ສົ່ງແຮງງານລາວໄປເຮັດວຽກ ຢູ່ ສ. ເກົາຫລີ ຄັ້ງທຳອິດ

ສົ່ງແຮງງານລາວໄປເຮັດວຽກ ຢູ່ ສ. ເກົາຫລີ ຄັ້ງທຳອິດ - advert banner 728 90 728x90 - ສົ່ງແຮງງານລາວໄປເຮັດວຽກ ຢູ່ ສ. ເກົາຫລີ ຄັ້ງທຳອິດ

ພາຍຫລັງທີ່ລັດຖະບານ ລາວ ໄດ້ລົງນາມບົດບັນທຶກ ຄວາມ ເຂົ້າໃຈຮ່ວມກັບ ສ. ເກົາ ຫລີ ວ່າດ້ວຍການສົ່ງແຮງງານ ລາວ ໄປເຮັດວຽກຢູ່ ສ. ເກົາຫລີ, ໃນວັນທີ 9 ກັນຍາ 2016 ຜ່ານ ມາທີ່ນະຄອນ ຫລວງວຽງຈັນ, ສູນບໍລິການຈັດຫາງານຕາງ ໜ້າກະຊວງ ແຮງງານ ແລະ ສະ ຫວັດດີການສັງຄົມ, ເຊິ່ງເປັນ ຜູ້ຈັດຕັ້ງປະຕິບັດວຽກງານ ດັ່ງ ກ່າວ ກໍໄດ້ລົງນາມຮ່ວມກັບຂໍ້ ຕົກລົງວ່າດ້ວຍການຈັດສົ່ງ ແຮງງານລາວໄປເຮັດວຽກຢູ່ ສ. ເກົາຫລີ ໃນວັນທີ 17 ຕຸລາ 2016 ທີ່ ນະຄອນຫລວງວຽງ ຈັນ. ຫລັງຈາກນັ້ນທັງສອງຝ່າຍ ໄດ້ຮ່ວມມືກະກຽມ ຄວາມພ້ອມດ້ານຕ່າງໆເຊັ່ນ: ຫ້ອງເຮັດວຽກຊ່ຽວຊານ, ຫ້ອງສອບເສັງ, ຫ້ອງເກັບກຳຂໍ້ມູນພ້ອມທັງຍົກ ລະດັບຄວາມຮູ້ໃຫ້ພະນັງການ ຜູ້ຮັບຜິດຊອບເຂົ້າໃຈກ່ຽວກັບ ລະບົບການຈັດສົ່ງແຮງງານ ລາວໄປເຮັດ ວຽກຢູ່ ສ. ເກົາຫລີ ພ້ອມທັງຈັດຕັ້ງປະຕິບັດປະກາດ ຮັບສະໝັກຄັດເລືອກແຮງງານ ຈຳນວນ 2 ຄັ້ງ ແລະ ມີຜູ້ສາ ມາດເສັງຜ່ານດ້ານພາສາ ແລະ ທົດ ສອບທັກສະຄວາມສາມາດ ຂອງແຮງງານ ຈຳນວນ 67 ຄົນ, ໃນຈຳນວນດັ່ງກ່າວ ມີຜູ້ ໃຊ້ແຮງງານຂອງ ສ. ເກົາຫລີ ມາເຮັດສັນຍາແຮງງານ ຈຳ ນວນ 35 ຄົນ ແລະ ໄດ້ປະກອບ ເອກະສານຕ່າງໆ ເປັນທີ່ຮຽບ ຮ້ອຍແລ້ວໃນວັນ 5 ກຸມພາ 2018 ສູນບໍລິການຈັດຫາ ງານ, ກະຊວງແຮງງານ ແລະ ສະຫວັດດີການສັງຄົມໄດ້ຈັດ ສົ່ງແຮງງານດັ່ງກ່າວໄປເຮັດ ວຽກຢູ່ ສ ເກົາຫລີ ຄັ້ງທໍາອິດ ຈຳນວນ 26 ຄົນ (ຊາຍ).ໃນ ຂະແໜງອຸດສາຫະກໍາເປັນ ເວລາ 3 ປີ, ເຊິ່ງຈໍານວນດັ່ງ ກ່າວແມ່ນໄດ້ຜ່ານການສອບ ເສັງດ້ານພາສາເກົາ ຫລີ ແລະ ທົດສອບດ້ານທັກສະຄວາມ ສາມາດຂອງຕົນເອງ, ໃນພິທີ ດັ່ງກ່າວ ໄດ້ມີ ທ່ານ ນາງ ອານຸ ສອນ ຄຳສິງສະຫວັດ ຮັກສາ ການຫົວໜ້າກົມພັດທະນາສີມື ແຮງງານ ແລະ ຈັດຫາງານ, ທ່ານ ຄຳແສນ ເພັດສີສະນະວົງ ຫົວໜ້າສູນ ບໍລິການຈັດຫາງານ ພ້ອມຄະນະເຂົ້າຮ່ວມ./.

ສົ່ງແຮງງານລາວໄປເຮັດວຽກ ຢູ່ ສ. ເກົາຫລີ ຄັ້ງທຳອິດ - lattana 1 - ສົ່ງແຮງງານລາວໄປເຮັດວຽກ ຢູ່ ສ. ເກົາຫລີ ຄັ້ງທຳອິດ

+ ແຮງງານລາວຢູ່ໄທແສນກວ່າຄົນອາດຖືກສົ່ງກັບປະເທດຍ້ອນບໍ່ໄປຂຶ້ນທະບຽນແຮງງານ

+ ການປັບສະຖານະພາບແຮງງານລາວທີ່ໄປເຮັດວຽກຢູ່ໄທມີຈຳນວນໜ້ອຍລົງ