ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ

ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ - advert banner 728 90 728x90 - ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ

ລັດຖະບານ​ມະນິລາກຳລັງ​ພິຈາລະນາ​ຊື້​ເຮ​ລິ​ກອບ​ແຕຈາກ​ປະ​ເທດ​ອື່ນ ລວມທັງຣັດ​ເຊຍ ​ແລະ ຈີນ ພາຍຫລັງ​ຍົກ​ເລີກ​ຂໍ້​ຕົກລົງ​ກັບ​ກາ​ນາ​ດາ​ທີ່​ຂໍ​ກວດ​ສອບ​ເຈດ​ຕະນາ​ຂອງ​ກອງທັບ​ຟີ​ລິບ​ປິນ​ໃນ​ການ​ໃຊ້​ງານ.

ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ - lattana 1 - ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ

ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ - philippines communist rebels 300x169 - ຟີລິບປິນເລັ່ງຊື້ເຮລິກອບແຕ ຈາກຣັດເຊຍ ຫລື ຈີນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 13 ກຸມພາ​ວ່າ: ທ່ານ ​ເດລຟິນ ລໍ​ເຣນຊາ​ນາ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຟີ​ລິບ​ປິນ ກ່າວ​ໃນ​ວັນ​ທີ 12 ກຸມພາ​ວ່າ: ລັດຖະບານ​ມະນິລາ​ກຳລັງ​ພິຈາລະນາ​ຂໍ້​ສະ​ເໜີ​ຈາກ​ບໍລິສັດ​ຜະລິດ​ອາວຸດ​ຫລາຍ​ແຫ່ງ​ຂອງ ສ.​ເກົາຫລີ, ຣັດ​ເຊຍ, ຈີນ ​ແລະ ຕວກກີ ຕະຫລອດ​ອີກ​ຫລາຍ​ປະ​ເທດ​ໃນ​ພາກພື້ນ ​ເພື່ອ​ສັ່ງ​ຊື້​ເຮ​ລິ​ກອບ​​ແຕຂະໜາດ​ກາງ​ສຳລັບ​ໃຊ້​ພາຍ​ໃນ​ກອງທັບ ​ແທນ​ຂໍ້​ຕົກລົງ​ຈັດ​ຊື້​ເຮ​ລິ​ກອບ​ແຕຮຸ່ນ 412 ອີ​ພີ​ໄອ ຈຳນວນ 16 ລຳ ຈາກ​ບໍລິສັດ​ເບ​ລຂອງ​ອາ​ເມ​ລິ​ກາ ທີ່​ຜ່ານ​ການ​ລົງ​ນາມ​ຮ່ວມ​ກັບ​ສຳນັກງານ​ການ​ຮ່ວມ​ມື​ການ​ຄ້າ​ກາ​ນາ​ດາ (ຊີ​ຊີ​ຊີ).

ທັງ​ນີ້, ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ມີ​ຄຳ​ສັ່ງ​ໃນ​ອາທິດ​ຜ່ານ​ມາ ຍົກ​ເລີກ​ຂໍ້​ຕົກລົງ​ດັ່ງກ່າວ​ກັບ​ກາ​ນາ​ດາ ທີ່​ມີ​ມູນ​ຄ່າ​ປະມານ 12.000 ລ້ານ​ເປ​ໂຊ ​ແລະ ກ່າວ​ວ່າ: ການ​ທີ່​ກອງທັບ​ຟີ​ລິບ​ປິນຈະ​ນຳ​ເຮ​ລິ​ກອບ​ແຕທີ່​ຊື້ມາ​ແລ້ວ​ໄປ​ໃຊ້​​ໃນ​ພາລະກິດ​​ໃດ​ເປັນ​ເລື່ອງ​ຂອງ​ຟີ​ລິບ​ປິນ, ຫລັງ​ລັດຖະບານ ລອດ​ຕາ​ວາ ຂໍ​ທົບ​ທວນ​ການ​ຮ່ວມ​ມື​ໃນ​ຄັ້ງນີ້ ​ເນື່ອງ​ຈາກ​ຢ້ານ​ວ່າ​ກອງທັບ​ຟີ​ລິບ​ປິນຈະ​ນຳ​ອາກາດ​ສະຍານ​ໄປ​ໃຊ້​ໃນ​ປະຕິບັດ​ການ​ປາບ​ປາມ​ກອງ​ກຳລັງ​ຕິດ​ອາວຸດ​ໃນ​ພາກ​ໃຕ້​ຂອງ​ປະ​ເທດ, ​ເຖິງ​ວ່າ​ກ່ອນ​ໜ້າ​ນີ້ ລັດຖະບານ​ມະນິລາ​ເຄີຍ​ສັ່ງ​ຊື້​ເຮ​ລິ​ກອບ​ແຕ​ເບ​ລຮຸ່ນ​ດຽວ​ກັນ​ນີ້​ມາ​ແລ້ວ 6 ລຳ ລາຄາ 4.800 ລ້ານ​ເປ​ໂຊ ​ໃນ​ປີ 2014.