ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ

ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ - advert banner 728 90 728x90 - ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ

​ເດິ ວໍ​ຊິງ​ຕັນ ​ໂພດ ລາຍ​ງານ​ວ່າ: ປະທານາທິບໍດີ ​ໂດ​ນັນ ທຣຳ ສັ່ງ​ໃຫ້​ກະຊວງ​ປ້ອງ​ກັນ​ປະ​ເທດ​ກຽມ​ການ​​ເດີນ​ຂະ​ບວນ ​ແລະ ການສະ​ແດງ​ແສນ​ຍານຸພາບ​ທາງ​ທະຫານ​ຄັ້ງຍິ່ງ​​ໃຫຍ່​ໃນ​ປີ​ນີ້.

ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ - lattana 1 - ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ

ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ - DVZBrgIWkAA83Ux 300x200 - ທ່ານ ທຣຳ ຢາກໃຫ້ກອງທັບອາເມລິກາ ຈັດເດີນຂະບວນທາງທະຫານ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 6 ກຸມພາ ​ໂດຍ​ອ້າງ​ຈາກ​ລາຍ​ງານ​ຂອງ​ໜັງສືພິມ ​ເດິ ວໍ​ຊິງ​ຕັນ ​ໂພດ ສະບັບ​ວັນ​ທີ 6 ກຸມພາ ອ້າງ​ຂໍ້​ມູນ​ຈາກ​ແຫ​ລ່ງຂ່າວ​ວົງ​ໃນ​ທຳນຽບຂາວ​ວ່າ: ປະທານາທິບໍດີ ​ໂດ​ນັນ ທຣຳ ກ່າວ​ລະຫວ່າງ​ກອງ​ປະຊຸມ​ໜ່ວຍ​ງານ​ດ້ານ​ຄວາມ​ໝັ້ນຄົງ ​ໃນ​ວັນ​ທີ 18 ມັງກອນ​ຜ່ານ​ມາ ມອບ​ໝາຍ​ໃຫ້ ພົນ​ເອກ ​ເຈ​ມສ໌ ​ແມ​ຕທິສ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ ​ແລະ ພົນ​ເອກ ​ໂຈ​ເຊ​ຟ ດັນ​ຟອດ ປະທານ​ຄະນະ​ເສນາ​ທິການ​ທະຫານ​ຮ່ວມ​ອາ​ເມ​ລິ​ກາ ວາງ​ແຜນການ​ຈັດ​​ເດີນ​ຂະ​ບວນທີ່​ມີ​ທັງ​ການ​ສວນສະໜາມ​ຂອງ​ເຈົ້າໜ້າ​ທີ່ ​ແລະ ການສະ​ແດງ​ແສນ​ຍານຸພາບ​ທາງ​ທະຫານ​ເຊັ່ນ: ການ​ນຳ​ລົດ​ຕັງ​ເຂົ້າມາ​ຮ່ວມ​ໃນ​ຂະ​ບວນ.

ຂະນະ​ທີ່​ນາງ ຊາຣາ ​ແຊນ​ເດີ​ສ ​ໂຄສົກ​ທຳນຽບຂາວ ກ່າວ​ວ່າ: ຜູ້ນຳ​ອາ​ເມ​ລິ​ກາ​ຕ້ອງການ​ໃຫ້​ກະຊວງ​ປ້ອງ​ກັນ​ປະ​ເທດ​ສຳ​ຫລວດ​ຄວາມ​ເປັນ​ໄປ​ໄດ້​ໃນ​ການຈັດ​ງານ​ສະ​ເຫລີ​ມສະຫລອງ​ໃນ​ປີ​ນີ້ ​ເພື່ອ​ໃຫ້​ຄົນ​ອາ​ເມ​ລິ​ກາ​ໄດ້​ມີ​ໂອກາດ​ຊື່ນ​ຊົມ​ຄວາມ​ຍິ່ງ​ໃຫຍ່​ຂອງ​ກອງທັບ ​ແລະ ສະ​ແດງ​ແສນ​ຍານຸພາບ​ທາງ​ທະຫານ​ໃຫ້​ໂລກ​ໄດ້​ເຫັນ.

​ເຖິງ​ຢ່າງ​ໃດ​ກໍ​ຕາມ, ກອງທັບ​ອາ​ເມ​ລິ​ກາ​ບໍ່​ເຄີຍ​ຈັດ​ກິດຈະກຳ​ລັກສະນະ​ນີ້​ມາ​ກ່ອນ ​ແລະ ການ​ທີ່​ກິດຈະກຳ​ຂອງ​ກອງທັບ​ຝຣັ່ງ​ໃນ​ວັນຊາດ​ເປັນ​ພຽງ​ການ​ເດີນ​ສວນສະໜາມ ​ແລະ ບໍ່​ໄດ້​ມີ​ການສະ​ແດງ​ແສນ​ຍານຸພາບ​ຂອງ​ກອງທັບ​ແຕ່​ຢ່າງ​ໃດ ຈຶ່ງ​ກໍ່​ໃຫ້​ເກີດ​ການ​ວິຈານ​ວ່າ​ຜູ້ນຳ​ອາ​ເມ​ລິ​ກາ​ກຳລັງ​ຊຶມ​ຊັບ​ແນວ​ຄິດ​ແບບ​ອຳນາດ​ນິຍົມ​ຫລາຍ​ຂຶ້ນ ຫລື ບໍ່. ທັງ​ນີ້ ໜຶ່ງ​ໃນ​ປະ​ເທດ​ທີ່​ຈັດ​ຂະ​ບວນທາງ​ທະຫານ​ເປັນ​ປະຈຳຄື ສປປ ​ເກົາຫລີ.