ນ້ຳອູ​ແຫລ່ງພະລັງງານ​ສຳຄັນ​ຂອງ​ລາວ

ນ້ຳອູ​ແຫລ່ງພະລັງງານ​ສຳຄັນ​ຂອງ​ລາວ - advert banner 728 90 728x90 - ນ້ຳອູ​ແຫລ່ງພະລັງງານ​ສຳຄັນ​ຂອງ​ລາວ

ແມ່ນ້ຳອູມີ​ຕົ້ນ​ກຳ​ເນີ​ດມາ​ຈາກ​ສາຍພູ​ທີ່​ເປັນ​ຊາຍ​ແດນ​ລະຫວ່າງ​ເມືອງຈຽງ ​ແຂວງຢຸນນານ ສປ ຈີນ ​ແລະ ​ແຂວງຜົ້ງ​ສາລີ ສປປ ລາວ, ​​ໄຫລ​​ແຕ່​ເຫນືອ​ລົງ​ມາ​ໃຕ້ ມີ​ຄວາມ​ຍາວ​​ 475 ກິ​ໂລ​ແມັດ, ປັດຈຸບັນ​ນ້ຳອູ​ໄດ້​ເປັນ​ແຫລ່ງພະລັງງາ​ນທີ່​ໃຫຍ່​ຂອງ​ລາວຈາກ​ເຂື່ອນ​ໄຟຟ້າ​ຕ່າງໆທີ່​ແມ່ນ​ການ​ລົງທຶນກໍ່ສ້າງ​ຂອງກຸ່ມ​ບໍລິສັດ ພາວ​ເວີ​ໄຊ​ນາ ທີ່​ໄດ້​ຫັນ​ເອົາກຳລັງ​​ແຮງ​ຂອງ​ສາຍ​ນ້ຳອູມາເປັນ​ກຳລັງ​ຊຸກຍູ້​ການ​ພັດທະນາ​ເສດຖະກິດ-ສັງຄົມ​ຂອງ​ລາວ.

ນ້ຳອູ​ແຫລ່ງພະລັງງານ​ສຳຄັນ​ຂອງ​ລາວ - lattana 1 - ນ້ຳອູ​ແຫລ່ງພະລັງງານ​ສຳຄັນ​ຂອງ​ລາວ

ດັ່ງທ່ານອຳນວຍການບໍລິສັດ​ພາວ​ເວີໄຊນາ ຣີສອດ ​ໃຫ້​ຮູ້​ວ່າ: ການ​ພັດທະນາ​​ເຂື່ອນ​ໄຟຟ້າ​ນ້ຳອູ​ແມ່ນ​ການ​ລົງທຶນ​ແບບ BOT ​ຕາມແຜນ​ຍຸດ​ທະ​ສາດ “ໜຶ່ງ​ແລວ​ ໜຶ່ງ​ເສັ້ນທາງ” ໃຫ້ເປັນຮູບປະທໍາ, ​ຊຶ່ງໂຄງການ​ດັ່ງກ່າວ​ໄດ້​ແບ່ງ​ອອກ​ເປັນ 2 ​ໄລຍະ​ໃນ​ການ​ພັດທະນາ​ຕາມ​ແຜນ 1 ອ່າງ 7 ​ເຂື້ອນ, ມີ​ກຳລັງ​ຕິດ​ຕັ້ງທັງໝົດ 1.272 MW, ສາມາດ​ຜະລິດ​ພະລັງງານ​ໄຟຟ້າ​​ໄດ້ປະມານ 5 ພັນ​ລ້ານ KW/h, ມີມູນ​ຄ່າ​ການ​ລົງທຶນທັງໝົດ 2.733 ລ້ານ​ໂດ​ລາສະຫະລັດ, ຊຶ່ງປັດຈຸບັນ​ເຂື່ອນ​ໄຟຟ້າ​ນ້ຳອູ​ 2,5,6 ທີ່​ເປັນ​ໂຄງການ​ໄລຍະໜຶ່ງມີ​ກຳລັງ​ຕິດຕັ້ງ 540 MW, ​ໄດ້​ເປີດ​ການ​ຜະລິດ​​ແລ້ວ​ໃນ​ປີ 2016 ​ແລະ ​ໄດ້​ຜະລິດ​ພະລັງງານ​ໄຟຟ້າ​ສະ​ສົມປະມານ 2 ພັນ​ລ້ານ KW/h, ສ່ວນ​ເຂື່ອນ​ໄຟຟ້າ​ນ້ຳອູ 1,3,4,7 ທີ່​ເປັນ​ໂຄງການ​ໄລຍະ​ທີ 2 ​ແມ່ນ​ໄດ້​ເລີ່​ມລົງມື​ກໍ່ສ້າງ​ມາໃນ​ທ້າຍ​ປີ 2017 ​ແລະ ຄາດ​ວ່າຮອດ​ປີ 2020 ຈະ​ເປີດ​ການ​ຜະລິດ​ດ້ວຍ​​ເຄື່ອງ​ຈັກ​ທັງໝົດຕາມ​ເປົ້າໝາຍ ​ແລະ ພາຍຫລັງ​ເຂື່ອນ​ໄຟຟ້າ​ນ້ຳອູ​ໄດ້​ກໍ່ສ້າງ​ສຳ​ເລັດ ​ແລະ ຈະ​ເລີ່​ມ​ເຂົ້າສູ່​ໄລຍະການ​ດຳ​ເນີນ​ທຸ​ລະ​ກິດ​​ເປັນ​ເວລາ 29 ປີ, ​ໄຟຟ້າ​ທີ່​ຜະລິດ​ໄດ້​ທັງໝົດຈະຈຳໜ່າຍ​ໃຫ້ລັດ​ວິ​ສາ​ຫະກິດ​ໄຟຟ້າ​ລາວ ​ເປັນການ​ຊຸກຍູ້​​ຍົກ​ລະດັບການ​ເຊື່ອ​ມ​ໂຍງ​ຂອງ​ລະບົບ​ຕາ​ຂ່າຍ​ໄຟຟ້າ​ພາຍ​ໃນ​ພຶ້ນທີ່​ລາວ, ພ້ອມ​ໄດ້​ຊຸກຍູ້​ຂະ​ບວນການ​ສົ່ງ​ອອກ​ໄຟຟ້າ​ເພື່ອ​ສ້າງ​ລາຍ​ຮັບ ​ແລະ ລວມລະບົບ​ໄຟຟ້າ​ຂອງ​ພາກພຶ້ນ​ໃຫ້​ເປັນໜຶ່ງດຽວ.

ຜູ້ອຳນວຍການບໍລິສັດ​ດັ່ງກ່າວ ໃຫ້​ຮູ້​ວ່າ: ​ເຂື່ອນ​ໄຟຟ້າ​ນ້ຳອູ, ​ໄດ້​ຍຶດໝັ້ນ​ແນວ​ຄິດ​ໃຫ້​ເປັນຜູ້​ພັດທະນາ​ພະລັງງານ​ສີຂຽວສະອາດ​ດ້ວຍ​ຄຸນ​ນະພາ​ບ​, ​ເປັນ​ຜູ້​ແບ່ງປັນ​ຄວາມ​ຮັບຜິດຊອບ​ຕໍ່​ເສດຖະກິດ-​ສັງຄົມ​ໃນ​ພຶ້ນທີ່​ຂອງ​ໂຄງການ​ຢ່າງ​ມີ​ປະສິດທິພາບ, ມີ​ປະຊາຊົນ​ຖືກ​ຍົກຍ້າຍໜ້ອຍທີ່​ສຸດ, ມີ​ທີ່​ດິນ ​ແລະ ປ່າ​ໄມ້​ຖືກນ້ຳຖ້ວມໜ້ອຍທີ່​ສຸດ, ມີ​ຜົນ​ກະທົບ​ຕໍ່ສິ່ງ​ແວດ​ລ້ອມໜ້ອຍທີ່​ສຸດເປັນ​ຫລັກການ​ສຳຄັນ, ຊຶ່ງ​ການກໍ່ສ້າງ​ເຂື້ອນ​ໄຟຟ້າ​ຕາມ​ລຳ​ນ້ຳອູ ມີ​ຂອບ​ເຂດ 2 ​ແຂວງ 10 ​ເມືອງ​ໄດ້​ຮັບ​ຜົນ​ກະທົບ, ຊຶ່ງຕ້ອງ​ຍົກຍ້າຍ​ປະຊາຊົນ 2.300 ກວ່າ​ຫລັງຄາ​ເຮືອນ ​ແລະ ໄດ້​ວາງ​ແຜນ​ກໍ່ສ້າງ​ບ້ານ​ຈັດ​ສັນ​ລວມ 23 ບ້ານ ​ແລະ ປະກອບສ່ວນ​ພັດທະນາ​ສັງຄົມ​ຄື: ດຶງ​ດູດ​ຄົນ​ລາວ​ເຂົ້າຮ່ວມ​ການກໍ່ສ້າງຍົກ​ລະດັບ​ສື​ມື​ແຮງ​ງານ, ​ກໍ່ສ້າງ ​ແລະ ​ຂະຫຍາຍ​ເສັ້ນທາງ​ໄດ້ 500 ກວ່າ​ກິ​ໂລ​ແມັດ, ກໍ່ສ້າງ​ຂົວ​ຂະໜາດ​ໃຫຍ່ ​ແລະ ກາງ 20 ກວ່າ​ແຫ່ງ, ປັບປຸງ​ພຶ້ນຖານ​ໂຄງ​ລ່າງ​​ສາທາລະນະ​ສຸກ, ​ສຶກສາ, ຄົມມະນາຄົມ ​​ແລະ ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ​.