ໂອຕຣິດເຂັ້ມງວດສະຖານເອກອັກ ຄະລາຊະທູດທຸກແຫ່ງໃນວຽນນາ

- advert banner 728 90 728x90 - ໂອຕຣິດເຂັ້ມງວດສະຖານເອກອັກ ຄະລາຊະທູດທຸກແຫ່ງໃນວຽນນາ

ສຳນັກງານ​ຕຳຫລວດ​ນະຄອນຫລວງ​ວຽນ​ນາຍົກ​ລະດັບ​ມາດ​ຕະການ​ຮັກສາ​ຄວາມ​ປອດ​ໄພ​ສະຖານ​ເອກ​ອັກຄະລາຊະທູດ ​ແລະ ສຳນັກງານ​ການ​ທູດ​ທຸກ​ແຫ່ງ​ໃນ​ເມືອງ​ຫລວງ​ຂອງ​ໂອ​ຕຣິດ, ພາຍຫລັງ​ເຈົ້າໜ້າ​ທີ່​ວິສາມັນ​ຜູ້​ຊາຍ​ໃຊ້​ມີດ​ທຳຮ້າຍ​ທະຫານ ​ເຊິ່ງອາລັກຂາ​ເຮືອນ​ພັກ​ເອກ​ອັກຄະລາຊະທູດ​ອີຣານ.

- lattana 1 - ໂອຕຣິດເຂັ້ມງວດສະຖານເອກອັກ ຄະລາຊະທູດທຸກແຫ່ງໃນວຽນນາ

- 59a4d5f6 fa95 4a23 8daa 4c6b3e23dd6e 300x169 - ໂອຕຣິດເຂັ້ມງວດສະຖານເອກອັກ ຄະລາຊະທູດທຸກແຫ່ງໃນວຽນນາ

ສຳນັກ​ຂ່າວ​ຕ່າງປະ​ເທດລາຍ​ງານ​ຈາກ​ນະຄອນຫລວງ​ວຽນ​ນາ ປະ​ເທດ​ໂອ​ຕຣິດ ​ໃນ​ວັນ​ທີ 12 ມີນາ​ວ່າ: ສຳນັກງານ​ຕຳຫລວດ​ນະຄອນບານ​ນະຄອນຫລວງ​ວຽນ​ນາ ອອກ​ຖະ​ແຫລ​ງການ​ໃນ​ວັນ​ທີ 12 ມີນາ ຍົກ​ລະດັບ​ມາດ​ຕະການ​ຮັກສາ​ຄວາມ​ປອດ​ໄພ​ສະຖານ​ເອກ​ອັກຄະລາຊະທູດ ​ແລະ ອາຄານ​ສຳນັກງານ​ດ້ານ​ການ​ທູດ​ທຸກ​ແຫ່ງ​ໃນ​ເມືອງ​ຫລວງ​ຂອງ​ໂອ​ຕຣິດ ​ໂດຍ​ມາດ​ຕະການ​ດັ່ງກ່າວ​ເກີດ​ຂຶ້ນພາຍຫລັງ​ທະຫານ ​ເຊິ່ງຢືນ​ປະຈຳການ​ຢູ່​ໜ້າ​ເຮືອນ​ພັກ​ຂອງ​ເອກ​ອັກຄະລາຊະທູດ​ອີຣານປະຈຳ​ນະຄອນຫລວງ​ວຽນ​ນາ ວິສາມັນ​ຜູ້​ຊາຍ​ຊາວ​​ໂອ​ຕຣິດ ອາຍຸ 26 ປີ ​ເສຍ​ຊີວິດ​ຄາ​ທີ່ ຫລັງ​ອີກ​ຝ່າຍ​ບຸກ​ໃຊ້​ມີດ​​ໂຈມ​ຕີ​ທຳຮ້າຍ​ເຈົ້າໜ້າ​ທີ່.

​ເຖິງ​ຢ່າງ​ໃດ​ກໍ​ຕາມ, ​ເຈົ້າໜ້າ​ທີ່​ຍັງ​ຄົງ​ສືບສວນ​ເພື່ອ​ຄົ້ນຫາ​ແຮງ​ຈູງ​ໃຈ​ໃນ​ການ​ກໍ່​ເຫດ​ຂອງ​ຄົນ​ຮ້າຍ ​ແລະ ຍັງ​ບໍ່​ມີ​ການ​ຕັ້ງສົມມຸດ​ຖານ​ວ່າ​ເປັນ​ການ​ກໍ່​ການ​ຮ້າຍ ຫລື ບໍ່. ຂະນະ​ທີ່​ຖະ​ແຫລ​ງການ​ຂອງ​ກະຊວງ​ປ້ອງ​ກັນ​ປະ​ເທດ​ໂອ​ຕຣິດລະບຸ​ວ່າ: ​ເຈົ້າໜ້າ​ທີ່​ໄດ້​ຮັບ​ບາດ​ເຈັບ​ເລັກ​ໜ້ອຍ ​ແລະ ການ​ຍິງ​ລູກປືນ​ອອກ​ໄປ​ຢ່າງ​ໜ້ອຍ 4 ລູກ ​ເປັນ​ການ​ປະຕິບັດ​ຕາມ​ກົດໝາຍ. ທັງ​ນີ້ ​ເຫດການ​ດັ່ງກ່າວ​ເກີດ​ຂຶ້ນພຽງ​ບໍ່​ເທົ່າ​ໃດ​ຫລັງ​ເກີດ​ເຫດ​ຄົນ​ຮ້າຍ​ໃຊ້​ມີດ​​ໄລ່​ແທງ​ປະຊາຊົນ 2 ຄັ້ງ​ໃນ​ນະຄອນຫລວງ​ວຽນ​ນາ ​ໂດຍ​ເຫດການ​ໜຶ່ງ​ສົ່ງ​ຜົນ​ໃຫ້​ມີ​ຜູ້​ໄດ້​ຮັບ​ບາ​ດ​ເຈັບ 3 ຄົນ ​ແລະ ​ເຈົ້າໜ້າ​ທີ່​ຈັບ​ກຸມ​ຄົນ​ຮ້າຍ​ເປັນ​ຜູ້​ຊາຍ​ຊາວ​ອັບ​ກາ​ນິດ​ສະຖານ ອາຍຸ 23 ປີ.