ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200

ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200 - advert banner 728 90 728x90 - ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200

ຈາກ​ເຫດ​ແຜ່ນດິນ​ໄຫວຮຸນ​ແຮງ​ຂະໜາດ 6,4 ທີ່​ເມືອງ​ຮວາ​ຫລຽນ​ທີ່​ເກີດ​ຂຶ້ນ​ໃນ​ຄືນ​ນີ້ ​ເຈົ້າໜ້າ​ທີ່​ກູ້​ໄພ​ໄຕ້​ຫວັນ​ລາຍ​ງານ​ຫລ້າ​ສຸດ​ວ່າ​ໄດ້​ນຳ​ຜູ້​ທີ່​ຕິດ​ຢູ່​ໃຕ້​ອາຄານ​ໂຮງ​ແຮມ​ສູງ​ສິບ​ຊັ້ນທີ່​ຍຸບ​ຕົວ​ລົງ​ມາ​ອອກ​ມາ​ໄດ້​ເກືອບ​ໝົດ​ແລ້ວ ​ເຫລືອ​ພຽງ​ພະນັກງານ​ສອງ​ຄົນ​ທີ່​ຍັງ​ຫາ​ບໍ່​​ເຫັນ.

ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200 - lattana 1 - ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200

ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200 - 99917023 mediaitem99917022 300x169 - ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200

ຍັງ​ມີ​ອາຄານ​ອີກ​ຫລາຍ​ຫລັງ​ທີ່​ໄດ້​ຮັບ​ຄວາມ​ເສຍ​ຫາຍ ທາງ​ການ​​ແຈ້ງ​ເຕືອນ​ປະຊາຊົນ​ວ່າ​ຢ່າ​ຟ້າວ​ກັບ​ເຂົ້າ​ເຮືອນ​ຈົນ​ກວ່າ​ອາ​ຟ​ເຕີ​ຊ໊ອກ ​ແລະ ​ແກັສທີ່​ຮົ່ວ​ອອກ​ມາ​ຈະບັນ​ເທົາ​ເບົາບາງ​ລົງ​ໄປ, ຊາວ​ເມືອງ​ຮວາ​ຫລຽນ​ຈຳນວນ​ຫລາຍ​ຕ້ອງ​ອາ​ໄສ​ນອນ​ທີ່​ສວນສາທາລະນະ, ​ໂຮງຮຽນ ຫລື ​ໂຮງ​ຢິມ. ລາຍ​ງານ​ຜູ້​ເສຍ​ຊີວິດ​ຢ່າງ​ເປ​ັນທາງ​ການ​ຍັງ​ຢູ່ 4 ຄົນ ​ແລະ ບາດ​ເຈັບ​ອີກ​ກວ່າ 200 ຄົນ ​ໂດຍ​ອາຄານ​ຫລາຍ​ແຫ່ງ ລວມທັງ​ຊັ້ນລຸ່ມ​ຂອງ​ໂຮງ​ແຮມ ​ແລະ ​ໂຮງໝໍ​ພັງ​ຖະຫລົ່ມ​ລົງ​ມາ ​ແລະ ຍັງ​ມີ​ຜູ້​ຕິດ​ຢູ່​ພາຍ​ໃນ​ຊາກ​ຫັກ​ພັງ​ດັ່ງກ່າວ.

ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200 - 99917024  300x169 - ແຜ່ນດິນໄຫວທີ່ໄຕ້ຫວັນມີຄົນຕາຍແລ້ວ 4 ບາດເຈັບອີກກວ່າ 200

​ເຫດ​ແຜ່ນດິນ​ໄຫວ​ເກີດ​ຂຶ້ນ ​ເມື່ອ​ເວລາ 23:50 ​ໂມງ ຂອງ​ວັນ​ທີ 6 ກຸມພາ ຕາມ​ເວລາ​ທ້ອງ​ຖິ່ນ (ປະມານ 22:50 ​ໂມງ ຕາມ​ເວລາ​ປະ​ເທດ​ໄທ) ​ໂດຍ​ມີ​ຈຸດ​ສູນ​ກາງຂອງ​ແຜ່ນດິນ​ໄຫວ​ໃນ​ທະ​ເລ​ຫ່າງ​ຈາກ​ແຄມ​ຝັ່ງ​ຕາ​ເວັນ​ອອກ​ຂອງ​ໄຕ້​ຫວັນ​ປະມານ 20 ກິ​ໂລ​ແມັດ ​ເຮັດ​ໃຫ້​ອາຄານ​ບ້ານ​ເຮືອນ​ຈຳນວນ​ຫລາຍ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ.

ທາງ​ການ​ສັ່ງ​ປິດ​ຖະໜົນ​ຫລາຍ​ເສັ້ນ ​ແລະ ຂົວ​ຫລາຍ​ແຫ່ງ ​ເພື່ອ​ຄວາມ​ປອດ​ໄພ ທັງ​ມີ​ລາຍ​ງານ​ວ່າ​ປະຊາຊົນ​ປະມານ 40.000 ຄົວ​ເຮືອນ​ບໍ່​ມີນ້ຳ​ໃຊ້ ​ເພາະ​ລະບົບ​ທໍ່​ນ້ຳປະປາ​ໄດ້​ຮັບ​ຄວາມ​ເສຍ​ຫາຍ​ຫລັງ​ເກີດ​ເຫດ, ​ເຈົ້າໜ້າ​ທີ່​ກູ້​ໄພ​ເລັ່ງອົບ​ພະຍົບປະຊາຊົນ ​ແລະ ນັກ​ທ່ອງ​ທ່ຽວ​ອອກ​ຈາກ​ເຮືອນ ​ແລະ ​ໂຮງ​ແຮມ​ຫລາຍ​ແຫ່ງ ​ເຊິ່ງປັດຈຸບັນ​ສາມາດ​ຊ່ວຍ​ເຫລືອ​ຜູ້​ທີ່​ຕິດ​ຢູ່​ໃນ​ອາຄານ​ທີ່​ພັງ​ຖະຫລົ່ມ​ບາງ​ສ່ວນ​ອອກ​ມາ​ໄດ້​ແລ້ວ​ປະມານ 150 ຄົນ.