ຈະ​ສ້າງ​ໂຮງໝໍ​ເອກະ​ຊົນ​ລະດັບ​ສາກົນຢູ່ນະຄອນຫລວງ​ວຽງຈັນ

ພິທີ​ຖະ​ແຫລ​ງຂ່າວ​ກຽມສ້າງ​ໂຮງໝໍ​ເອກະ​ຊົນ​ລະດັບ​ສາກົນຢູ່ນະຄອນຫລວງ​ວຽງຈັນ​ໄດ້​ມີ​ຂຶ້ນ​ໃນ​ວັນ​ທີ 13 ກຸມພານີ້, ຢູ່​ໂຮງ​ແຮມ​ຄຣາວພລາຊາ ​ໂດຍທ່ານ ສະເຫລີມ ຫານ​ພານິດ ປະທານບໍລິຫານໂຮງໝໍ​ກະ​ເສມຣາດ ອິນ​ເຕີ​​ເນ​​ເຊີ​ນນໍວຽງ​ຈັນ ​ແລະ ທ່ານນາງ ວາລີ ​ເວດ​ສະ​ພົງ ຮອງອຳນວຍການໂຮງໝໍ​ດັ່ງກ່າວ, ​ຊຶ່ງ​ໄດ້​ໃຫ້​ຮູ້​ວ່າ: ໂຄງການ​ກໍ່ສ້າງ​ໂຮງໝໍດັ່ງກ່າວ​ມີ​ຊື່ວ່າ: ​ກະ​ເສມຣາດ ອິນ​ເຕີ​​ເນ​​ເຊີນ​ນໍ ວຽງ​ຈັນ, ປັດຈຸບັນ​ແມ່ນ​ຢູ່​ໃນ​ຂັ້ນຕອນການ​ກະກຽມ​ເອກະສານ ​ແລະ ​ຕິ​ນິກຳ​ທີ່​ກ່ຽວຂ້ອງ​ເພື່ອ​ຂໍ​ອະນຸຍາດ​ໃນ​ການ​ປຸກ​ສ້າງ ຊຶ່ງ​ຈະ​​ແບ່ງ​ອອກ​ເປັນ 2 ​​ໄລຍະ​​ການ​ກໍ່ສ້າງ, ​​ດ້ວຍ​ທຶນ​ຈົດ​ທະບຽນ 120 ຕື້​ກີບ, ໄລຍະທຳ​ອິດຄາ​ດວ່າ​ຈະ​​ລົງມື​ກໍ່ສ້າງ​ໃນ​ປີ 2020 ນີ້, ລວມມູນ​ຄ່າການ​ກໍ່ສ້າງ​ທັງ 2 ​ໄລຍະປະມານ 60 ລ້ານ​ໂດ​ລາສະຫະລັດ ຫລື ປະມານ 480 ຕື້​ກີບ, ​​ມີ​ອາຄານທັງໝົດ 4 ຫລັງ, ​ສູງ 7-12 ຊັ້ນ, ມີ​ 38 ຫ້ອງ​ກວດ 254 ຕຽງ​ນອນ, ມີຫໍ​ພັກ​ຂອງຄະນະ​ແພດ​ຈາກປະເທດໄທ, ​ຮ້ານ​ອາຫານ ແລະ ສະຖານທີ່ຈອດລົດ 500 ຄັນ ລວມ​ເນື້ອ​ທີ່​ 3 ​ເຮັກຕາ, ຢູ່​ບ້ານ​ດອນ​ນົກ​ຂຸ້ມ ​ເມືອງ​ສີ​ສັດ​ນະ​ນາກນະຄອນຫຼວງ​ວຽງ​ຈັນ. ເມື່ອສ້າງສຳເລັດຈະເປັນໂຮງໝໍ ແຫ່ງທຳອິດຂອງ ສປປ ລາວ ທີ່ໃຫ້ບໍລິການປິ່ນປົວພະຍາດແບບຄົບວົງຈອນ ແລະ ເປັນໂຮງໝໍທີ່ໄດ້ມາດຕະຖານໃນລະດັບອາຊຽນ ແລະ ສາກົນ, ພ້ອມກັນນີ້, ຍັງຈະເປັນການຊ່ວຍພັດທະນາວຽກງານສາທາລະນະສຸກ ​ແລະ ບຸກຄະລາກອນວົງການແພດຂອງລາວມີ​ຄຸນ​ນະພາ​ບດີ​ຂຶ້ນ ແລະ ເປັນໂຄງການ ແບບຢ່າງໃຫ້ນັກລົງທຶນຕ່າງປະເທດຫັນເຂົ້າມາທົງທຶນໃນຂົງເຂດວຽກງານສາທາລະນະສຸກຢູ່ລາວຫລາຍຂຶ້ນ.

- lattana 1 - ຈະ​ສ້າງ​ໂຮງໝໍ​ເອກະ​ຊົນ​ລະດັບ​ສາກົນຢູ່ນະຄອນຫລວງ​ວຽງຈັນ