ເມືອງຫລວງຕົງການ້ຳຖ້ວມ ໄຟຟ້າມອດຫລັງໄຊໂຄນຖະຫລົ່ມ

ເມືອງຫລວງຕົງການ້ຳຖ້ວມ ໄຟຟ້າມອດຫລັງໄຊໂຄນຖະຫລົ່ມ - advert banner 728 90 728x90 - ເມືອງຫລວງຕົງການ້ຳຖ້ວມ ໄຟຟ້າມອດຫລັງໄຊໂຄນຖະຫລົ່ມ

ນະຄອນຫລວງນູກູ​ອາ​ໂລ​ຟາ ​ຂອງ​ຕົງ​ກາ ປະ​ເທດ​ໝູ່​ເກາະ​ໃນ​ມະຫາ​ສະໝຸດ​ປາຊີ​ຟິກ ​ເກີດ​ຄວາມ​ເສຍ​ຫາຍ​ໜັກ​ທັງ​ໄຟຟ້າ​ມອດ ​ແລະ ນ້ຳຖ້ວມ ຫລັງ​ຖືກ​ໄຊ​ໂຄນ​ຮຸນ​ແຮງ​ທີ່​ສຸດ​ເທົ່າ​ທີ່​ເຄີຍ​ປະສົບ​ມາ​ຖະຫລົ່ມ​ໃນ​ຕອນ​ຄໍ່າ​ວັນ​ທີ 12 ກຸມພາ.

ເມືອງຫລວງຕົງການ້ຳຖ້ວມ ໄຟຟ້າມອດຫລັງໄຊໂຄນຖະຫລົ່ມ - lattana 1 - ເມືອງຫລວງຕົງການ້ຳຖ້ວມ ໄຟຟ້າມອດຫລັງໄຊໂຄນຖະຫລົ່ມ

​ໄຊ​ໂຄນ​ກີ​ຕາ​ຄວາມ​ໄວ​ລົມ 230 ກິ​ໂລ​ແມັດ​ຕໍ່​ຊົ່ວ​​ໂມງ ຂຶ້ນຝັ່ງ​ເກາະ​ຕົງ​ກາ​ຕາປູ ​ເກາະ​ໃຫຍ່​ທີ່​ສຸດ​ຂອງ​ປະ​ເທດ ​ແລະ ​ເປັນ​ທີ່​ຕັ້ງຂອງ​ເມືອງ​ຫລວງ ພັດ​ຫລັງຄາ​ສັງກະສີ​ປິວ, ອາຄານ​ໄມ້​ເກົ່າ​ແກ່ ​ແລະ ບາງ​ສ່ວນ​ຂອງ​ລັດຖະສະພາ​ເສຍ​ຫາຍ, ​ເສົາ​ໄຟຟ້າ ​ແລະ ຕົ້ນ​ໄມ້​ຫັກ​ຂວາງ​ຖະໜົນ. ​ເຈົ້າໜ້າ​ທີ່​ສຳນັກງານ​ເຫດ​ສຸກ​ເສີນ​ແຫ່ງ​ຊາດ​ເປີດ​ເຜີຍ​ວ່າ: ຄວາມ​ເສຍ​ຫາຍ​ທີ່​ເກີດ​ຂຶ້ນຮ້າຍ​ແຮງ​ທີ່​ສຸດ, ​​ເຖິງ​ວ່າສຳນັກງານ​ອຸຕຸນິຍົມ​ວິທະຍາ​ຕົງ​ກາຖືກ​ພັດ​ຫລັງຄາ​ເສຍ​ຫາຍ ຈຶ່ງ​ຕ້ອງ​ໃຫ້​ສຳນັກງານ​ອຸຕຸນິຍົມ​ວິທະຍາ​ຟິຈິ​ຢູ່​ທາງ​ຕາ​ເວັນ​ຕົກ​ເຮັດ​ໜ້າ​ທີ່​ແຈ້ງ​ເຕືອນ​ໄພ​ແທນ, ສັ່ງ​ປິດສະໜາ​ມ.

​ເຖິງ​ຢ່າງ​ໃດ​ກໍ​ດີ, ​ໄຊ​ໂຄນ​ກີ​ຕາ​ບໍ່​ໄດ້​ທະວີ​ກຳລັງ​ຂຶ້ນ​ເປັນ​ລະດັບ 5 ​ແລະ ບໍ່​ໄດ້​ຖະຫລົ່ມ​ນະຄອນຫລວງ​ນູກູ​ອາ​ໂລ​ຟາ​ໂດຍ​ກົງ ​ແລະ ​ເຄື່ອນ​ທີ່​ອອກ​ສູ່​ທະ​ເລ​ໃນ​ເຊົ້າວັນ​ທີ 13 ກຸມພາ, ປະຊາຊົນ 3.000 ກວ່າ​ຄົນ​ຈາກ​ທັງ​ໝົດ 75.000 ຄົນ​ຢູ່​ເກາະ​ຕົງ​ກາ​ຕາປູ​ຍັງ​ອາ​ໄສ​ຢູ່​ຕາມ​ສູນ 41 ​ແຫ່ງ ຍັງ​ບໍ່​ມີ​ລາຍ​ງານ​ຜູ້​ເສຍ​ຊີວິດ. ນັກ​ອຸຕຸນິຍົມ​ວິທະຍາ​ເຕືອນ​ວ່າ: ​ໄຊ​ໂຄນ​ອາດ​ທະວີ​ກຳລັງ​ຂຶ້ນ​ເປັນ​ລະດັບ 5 ​ໃນ​ໄລຍະ​ທີ່​ມຸ່ງ​ໜ້າ​ໄປກຸ່ມ​ເກາະ​ຂອງ​ຟິຈິ.