EU ພ້ອມສູ້ກຳແພງພາສີ ເຫລັກ-ອາລູມີນຽມຂອງອາເມລິກາ

- advert banner 728 90 728x90 - EU ພ້ອມສູ້ກຳແພງພາສີ ເຫລັກ-ອາລູມີນຽມຂອງອາເມລິກາ

​ເຈົ້າໜ້າ​ທີ່​ລະດັບ​ສູງ​ດ້ານ​ນະ​ໂຍບາ​ຍການ​ຄ້າ​ຂອງ​ສະຫະພາບ​ເອີຣົບຢືນຢັນ “ຄວາມ​ໜັກ​ແໜ້ນ” ​ໃນ​ການ​ຜະ​ເຊີນ​ກັບມາດ​ຕະການ​ຂອງ​ອາ​ເມ​ລິ​ກາ.

- lattana 1 - EU ພ້ອມສູ້ກຳແພງພາສີ ເຫລັກ-ອາລູມີນຽມຂອງອາເມລິກາ

- BBJYJEy - EU ພ້ອມສູ້ກຳແພງພາສີ ເຫລັກ-ອາລູມີນຽມຂອງອາເມລິກາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ບຣຸກ​ແຊນ ປະ​ເທດ​​ແບນ​ຊິກ ​ໃນ​ວັນ​ທີ 13 ມີນາ​ວ່າ: ທ່ານ​ນາງ ​ເຊ​ຊິ​ເລຍ ມັລສຕຣອມ ກຳມາ​ທິການ​ການ​ຄ້າ​ຂອງ​ຄະນະ​ກຳມາ​ທິການ​ເອີຣົບ (EC) ກ່າວ​ໃນ​ວັນ​ທີ 12 ມີນາ​ວ່າ: ​ເອີຣົບພ້ອມ​ຜະ​ເຊີນ ​ແລະ ຕອບ​ສະໜອງ​ຕໍ່​ມາດ​ຕະການ​ທາງ​ການ​ຄ້າ​ຈາກ​ບາງ​ປະ​ເທດ​ທີ່​ໃຊ້​ນະ​ໂຍບາຍ​ດັ່ງກ່າວ​ຂັດຂວາງ​ກະ​ແສ​ໂລກາ​ພິວັດ ຫລື ​ໃຊ້​ເປ​ັນຂໍ້​ອ້າງ​ເພື່ອ​ກີດ​ກັ້ນທາງ​ການ​ຄ້າ.

ທັງ​ນີ້, ທ່ານ​ນາງ ມັລສຕຣອມ ພົບ​ກັບ​ທ່ານ ​ໂຣ​ເບິດ ​ໄລ​ທິ​ເຊີ ຜູ້​ແທນ​ເຈລະຈາ​ກາ​ນຄ້າ​ຂອງ​ອາ​ເມ​ລິ​ກາ ຢູ່​ນະຄອນຫລວງ​ບຣຸກ​ແຊນ ​ໃນ​ວັນ​ທີ 10 ມີນາ, ​ແຕ່​ຫລາຍ​ຝ່າຍ​ເບິ່ງ​ເປັນ​ການ​ຫາລື​ທີ່ “​ເສຍ​ເວລາ” ​ເພາະ​ທ່ານ ​ໄລ​ທິ​​ເຊີ ປະຕິ​ເສດ​ຊີ້​ແຈງ​ວ່າ​ສະ​ຫະພາບ​ເອີຣົບ (EU) ຈະ​ໄດ້​ຮັບ​ການ​ຍົກ​ເວັ້ນຈາກ​ກຳ​ແພງ​ພາສີ​ເຫລັກ ​ແລະ ອາ​ລູມີ​ນຽມ ຫລື ບໍ່ ​ແລະ ​ແນວ​ໃດ. ຂະນະ​ທີ່​ກ່ອນ​ໜ້ານັ້ນ, ທ່ານ​ນາງ ມັລສຕຣອມ ຢືນຢັນ​ການ​ໃຊ້​ມາດ​ຕະການ​ປົກ​ປ້ອງ ພາຍ​ໃນ​ໄລຍະ​ເວລາ 90 ວັນ ຖ້າ​ມາດ​ຕະການ​ກຳ​ແພງ​ພາສີ​ຂອງ​ອາ​ເມ​ລິ​ກາ​ມີ​ຜົນ​ບັງຄັບ​ໃຊ້ ​ໂດຍ​ສິນຄ້າ​ສົ່ງ​ອອກ​ຈາກ​ອາ​ເມ​ລິ​ກາ​ທີ່​ຈະ​ໄດ້​ຮັບ​ຜົນ​ກະທົບ​ຄວບ​ຄຸມ​ນັບ​ແຕ່​ສິນຄ້າ​ກະສິກຳ​ໄປ​ຈົນ​ຮອດ​ເຄື່ອງນຸ່ງ​ຫົ່ມ​.