ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ

ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ - advert banner 728 90 728x90 - ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ

ມາດ​ຕະການຫ້າມ​ຈູດ​ກະ​ໂພ​ກ​ໃນ​ນະຄອນຫລວງ​ປັກ​ກິ່ງ ​ແລະ 444 ​ເມືອງ​ໃຫຍ່​ທົ່ວ​ປະ​ເທດ​ຈີນ ​ເຮັດ​ໃຫ້​ທຸລະ​ກິ​ດຂາຍ​ກະ​ໂພ​ກ​ໃນ​ເທດສະການ​ຕຸ​ດຈີນ​ປີ​ນີ້​ງຽບ​ເຫງົາ, ການ​ຂາຍ​ກະ​ໂພ​ກຫລຸດ​ລົງ​ກວ່າ 30%.

ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ - lattana 1 - ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ

ມາດ​ຕະການ​ດັ່ງກ່າວ ​ເຊິ່ງມີ​ເປົ້າໝາຍ​ໃນ​ການ​ຫລຸດ​ບັນຫາ​ມົນ​ລະ​ພິດ ​ແລະ ຝຸ່ນ​ຄວັນ​ ​ເຊິ່ງປະກາດ​ໃຊ້​ໃນ​ປີຜ່ານມາ​ໄດ້​ຍືດຂະຫຍາຍ​ອອກ​ມາ​ເຖິງ​ປີ​ນີ້. ຈາກ​ການ​ໄປ​ສຳ​ຫລວດ​ຕະຫລາດ​ຂາຍ​ກະ​ໂພ​ກ​ໃຫຍ່​ໃນ​ເມືອງ​ຫລິວ​ຢາງ ​ແຂວງ​ຫູ​ໜານ ປາກົດ​ວ່າ​ທຸລະ​ກິດ​ຂາຍ​ກະ​ໂພ​ກຕົກ​ຢູ່​ໃນ​ສະພາບ​ງຽບ​ເຫງົາ.

ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ - 1111 2 300x182 - ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ

ທ້າວ ​ເສິນ ​ເຈຍຣົງ ຜູ້​ຜະລິດ ​ແລະ ຂາຍ​ກະ​ໂພ​ກມາ​ແຕ່​ອາຍຸ 15 ປີ ປັດຈຸບັນ​ອາຍຸ 48 ປີ ​ແລະ ກຳມະກອນ​ໃນ​ການ​ຜະລິດ​ກະ​ໂພ​ກ​ເຖິງ 120 ຄົນ ກ່າວ​ວ່າ: ​ເຫລືອ​ພຽງ​ບໍ່​ເທົ່າ​ໃດ​ຮ້ານ​ເທົ່າ​ນັ້ນທີ່​ຍັງ​ເປີດ​ຢູ່ ​ເພາະ​ລູກ​ຄ້າ​ຫລຸດ​ລົງ​ຫລາຍ​ເຖິງ 30%. ​ເມືອງ​ຫລິວ​ຢາງ​ນີ້​ຈະ​ວ່າ​ເປັນ​ເມືອງ​ຫລວງ​ຂອງ​ກະ​ໂພ​ກ ​ແລະ ດອກ​​ໄມ້​ໄຟ​ກໍ​ວ່າ​ໄດ້ ​ເພາະ​ນັບ​ແຕ່​ມີ​ການ​ຜະລິດ​ກະ​ໂພ​ກຂຶ້ນ​ເມື່ອ 1.400 ປີ​ກ່ອນ ສະ​ໄໝ​ລາຊະວົງ​ຖັງ ​ໃນ​ຊ່ວງ​ເທດສະການ​ຕຸ​ດຈີນ​ນັ້ນ ຜູ້​ຄົນ​ຈະ​ພາກັນ​ຈູດ​ກະ​ໂພ​ກ ​ແລະ ດອກ​ໄມ້​ໄຟ​ຕາມ​ທ້ອງ​ຖະໜົນ​ໃນ​ໄລຍະ 15 ວັນ​ທຳ​ອິດ​ຂອງ​ເທດສະການ​ຕຸ​ດຈີນ ​ເພື່ອ​ໃຫ້​ສຽງ​ຂອງ​ກະ​ໂພ​ກຂັບ​ໄລ່​ສິ່ງ​ຊົ່ວ​ຮ້າຍ ​ແລະ ​ເພື່ອ​ຄວາມ​ເປັນ​ສິລິ​ມຸງຄຸນ​ໃນ​ການ​ກ້າວ​ເຂົ້າສູ່​ປີ​ໃໝ່​ຂອງ​ຊາວ​ຈີນ. ອຸປະຕິ​ເຫດ​ຮ້າຍ​ແຮງ​ທີ່​ເກີດ​ຈາກ​ກະ​ໂພ​ກ ​ແລະ ດອກ​ໄມ້​ໄຟ​ນັ້ນ ມັກ​ເກີດ​ຂຶ້ນ​ເລື້ອຍໆ​ຢູ່​ຈີນ ​ໂດຍ​ສະ​ເພາະ​ເດືອນ​ມັງກອນປີຜ່ານມາ ມີ​ຜູ້​ເສຍ​ຊີວິດ 5 ຄົນ​ຈາກດອກ​ໄມ້​ໄຟ​ໃນ​ສາງ​ລະ​ເບີດ ​ແລະ ​ໃນ​ປີ 2014 ກໍ​ມີ​ເຫດ​ລະ​ເບີດ​ຢູ່​ໂຮງງານ​ດອກ​ໄມ້​ໄຟ​ເສຍ​ຊີວິດ​ອີກ 12 ຄົນ, ບາດ​ເຈັບ 33 ຄົນ ທັງ 2 ​ເຫດການ​ເກີດ​ຂຶ້ນຢູ່​ແຂວງ​ຫູ​ໜານ.

ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ - 2222 1 300x186 - ຫລາຍເມືອງໃຫຍ່ໃນຈີນຫ້າມຈູດກະໂພກ ເຮັດໃຫ້ຕຸດຈີນບໍ່ຄຶກຄື້ນ

ຄຳ​ສັ່ງ​ຫ້າມ​ຈູດ​ກະ​ໂພ​ກ​ໃນ​ນະຄອນຫລວງ​ປັກ​ກິ່ງ ​ແລະ 444 ​ເມືອງ​ໃຫຍ່​ທົ່ວ​ປະ​ເທດ​ຍິ່ງ​ເຮັດ​ໃຫ້​ທຸລະ​ກິດ​ກະ​ໂພ​ກທີ່​ງຽບ​ເຫງົາຢູ່​ແລ້ວ ຍິ່ງ​ງຽບ​ເຫງົາ​ຕື່ມ​ອີກ. ການ​ຈູດ​ກະ​ໂພ​ກນັ້ນ​ເປັນ​ທີ່​ນິຍົມ​ໃນ​ຊົນນະບົດ ​ແລະ ​ເມືອງ​ນ້ອຍໆ, ປະຊາຊົນ​ນິຍົມ​ຈູດ​ກະ​ໂພ​ກ​ໃນ​ງານ​ສົບ, ງານ​ແຕ່ງດອງ ​ແລະ ງານ​ສະຫລອງ​ຕ່າງໆ ​ແຕ່​ຕາມ​ເມືອງ​ໃຫຍ່ໆ ຄົນ​ຮຸ່ນ​ໃໝ່​ສ່ວນ​ຫລາຍ​ເບິ່ງການ​ຈູດ​ກະ​ໂພ​ກ​ເປັນ​ເລື່ອງ​ຂອງ​ຄົນ​ບູຮານ ​ແລະ ມັກ​ຫ້າມ​ເດັກນ້ອຍ​ບໍ່​ໃຫ້​ຫລິ້ນກະ​ໂພ​ກ ​ແລະ ດອກ​ໄມ້​ໄຟ ​ເຊິ່ງຢ້ານ​ວ່າ​ຈະ​ເກີດ​ອັນຕະລາຍ ​ແລະ ລົບ​ກວນ​ຄົນ​ອ່ືນ.

ຈີນ​ເປັນ​ປະ​ເທດ​ສົ່ງ​ອອກດອກ​ໄຟ​ໄໝ້​ຫລາຍ​ທີ່​ສຸດ​ໃນ​ໂລກ ມີ​ມູນ​ຄ່າ​ສູງ​ເຖິ 681 ລ້ານ​ໂດ​ລາ​ສະຫະລັດ ​ໃນ 11 ​ເດືອນ​ຂອງ​ປີຜ່ານມາ ​ແລະ ​ໂຮງງານ​ຜະລິດ​ດອກ​ໄມ້​ໄຟ​ຂອງ ຊິວ ຊີ​ເຫວ​ຍ ຢູ່​ເມືອງ​ຫລິວ​ຢາງ ​ເປັນ​ເຈົ້າຂອງກະ​ໂພ​ກ ​ແລະ ດອກ​ໄມ້​ໄຟ​ທີ່​ສົ່ງ​ອອກ​ເຖິງ 90%, ​ເຖິງ​ວ່າ​ຫລາຍ​ຄົນ​ຈະ​ຄິດ​ວ່າ​ຄຳ​ສັ່ງ​ຫ້າມ​ຈູດ​ກະ​ໂພ​ກຈະ​ເຮັດ​ໃຫ້​ປະ​ເພນີ​ການ​ສະຫລອງ​ຕຸ​ດຈີນ​ດ້ວຍ​ການ​ຈູດ​ກະ​ໂພ​ກສູນຫາຍ​ໄປ, ​ແຕ່​ຊາວ​ນະຄອນຫລວງ​ປັກ​ກິ່ງ ບອກ​ວ່າ: ຖ້າ​ແລກປ່ຽນ​ກັບ​ອາກາດ​ທີ່​ສົດ​ຊື່ນ​ກັບ​ຄືນ​ມາ​ແລ້ວ​ກໍ​ຍອມ.