ການ​ຜະລິດ​ລະດູ​ແລ້ງໃນທົ່ວປະເທດສໍາເລັດເປັນສ່ວນໃຫຍ່

ການ​ຜະລິດ​ລະດູ​ແລ້ງໃນທົ່ວປະເທດສໍາເລັດເປັນສ່ວນໃຫຍ່ - advert banner 728 90 728x90 - ການ​ຜະລິດ​ລະດູ​ແລ້ງໃນທົ່ວປະເທດສໍາເລັດເປັນສ່ວນໃຫຍ່

ກົມ​​ປູກຝັງກະຊວງ​ກະສິກຳ ​ແລະ ປ່າ​ໄມ້ ​ໃຫ້​ຮູ້​ວ່າ: ແຜນການຜະລິດລະດູແລ້ງໃນປີນີ້, ໄດ້ກໍານົດໄວ້ວ່າທົ່ວປະເທດຈະຕ້ອງປູກເຂົ້ານາແຊງໃຫ້ໄດ້ທັງໝົດ 90.350 ເຮັກ, ຄາດຄະເນຜົນຜະລິດປະມານ 475.000 ໂຕນ ແລະ ສະມັດຕະພາບການຜະລິດໃຫ້ບັນລຸຢ່າງໜ້ອຍ 5 ໂຕນຕໍ່ເຮັກຕາ. ສ່ວນການປູກພືດລະດູແລ້ງແມ່ນ 177.100 ເຮັກຕາ ແລະ ມາຮອດປັດຈຸບັນ, ຊາວ​ກະສິກອນ​ຫລາຍ​ທ້ອງ​ຖິ່ນໃນທົ່ວປະເທດໄດ້ສໍາເລັດການປັກດໍານາແຊງແລ້ວກວ່າ 80% ແລະ ການປູກພືດລະດູແລ້ງສໍາເລັດແລ້ວ 78.800 ​ເຮັກຕາ. ໃນນັ້ນພືດ​ທີ່​ປູກ​ຫລາຍ​ກວ່າ​ໝູ່​ແມ່ນ​ພືດຜັກ​ຕ່າງໆຈໍານວນ 25.290 ​ເຮັກຕາ, ໝາກ​ໄມ້ຕ່າງໆກວ່າ 15.830 ​ເຮັກຕາ, ສາລີ​ແຂງ 8.420 ເຮັກຕາ ​ແລະ ອ້ອຍ 7.000 ກວ່າ​ເຮັກຕາ. ໃນນັ້ນທ້ອງຖິ່ນທີ່ປະຕິບັດໄດ້ດີກວ່າໝູ່ແມ່ນແຂວງ​ໄຊ​ຍະ​ບູລີ, ຫລວງ​ນ້ຳທາ, ແຂວງ​ວຽງ​ຈັນ, ສະຫວັນ​ນະ​ເຂດ, ​ຈຳປາ​ສັກ ແລະ ສາລະ​ວັນ, ເນື່ອງຈາກຊາວກະສິກອນສ່ວນຫລາຍມີຄວາມຫ້າວຫັນ ແລະ ກະຕືລືລົ້ນໃນການຜະລິດເປັນສີນຄ້າສ້າງລາຍຮັບ ເພື່ອພັດທະນາເສດຖະກິດຄອບຄົວດີຂຶ້ນ, ບວກກັບສະພາບເນື້ອທີ່ທໍາການຜະລິດ, ການສະໜອງນໍ້າ ແລະ ສະພາບດິນ ຟ້າອາກາດໄດ້ເອື້ອອໍານວຍຕໍ່ການຜະລິດເປັນຢ່າງດີ ແລະ ໃນຕໍ່ໜ້ານີ້, ຈະສືບຕໍ່ຕິດຕາມຊຸກຍູ້ຂະແໜງຊົນລະປະທານຢູ່ແຕ່ລະທ້ອງຖິ່ນເອົາໃຈໃສ່ສະໜອງນໍ້າໃຫ້ແກ່ການຜະລິດລະດູແລ້ງໃຫ້ບັນລຸຕາມແຜນ, ພ້ອມທັງຕິດຕາມການປ່ຽນແປງດິນຟ້າອາກາດຢ່າງໃກ້ຊິດ ເພື່ອແຈ້ງເຕືອນໃຫ້ຊາວກະສິກອນໄດ້ຮັບຊາບເປັນປົກກະຕິ ແລະ ມີວິທີປ້ອງກັນຜົນລະປູກ ແລະ ສັດລ້ຽງບໍ່ໃຫ້ເສຍຫາຍ.

ການ​ຜະລິດ​ລະດູ​ແລ້ງໃນທົ່ວປະເທດສໍາເລັດເປັນສ່ວນໃຫຍ່ - lattana 1 - ການ​ຜະລິດ​ລະດູ​ແລ້ງໃນທົ່ວປະເທດສໍາເລັດເປັນສ່ວນໃຫຍ່