ສະມາຄົມບານເຕະໂຮນລັງ ປະກາດແຕ່ງຕັ້ງ ໂຣໂນ້ ຄູມັນ ເປັນຄູຝຶກໃຫມ່ທິມຊາດໂຮນລັງ ເຊັນສັນຍາ 4 ປີເຄິ່ງ

ສະມາຄົມບານເຕະໂຮນລັງ ປະກາດແຕ່ງຕັ້ງ ໂຣໂນ້ ຄູມັນ ເປັນຄູຝຶກໃຫມ່ທິມຊາດໂຮນລັງ ເຊັນສັນຍາ 4 ປີເຄິ່ງ - advert banner 728 90 728x90 - ສະມາຄົມບານເຕະໂຮນລັງ ປະກາດແຕ່ງຕັ້ງ ໂຣໂນ້ ຄູມັນ ເປັນຄູຝຶກໃຫມ່ທິມຊາດໂຮນລັງ ເຊັນສັນຍາ 4 ປີເຄິ່ງ

Ronald Koeman ຄູຝຶກຊາວໂຮນລັງ ອາຍຸ 54 ປີ ເຂົ້າມາຄຸມທີມແທນ ດິກ ແອັດໂວຄາດ (Dick Advocaat) ຄູຝຶກເພື່ອນຮ່ວມຊາດ ອາຍຸ 70 ປີ ທີ່ຂໍອຳລາທີມຫລັງນຳທີມຕົກຮອບຄັດເລືອກບານໂລກ 2018.  ເປົ້າຫມາຍຂອງ ຄູມັນ ຄືນຳທີມຜ່ານການຄັດເລືອກໄປລຸ້ນແຊ້ມເອີຣົບ 2020 ແລະ ຜ່ານການຄັດເລືອກສູ່ບານໂລກ 2022.

ສະມາຄົມບານເຕະໂຮນລັງ ປະກາດແຕ່ງຕັ້ງ ໂຣໂນ້ ຄູມັນ ເປັນຄູຝຶກໃຫມ່ທິມຊາດໂຮນລັງ ເຊັນສັນຍາ 4 ປີເຄິ່ງ - lattana 1 - ສະມາຄົມບານເຕະໂຮນລັງ ປະກາດແຕ່ງຕັ້ງ ໂຣໂນ້ ຄູມັນ ເປັນຄູຝຶກໃຫມ່ທິມຊາດໂຮນລັງ ເຊັນສັນຍາ 4 ປີເຄິ່ງ

Ronald Koeman ເປັນຫນຶ່ງໃນຕຳນານນັກເຕະທີມຊາດໂຮນລັງ ຊຸດແຊ້ມເອີຣົບ ປີ 1988 (UEFA European Championship 1988) ລົງສະຫນາມໃຫ້ທີມຊາດທັງຫມົດ 78 ນັດ ຍິງໄດ້ 14 ປະຕູ.

Ronald Koeman ເປັນອະດີດກອງກາງ ແລະ ກອງຫລັງຂອງ 4 ສະໂມສອນດັງໃນໂຮນລັງເຊັ່ນ: ໂກຣນິງເກັນ (Groningen), ອາເຈັກ (Ajax), ພີເອັສວີ ໄອໂຮເຟັນ (PSV Eindhoven) ແລະ ເຟເຢນູດ (Feyenoord). ນອກຈາກນີ້ ກໍເປັນອະດີດນັກເຕະເກົ່າຂອງ ບາເຊໂລນາ (Barcelona) ໃນປີ 1989-1995.

Ronald Koeman ຜັນຕົວເປັນຄູຝຶກໃນປີ 1997 ເຄີຍເປັນຜູ້ຊ່ວຍທີມຊາດໂຮນລັງ, ສະໂມສອນບາເຊໂລນາ, ວີເທັສ ອາຣເນັມ (Vitesse Arnhem) ໃນໂຮນລັງ, ອາເຈັກ (Ajax), ເບັນຟີກ້າ (Benfica) ໃນໂປຕູເກສ, ພີເອັສວີ ໄອໂຮເຟັນ (PSV Eindhoven), ເຟເຢນູດ (Feyenoord), ເອແຊັດ ອັກມ້າ (AZ Alkmaar), ບາເລັນເຊຍ (Valencia), ເອັຟເວີຕັນ (Everton) ແລະ ເຊົາແທ໋ມຕັນ (Southampton).

ຜົນງານການຄຸມທີມຜ່ານມາ ນຳ ອາເຈັກ ໄດ້ແຊ້ມລີກສູງສຸດຂອງໂຮນລັງ 2 ສະໄຫມ, ບານຂັນ KNVB Cup 1 ສະໄຫມ ແລະ ແຊ້ມຂັນການກຸສົນ Johan Cruijff Shield 1 ສະໄຫມ; ຄຸມ ພີເອັສວີ ໄອໂຮເຟັນ (PSV Eindhoven ໄດ້ແຊ້ມລີກສູງສຸດຂອງໂຮນລັງ 1 ສະໄຫມ; ຄຸມ ເບັນຟີກ້າ (Benfica) ໄດ້ແຊ້ມຊຸບເປີຄັບຂອງໂປຕູເກສ 1 ສະໄຫມ; ຄຸມ ບາເລັນເຊຍ (Valencia) ໄດ້ແຊ້ມໂຄປ້າເດວເຣ 1 ສະໄຫມ ແລະ ຄຸມ ເອແຊັດ ອັກມ້າ (AZ Alkmaar) ໄດ້ແຊ້ມຂັນການກຸສົນ Johan Cruijff Shield 1 ສະໄຫມ.