ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ ແລະ ເຕັກໂນໂລຊີ

ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ ແລະ ເຕັກໂນໂລຊີ - advert banner 728 90 728x90 - ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ ແລະ ເຕັກໂນໂລຊີ

ກອງປະຊຸມ “ການຮ່ວມມືທາງດ້ານວິທະຍາສາດ ແລະ ເຕັກໂນໂລຊີ ພາຍໃຕ້ແນວຄວາມຄິດໜຶ່ງແລວທາງ ໜຶ່ງເສັ້ນທາງ” ​ເມື່ອ​ທ້າຍ​ອາທິດ​ຜ່ານ​ມານີ້, ທີ່​ໂຮງ​ແຮມ​​ແລນ​ມາກ ນະຄອນຫຼວງ​ວຽງ​ຈັນ ​ເປັນ​ກຽດ​ເຂົ້າ​ມີທ່ານ ແກ້ວນະຄອນ ໄຊສຸລຽນ ຫົວໜ້າກົມເຕັກໂນໂລຊີດິຈິຕ໋ອນ ກະຊວງວິທະຍາສາດ ແລະ ເຕັກໂນໂລຊີ ທ່ານ ຊົ້ງຊາວຈື່ ຮອງຫົວໜ້າກົມແຜນທີ່ຂໍ້ມູນພູມສາດ ປະທານສະມາຄົມຂໍ້ມູນແຜນທີ່ພູມສາດແຫ່ງສປຈີນ ທ່ານນາງ ພູຄຳ ວົງວິຈິດ ປະທານບໍລິສັດ ສະເປັກໄອລາວ ຈຳກັດຜູ້ດຽວ ມີບັນດາ​ຄະນະກົມກະຊວງວິທະຍາສາດ ແລະ ເຕັກໂນໂລຊີ ກົມແຜນທີ່ແຫ່ງຊາດລາວ ກະຊວງພາຍໃນ​ເຂົ້ຮ່ວມ.

ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ ແລະ ເຕັກໂນໂລຊີ - lattana 1 - ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ ແລະ ເຕັກໂນໂລຊີ

ທ່ານ ແກ້ວນະຄອນ ໄຊສຸລຽນ ກ່າວວ່າ: ກອງປະຊຸມຄັ້ງນີ້ ແມ່ນເພື່ອເສີມຂະຫຍາຍສາຍພົວພັນ ແລະ ການຮ່ວມມືທາງດ້ານຂົງເຂດວຽກງານວິທະຍາສາດ ແລະ ເຕັກໂນໂລຊີ ຕາມຍຸດທະສາດ “ໜຶ່ງແລວທາງ ໜຶ່ງເສັ້ນທາງ” ພ້ອມທັງເປັນການຮັດແໜ້ນສາຍພົວພັນຮ່ວມມືລະຫວ່າງສອງປະເທດລາວ-ຈີນ ພ້ອມ​ດຽວກັນ​ນີ້ ກອງ​ປະຊຸມ​ຍັງໄດ້​ລາຍ​ງານກ່ຽວກັບຜົນສຳເລັດຂອງບາງວຽກງານ ວຽກງານທີ່ພວມດຳເນີນ ແລະ ແຜນການຮ່ວມມືໃນຕໍ່ໜ້າລະຫວ່າງກະຊວງວິທະຍາ ສາດ ແລະ ເຕັກໂນໂລຊີ ກັບບໍລິສັດ ສະເປັກໄອລາວ ພ້ອມທັງການຮ່ວມມືລະຫວ່າງກົມແຜນທີ່ແຫ່ງຊາດລາວ ກະຊວງພາຍໃນກັບບໍລິສັດສະເປັກໄອລາວ.

ປີ 2018 ແມ່ນເປັນປີທອ່ງທ່ຽວລາວ ຄາດຄະເນຈະມີນັກທ່ອງທ່ຽວປະມານ 5 ລ້ານຄົນຫຼັ່ງໄຫຼເຂົ້າມາທ່ອງທ່ຽວຢູ່ ສປປ ລາວ ກະຊວງວິທະຍາສາດ ແລະ ເຕັກໂນໂລຊີ ມີພາລະບົດບາດໃນການນໍາເອົາວິທະຍາສາດ ແລະ ເຕັກໂນໂລຊີທີ່ທັນສະໄໝລະດັບສາກົນເຂົ້າມາພັດທະນາວຽກງານວິທະຍາ ສາດ ແລະ ເຕັກໂນໂລຊີໃຫ້ແກ່ ສປປ ລາວ ໃນນັ້ນເຕັກໂນໂລຊີແຜນທີ່ນໍາພາທາງກໍ່ເປັນວຽກງານໜື່ງທີ່ສໍາຄັນໃນການພັດທະນາຂະແໜງການທ່ອງທ່ຽວຂອງ ສປປ ລາວ ກະຊວງວິທະຍາສາດ ແລະ ເຕັກໂນໂລຊີລາວໄດ້ຮ່ວມມືກັບ ບໍລິສັດ ສະເປັກໄອລາວ ໃນການສ້າງແອັບພລິເຄຊັນ Nav-Laos (ແຜນທີ່ດິຈິຕ໋ອນນໍາພາທາງ) ແລະ ແອັບພລິເຄຊັນ Amazing Laos (ແຜນທີ່ດິຈິຕ໋ອນທ່ອງທ່ຽວ) ເພື່ອບໍລິການຮັບໃຊ້ປີທອ່ງທ່ຽວຂອງ ສປປ ລາວ ພ້ອມທັງເປັນການສະໜອງການບໍລິການຮັບໃຊ້ປະຊາຊົນລາວ ແລະ ແຂກຕ່າງປະເທດ ເຊິ່ງທັງສອງແອັບພລິເຄຊັນດັ່ງກ່າວຈະໄດ້ມີການເປີດຕົວ ແລະ ສາທິດການນຳໃຊ້ພາຍໃນງານກອງປະຊຸມຄັ້ງນີ້ອີກດ້ວຍ.

ກອງປະຊຸມຄັ້ງ​ນີ້ ມັນສະແດງເຖິງການໃຫ້ຄວາມສຳຄັນ ແລະ ເອົາໃຈໃສ່ຕໍ່ວຽກງານການຮ່ວມມືປະ ກອບສ່ວນເຂົ້າໃນການພັດທະນາເສດຖະກິດ-ສັງຄົມ ຢູ່ປະເທດເຮົາມີບາດກ້າວຂະຫຍາຍຕົວ ການຮ່ວມມືການລົງທຶນກັບຕ່າງປະເທດໄດ້ຮັບການເປີດກວ້າງ ດຶງດູດໄດ້ການທ່ອງທ່ຽວເຂົ້າມາປະເທດເຮົາໃຫ້ຫຼາຍຂຶ້ນ ສາມາດລົບລ້າງຄວາມທຸກຫຍາກຂອງປະຊາຊົນໄດ້ໃນປີ 2020 ໃຫ້ປາກົດຜົນເປັນຈິງ ນັ້ນພັກລັດຖະບານເຮົາຍາມໃດກໍ່ໄດ້ເອົາໃຈໃສ່ຕໍ່ພາລະກິດປົກປັກຮັກສາແລະສ້າງສາພັດທະນາປະເທດຊາດ.

ຕອນທ້າຍຂອງກອງປະຊຸມ ຍັງມີພິທີເຊັນສັນຍາລະຫວ່າງກະຊວງວິທະຍາສາດ ແລະ ເຕັກໂນໂລຊີ (ກວຕ) ກັບບໍລິສັດ ສະເປັກໄອລາວ ຈຳກັດຜູ້ດຽວ ຈຳນວນ 3 ສະບັບຄື:ສັນຍາຮ່ວມມື ທາງດ້ານ ເຕັກໂນໂລຊີດາວທຽມສືບຢັ່ງທາງໄກ ສັນຍາຮ່ວມມືດ້ານແຜນທີ່ນຳພາທາງ ແລະ ສັນ ຍາຮ່ວມມືດ້ານການຄົ້ນຄວ້າ ພັດທະນາ ແລະ ປະກອບສ້າງຍົນບໍ່ມີຄົນຂັບ ໂດຍເຂົ້າຮ່ວມເປັນສັກຂີພີ ຍານຂອງທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ພ້ອມທັງ ຮອງລັດຖະມົນຕີ ແລະ ແຂກ ທີ່ຖືກເຊີນເຂົ້າຮ່ວມ.