ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ

ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ - advert banner 728 90 728x90 - ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ

ໂດຍ: ກ້ອງສ່ອງ ອິດສະຫລະ

ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ - lattana 1 - ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ

ນັບແຕ່ມີຄຳສັ່ງເລກທີ 15/ ນຍ ໄດ້ອອກມາປົກປ້ອງປ່າໄມ້, ເກືອດຫ້າມພວກທີ່ຫາກິນນຳໄມ້ ແບບຜິດກົດໝາຍມາເປັນເວລາ ປີກວ່າ ໄດ້ເຮັດໃຫ້ການຕັດໄມ້ທຳ ລາຍປ່າໃນທົ່ວປະເທດໄດ້ຫລຸດ ຜ່ອນລົງຢ່າງເຫັນໄດ້ຊັດ ແລະ ປະຈັກຕາກໍແມ່ນການຕັດໄມ້ທຳລາຍປ່າໃນທົ່ວປະເທດໄດ້ຖືກ ປິດສາກລົງຢ່າງຊິ້ນເຊີງ ບັນດາ ໂຮງເລື່ອຍໂຮງຊອຍທີ່ບໍ່ໄດ້ຮັບ ອະນຸຍາດກໍຖືກຢຸດຕິ, ພວກເຄື່ອນ ໄຫວຫາເລາະຕັດໄມ້ແບບຊະ ຊາຍຜິດກົດໝາຍສ່ວນຫລາຍກໍ ຖືກຍຶດພາຫະນະ, ຢຶດເອົາວັດ ຖຸອຸປະກອນຕ່າງໆ ທີ່ມີມູນຄ່າ ຫລາຍຮ້ອຍລ້ານ. ພິເສດໄມ້ ທ່ອນ, ໄມ້ແປຮູບຕ່າງໆ ທີ່ໄດ້ລັກ ລອບ ຕັດຊຸກເຊື່ອງໄວ້ຕາມປ່າ, ຕາມສະຖານທີ່ໂຮງເລ່ືອຍໂຮງ ຊອຍ, ຕາມເລົ່າສາງ ແລະ ຕາມ ເຮືອນຊານບ້ານຊ່ອງກໍຖືກກວດກາ-ກວດສອບຢ່າງເຄັ່ງຄັດສ່ວນວ່າໃນຖັນແຖວພະນັກງານຂອງລັດ ແລະ ເອກະຊົນ ຫລື ຜູ້ທີ່ຖືກ ກວດສອບຫາກຮູ້ວ່າມີການພົວ ພັນ ແລະ ມີຄວາມຜິດຈິງກໍໄດ້ຖືກ ປະຕິບັດວິໄນ, ປັບໄໝໃສໂທດ ແລະ ຢຶດເອົາຊັບສິນທີ່ກ່ຽວຂ້ອງ ມາເປັນຂອງລັດ.

 

+ ການລັກລອບຕັດໄມ້ ແລະ ຊື້-ຂາຍສັດນໍ້າ-ສັດປ່າປະເພດຫ່ວງຫ້າມຍັງພົບເຫັນຫຼາຍ

+ ການລັກລອບຕັດໄມ້ຍັງມີຢູ່

ຕາມເຮົາຄິດ, ຈາກຮູບແບບ ການປະຕິບັດການຂອງຂັ້ນເທິງ ໃນຄັ້ງນີ້ເຮົາເຫັນວ່າມັນຖືກຕ້ອງສອດຄ່ອງ ແລະ ທັງແມ່ນໝາກ ຜົນຂອງການຈັດຕັ້ງປະຕິບັດຄຳສັ່ງເລກທີ 15/ນຍ ທີ່ທ່ານນາ ຍົກລັດຖະມົນຕີວາງອອກ. ແຕ່ ກົງກັນຂ້າມ, ຖ້າຫາກພວກເຮົາ ບໍ່ມີຄວາມເດັດຂາດຈິງຈັງຍັງ ລວາດແຂ້ວເຕົ່າຄືດັ່ງໄລຍະ ຫລາຍສິບປີຜ່ານມາໄມ້ຢູ່ບ້ານ ເຮົາຕ້ອງຈິບຫາຍວາຍວອດ, ປ່າ ຕຶບດົງໜາກໍຈະກາຍເປັນປ່າເລົ່າ ແລະ ເປີດແປນເອີດເຕີດ, ສຸດ ທ້າຍແຜນພັດທະນາເສດຖະ ກິດ-ສັງຄົມ 5 ຄັ້ງທີ 8 ວ່າແຕ່ນີ້ ຫາປີ 2020 ຈະໃຫ້ມີປ່າປົກຫຸ້ມ 70% ຂອງເນື້ອທີ່ທົ່ວປະເທດ ກໍຈະເປັນພຽງແຕ່ທິດສະດີທີ່ມີ ຢູ່ກັບຄວາມຝັນ. ດ້ວຍສາເຫດ ໃດ ຈຶ່ງວ່າແນວນັ້ນ? ຍ້ອນວ່າຜູ້ ຢູ່ເທິງກໍເວົ້າຢູ່ໄຈ້ໆ ແຕ່ຜູ້ຢູ່ລຸ່ມ ຕາມປ່າ, ຢູ່ຕາມທ້ອງຖິ່ນເຂົາ ບໍ່ພາກັນຫົວຊາເຮັດຫູໜວກກິນ ຟານພາກັນຕັດໄປຕິກໆ ຈົນວ່າ ບາງບ່ອນປ່າຫວງຫ້າມ, ປ່າສະ ຫງວນໄດ້ກຸດຫ້ຽນໄປນຳແຕ່ ລະມື້ບາງບ່ອນຈົນວ່າກ້ຽງ. ສະ ພາບດຽວນີ້, ຢູ່ແຖວປ່າດົງຕຶບ ໜາຫາໄມ້ ທີ່ມີລາຄາແພງໆ ເຊັ່ນ ໄມ້ດູ່, ໄມ້ແດງ, ໄມ້ແຕ້, ໄມ້ຂະ ຍຸງແມ່ນຫາຍາກແລ້ວນີ້ ຄືຜົນ ຮ້າຍຈາກການຕັດໄມ້ທຳລາຍ ປ່າໂດຍທີ່ບໍ່ຄຳນຶງເຖິງຜົນຮ້າຍ ທີ່ຈະຕາມມາ. ເມື່ອຫວນຄືນເບິ່ງ ກ່ອນໄລຍະທີ່ບໍ່ທັນມີຄຳສັ່ງເລກ ທີ 15/ນຍ ອອກມາພວກເຮົາມີ ແຕ່ເວົ້າແຕ່ບໍ່ມີມາດຕະການອັນ ເດັດຂາດຈິງຈັງ ຈຶ່ງກາຍເປັນ ບັນຫາລາມພະລາມຈົວ.

ແນວໃດກໍຕາມ, ມາຮອດ ປັດຈຸບັນເຖິງວ່າພວກເຮົາຈະມີ ມາດຕະການອັນເດັດຂາດ, ແຕ່ກໍ ຍັງມີບຸກຄົນ, ກຸ່ມຄົນຈຳນວນໜຶ່ງ ຍັງລອຍນວນຝ່າຝືນພາກັນລັກ ເຮັດລັກໄປຢູ່ບໍ່ຂາດດັ່ງແຫລ່ງ ຂ່າວໃນວັນທີ 28 ມັງ ກອນຜ່ານ ມາມີລົດແກ່ໄມ້ມາແຕ່ແຖວ ເມືອງ ຄຳເກີດຕາມສາຍທາງເລກທີ 8 ມາຮອດພູຜາມ່ານເກີດອຸປະຕິ ເຫດລົດຂວ້ຳໄມ້ທັບຕາຍທັງຄົນທັງລົດ ຕໍ່ມາ ແຫລ່ງຂ່າວໃນວັນທີ 29 ມັງກອນເຈົ້າໜ້າທີ່ແຂວງ ອັດຕະປືໄດ້ພາກັນໄປຢຶດເອົາໄມ້ຢູ່ປ່າທີ່ພວກຈັງໄຮພາກັນໄປລັກຕັດໄດ້ຫລາຍຄັນລົດ ແລະ ຍັງ ມີບ່ອນອື່ນໆອີກໃນທົ່ວປະເທດທີ່ຍັງເປັນລັກສະນະນີ້.

ແນວໃດກໍດີ, ຕາມເຮົາວ່າຂໍ ໃຫ້ຄຳສັ່ງເລກທີ 15/ນຍ ຈົ່ງເປັນ ຄ້ອນຕະບອງເພັດທີ່ໄຮ້ທຽມທານ ຕະຫລອດໄປ. ກ່ອນອື່ນໝົດ ຜູ້ທີ່ຈະກຳໄມ້ຄ້ອນດັ່ງກ່າວນີ້ ກໍແມ່ນເລຂາພັກ, ອົງຄະນະພັກ ຮາກຖານ ແລະ ສະມາຊິກພັກ- ພະນັກງານທຸກສະຫາຍຕ້ອງໄດ້ ເປັນຕົວແບບນຳໜ້າ- ນຳພາປະ ຊາຊົນເປັນເຈົ້າການປົກປັກຮັກ ສາປ່າໄມ້, ທ້ອງຖິ່ນດິນນາໃນ ຂອບເຂດຄວາມຮັບຜິດຊອບ ຂອງຕົນໃຫ້ມີຄວາມສະຫງົບ ປອດໄພ ແລະ ມີຄວາມຍືນຍົງ ຕາມນະໂຍບາຍຂອງພັກ ແລະ ລັດຖະບານເຮົາວາງອອກ./.

ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ - 49382db1cabe74312aebfced243ea3c2 XL 1024x592 - ຄຳສັ່ງເລກທີ 15/ນຍ ຈົ່ງເປັນຄ້ອນຕະບອງເພັດທີ່ໄຮ້ທຽມທານ
(ພາບປະກອບ)