ​ລາວ ​ແລະ ອື່ນໆ.

ໃນໂອກາດນີ້, ທ່ານ ສົມ​ພາວ ​ໄຟ​ສິດ ຜູ້​ວ່າການ​ທະນາຄານ​ແຫ່ງ ​ສປປ ລາວ ​ໄດ້​ມີ​ຄຳ​ເຫັນ​ວ່າ: ການ​ຮ່ວມ​ມືທີ່ພົ້ນເດັ່ນໃນໄລຍະຜ່ານມາລະຫວ່າງ ລາວ-ຈີນ ແມ່ນ​ມີ​ໂຄງການ​ກໍ່ສ້າງ​ເສັ້ນທາງ​ລົດ​ໄຟ​ລາວ-ຈີນ, ຊຶ່ງ​ເປັນ​ຂີ​ດໝາຍລິ​ເລີ່​ມທີ່​ສຳຄັນ​ຂອງ​ການ​ຮ່ວມ​ມື​ໃນ​ດ້ານ​ການກໍ່ສ້າງ​ພຶ້ນຖານ​ໂຄງ​ລ່າງ, ​ແລກປ່ຽນການ​ຄ້າ ​ແລະ ການ​ລົງທຶນ​ຂອງ​ສອງ​ປະ​ເທດ​ໃຫ້​ມີ​ບາດກ້າວ​ຂະຫຍາຍຕົວ ແລະ ​ເພື່ອ​ສືບຕໍ່​ຜັນ​ຂະຫຍາຍ​ຈິດ​ໃຈ​ການ​ນຳ​ສູງ​ສຸດ​ຂອງ​ສອງ​ປະ​ເທດ​ໃຫ້​ເປັນ​ຮູບ​ປະ​ທຳ ​ແລະ ​ເຂົ້າ​ສູ່​ລວງ​ເລີກນັ້ນ, ຂະ​ແໜງການ​ເງີ​ນ-ທະນາຄານ ກໍໄດ້​ຄົ້ນ​ຄ້ວາ​ວາງ​ແຜນ, ຊອກ​ຫາ​ວິທີ​ການ, ກົນ​ໄກ​ທີ່​ເໝາະສົມດັ່ງ​ເວທີ​ສົນທະນາ​ຄັ້ງ​ນີ້ ມີ​ຫົວ​ຂໍ້​ຄື: ສິ່ງ​ທ້າ​ທາຍ ​ແລະ ​ໂອກາດ​ໃນ​ການ​ສ້າງ​ແລວ​ທາງ​ເສດຖະກິດ​ລາວ-ຈີນ, ໂດຍສະເພາະການ​ຮ່ວມ​ມື​ທາງ​ດ້ານ​ການ​ເງີ​ນຂອງສອງປະເທດ ແບະ ໃນໂອກາດເວທີສົນທະນາຄັ້ງນີ້, ທະນາຄານອຸດສະຫະກໍາການຄ້າຈີນ ICBC ສາຂາວຽງຈັນ, ຍັງໄດ້ຮ່ວມລົງນາມໃນກອບສັນຍາການຮ່ວມມືກັບ 5 ພາກສ່ວນຄື: ລົງນາມໃນກອບສັນຍາການຮ່ວມມືກັບທະນາຄານການຄ້າຕ່າງປະເທດ ສປປ ລາວ, ສັນຍາຮ່ວມມືດ້ານວິຊາການກັບທະນາຄານພັດທະນາແຫ່ງລັດຈີນປະຈຳນະຄອນຫລວງວຽງຈັນ, ສັນຍາການຮ່ວມມືດ້ານຍຸດທະສາດກັບບໍລິສັດຫຸ້ນສ່ວນເຈັ້ຍຕາເວັນຊານຕຸງ ຈໍາກັດ, ສັນຍາຮ່ວມມືຍຸດທະສາດໂຄງການຈຸດພັກລົດບ່ອນປ່ຽນຖ່າຍສິນຄ້າ ແລະ ຫ້າງຊັບພະສິນຄ້າໂລຈິດສຕິກກັບບໍລິສັດກິດຕິພົງ ແລະ ລົງນາມຮ່ວມກັບສະຖານບັນການຄ້າມະຫາວິທະຍາໄລແຫ່ງຊາດອີກດ້ວຍ.