UN ສ້າງເຮືອນຕ້ານພາຍຸ ແຈກຊາວຫວຽດນາມ

- advert banner 728 90 728x90 - UN ສ້າງເຮືອນຕ້ານພາຍຸ ແຈກຊາວຫວຽດນາມ

ອົງການ​ສະຫະ​ປະຊາ​ຊາດ (UN) ຈັບ​ມື​ກັບ​ລັດຖະບານ​ຫວຽດນາມ ສ້າງ​ເຮືອນ​ຕ້ານທານ​ພາຍຸ​ແຈກ​ຟຣີ​ແກ່​ຊາວ​ຫວຽດນາມ​ຫລາຍ​ພັນ​ຄອບຄົວ​ທີ່​ອາ​ໄສ​ຢູ່​ໃນ​ພື້ນທີ່​ຕາມ​ແຄມ​ຝັ່ງ​ທະ​ເລ ​ໂດຍ​ຫວັງ​ວ່າ​ຈະ​ເປັນ​ອີກ​ທາງ​ໜຶ່ງ​ທີ່​ຈະ​ຊ່ວຍ​ໃຫ້​ປະຊາຊົນ​ເຫລົ່າ​ນີ້​ພົ້ນຈາກ​ຄວາມທຸກ​ຍາກ.

- lattana 1 - UN ສ້າງເຮືອນຕ້ານພາຍຸ ແຈກຊາວຫວຽດນາມ

- ONwz8Zs 300x200 - UN ສ້າງເຮືອນຕ້ານພາຍຸ ແຈກຊາວຫວຽດນາມ

ສຳນັກ​ຂ່າວຣອຍ​ເຕີ​ລາຍ​ງານ​ຈາກ​ນະຄອນຫລວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 12 ມີນາ​ວ່າ: ຫວຽດນາມ​ເປັນ 1 ​ໃນ 10 ປະ​ເທດ​ຂອງ​ໂລກ ທີ່​ໄດ້​ຮັບ​ຜົນ​ກະທົບ​ຈາກ​ການ​ປ່ຽນ​ແປງ​ຂອງ​ສະພາບ​ອາກາດ​ຫລາຍ​ທີ່​ສຸດ ຈາກ​ລາຍ​ງານ​ປະຈຳ​ປີ​ຫລ້າ​ສຸດ ວ່າ​ດ້ວຍ​ຄວາມ​ສ່ຽງ​ຈາກ​ສະພາບ​ໂລກ​ຮ້ອນ Climate Risk Index ​ເຜີຍ​ແຜ່​ໂດຍ​ອົງການ​ວິ​ໄຈ Germanwatch.

ປະຊາຊົນ​ທີ່​ອາ​ໄສ​ຢູ່​ຕາມ​​ແຄມ​ຝັ່ງ​ທະ​ເລ​ສ່ຽງ​ອັນຕະລາຍ​ທີ່​ສຸດ ​ເມື່ອ​ພາຍຸ​​ເພີ່ມ​ຄວາມ​ຖີ່ ​ແລະ ຄວາມ​ຮຸນ​ແຮງ​ຂຶ້ນ ​ເຮັດ​ໃຫ້​ປະຊາຊົນ​ເຫລົ່າ​ນີ້​ຫລີກ​ໜີ​ຄວາມທຸກ​ຍາກ, ໜີ້​ສິນ​ເພີ່ມ​ຂຶ້ນ ຫລື ຕ້ອງ​ໃຊ້​ຈ່າຍ​ເງິນ​ເພື່ອ​ສ້າງ​ເຮືອນ​ໃໝ່ ຫລື ສ້ອມ​ແປງ​ເຮືອນ​ບໍ່​ໄດ້.

ຈາກ​ການ​ຮ່ວມ​ມື​ກັບ​ລັດຖະບານ​ຫວຽດນາມ, UNDP ມີ​ແຜນ​ສ້າງ​ເຮືອນ​ຕ້ານທານ​ພາຍຸ 300 ຫລັງ​ພາຍ​ໃນ​ປີ​ນີ້ ​ແລະ ສ່ວນ​ທີ່​ເຫລືອ​ຂອງ​ທັງ​ໝົດ 4.000 ຫລັງ ຈະ​ສຳ​ເລັດ​ພາຍ​ໃນ​ປີ 2022 ​ໂດຍ​ເຮືອນ​ຂະໜາດ 2 ຫ້ອງ​ນອນ, ມີຄ່າ​ໃຊ້​ຈ່າຍ​ໃນ​ການ​ກໍ່ສ້າງ​ຫລັງ​ລະ​ປະມານ 1.700 ​ໂດ​ລາ​ສະຫະລັດ ​ເຊິ່ງປັດຈຸບັນ​ສ້າງ​ສຳ​ເລັດ​​ແລ້ວ 37 ຫລັງ ​ແລະ ມີ​ການ​ມອບ​ໃຫ້​ປະຊາຊົນ​ໃນ​ແຂວງກວາງງາຍ.