ແຮງ​ງານ​ຄື​ປັດ​ໃຈ​ສຳຄັນ​ຂອງ​ການ​ດຳ​ເນີນ​ທຸ​ລະ​ກິ​ດ

- advert banner 728 90 728x90 - ແຮງ​ງານ​ຄື​ປັດ​ໃຈ​ສຳຄັນ​ຂອງ​ການ​ດຳ​ເນີນ​ທຸ​ລະ​ກິ​ດ

ນັກທຸລະກິດ​ຫຼາຍ​ທ່ານ​ອາດ​ຍັງ​ຖື​ເບົາ​ໃນ​ການສ້າງ​ແລະ​ຮັກສາ​ແຮງ​ງານ​ໄວ້ຄົງ​ທີ່ ​ເພາະ​ການ​ດຳ​ເນີນ​ທຸລະ​ກິດຈຳ​ເປັນ​ຕ້​ອງ​ໄດ້​ອາ​ໃສ​​ແຮ​ງງານ​​ເປັນ​ຫຼັກແລະ​​ຫຼີກ​ລ້ຽງ​​ການເສຍ​ເວລາ​ທີ່ຈະ​ໄປ​ຊອກ​ຫາ​ພະນັກງານ​ໃໝ່,​ ຖ້າ​ຕຳ​ແໜ່​ງງານ​ໃດ​ໜຶ່ງ​ຂາດ​ໄປ​ກໍ່​ເຮັດ​ໃຫ້ທຸລະ​ກິດ​​​ເກີດ​ຄວາມຫຼ້າ​ຊ້າ. ​ທ່ານ ລາມ ສູນ​ດາລາ, ປະທານ​ບໍລິສັດ ລາມ​ພຣາຕິກ,​ເຈົ້າ​ຂອງ​ໂຮງງານ​ນ້ຳ​ດື່ມ​ແລະ​ນ້ຳກ້ອນ​ກາ​ແວ​ນ​ເພັດ​ແລະ​ເກືອນາ​ເຕີຍ​ແຂວງ​ສະຫວັນນະ​ເຂດ​ ​​​ເປີ​ດ​ໃຈ​​ຕໍ່​ສື່​ມວນ​ຊົນ​ພວກ​ເຮົາ​​ເມື່ອ​ອາທິດ​ຜ່ານ​ມາວ່າ:

- lattana 1 - ແຮງ​ງານ​ຄື​ປັດ​ໃຈ​ສຳຄັນ​ຂອງ​ການ​ດຳ​ເນີນ​ທຸ​ລະ​ກິ​ດ

​ແຮງ​ງານ​ແມ່ນ​ອົງ​ປະ​ກອບ​ສຳຄັນ​​ໜຶ່ງ​ທີ່​ຂາດ​ບໍ່​ໄດ້ ​ເພື່ອ​ຊ່ວຍ​ຂັບ​ເຂື່ອນ​ທຸລະ​ກິດ​ຂອງ​ຕົນ​ແລະຖ້າ​ຢາກ​​ໄດ້​ແຮງ​ງານ​ດີ​ແຮງ​ງານ​​ເກັ່ງ​ກໍ່​ຂື້ນ​ກັບ​ຕົວ​ເຮົາ​ເປັນ​ຜູ້​ບໍ​ລີ​ຫານ​ວ່າ​ຈະ​ສ້າງ​ພະນັກງານ​ຄົນ​ນັ້ນ​ໃຫ້​ເກັ່ງ​ແນວ​ໃດ,​ເມື່ອ​ສ້າງ​​ເກັ່ງ​ແລ້ວ​ເຮົາ​ກໍ່​ມີ​ກົນລະຍຸດ​ການ​ມັດ​ໃຈ​​ບໍ່​ໃຫ້​​ພະນັກງານ​ນັ້ນໜີ​ຈາກ​​ເຮົາ,ໃນ​ເມື່ອ​ແຮງ​ງານ​ເຂົ້າ​ມາ​ຢູ່​ນຳ​ເຮົາ​ແລ້ວ ນັ້ນ​ສະ​ແດງ​ວ່າ​ເຂົາ​ເຈົ້າ​ຕ້ອງການ​ເພິ່ງ​ເຮົາ,​ເຮົາ​ກໍ່ຕ້ອງ​​ເບິ່ງ​ແຍງ​ແຮງ​ງານ​ໃຫ້​ດີ​ຄື​ຄົນ​ໃນ​ຄອບຄົວ,ເຮັດ​ໃຫ້​ເຂົາ​ເຈົ້າ​ມີ​ຢູ່​ມີ​ກິນ ​ແບບ​ບໍ່​ໄດ້​ຈຳ​ແນ​ກ​,ພ້ອມ​ທັງ​​ໃຫ້​ສະຫວັດດີ​ການຕ່າງໆ​ແກ່​ພະນັກງານທຸກ​ຄົນ​,​ເບິ່ງ​ແຍງ​ໃນ​ເວລາ​ເຈັບ​ເປັນແລະ​ຊ່ວຍໃນ​ສິ່ງ​ທີ່​​ເຂົາ​ເຈົ້າ​ຂາດ​ເຂີນ ​ ​​ແລ້ວສົ່ງ​ເສີມ​ໃຫ້​ເຂົາ​ເຈົ້າມີ​ຄວາມ​ສະດວກ​ນັບທັງຄ່າ​ແຮງ​ງານ​ເງິນ​ເດືອນ​ ກໍ່​ເບີກ​ຈ່າຍ​ເປັນ​ປົກກະຕິ​ແລະ​ທ່ວງທັນ​ເວລາ.

ຍ້ອນ​ຄວາມ​ເອົາ​ໃຈ​ໃສ່ປະຕິບັດ​​ຄື​ແນວ​ນັ້ນ ​ໃຜ​ໆ​ກໍ່​ສົນ​ໃຈ​ມາສະ​ໝັກ​ເຂົ້າ​ເຮັດ​ວຽກ​ໃນ​ບໍລິສັດ​, ມາ​ຮອດ​ປະຈຸ​ບັນໄດ້ຮັບ​ແລະ​ບັນຈຸ​​ແຮ​ງງານ​ໃນ​ຕຳ​ແໜ່​ງງານຕ່າງ​ໆ ​ເກືອ​ບ300ຄົນ​ ​ເຂົ້າ​ໃນ​ໂຮງງານ​ຜະລິດຖົງ​ຢາງ,​ໂຮງງານ​ຜະລິດ​ນ້ຳ​ດື່ມ,​ໂຮງງານ​ຜະລິດນ້ຳກ້​ອນ,​ໂຮງງານຜະລິດ​​​ເກືອ. 20​ກວ່າ​ປີມາ​ນີ້​ບໍ່ເຄີຍ​ມີ​ພະນັກງງານ​ລາ​ອອກ,​ເຖິງ​ຈະ​ລາອອກ​ກໍ່​ຍັງຂໍກັບ​ຄືນ​ມາ​ເຮັດ​ວຽກຄື​ເກົ່າ,ມີ​ພະນັກງານ​ຫຼາຍ​ຄົນ​ກໍ່​ໄດ້ຮັບ​ເງິນ​ບຳນານ​ໃນ​ແຕ່ລະ​ເດືອນ.

​​ເມື່ອພະນັກງານ​​ໄດ້​ຮັບ​ການ​ເບິ່ງ​ແຍງ​ດີ​ຄື​ແນວ​ນັ້ນ​ເຂົາ​ເຈົ້າ​ກໍ່​ມີ​ຄວາມ​ຕັ້ງ​ໃຈ ປະຕິບັດ​ໜ້າ​ທີ່​ວຽກ​ງານ​ ຊ່ວຍ​ເຮັດ​ໃຫ້​ທຸລະ​ກິດ​ສາມາ​ດຂັບ​ເຂື່​ອນ​ໄປ​ໄດ້​ດີ ມີ​ຜະລິດ​ຕະພັນ​ອອກ​ຮັບ​ໃຊ້​ສັງຄົມ​ໄດ້​ທັງ​ປະ​ລິ​ມານ​ແລະ​ຄຸນ​ນະພາ​ບ ​ໂດຍ​ສະ​ເພາະ​ຜະລິດ​ຕະພັນ​ຖົງ​ຢາງ,ນ້ຳກ້​ອນອະນາ​ໄມ​ຜ່ານ​ລະບົບ​ອາ​ໂອ,​ເກືອ​ປະສົມ​ສານ​ໄອ​ໂອ​ດິນ ທີ່​ສັງຄົມ​ມີ​ຄວາມ​ຍອມຮັບ​ທັງ​ມີ​ການ​ຊົມ​ໃຊ້​ແລະ​ບໍລິ​ໂພ​ກ​ ຢ່າງ​ກວ້າງຂວາງໃນ​ປະຈຸ​ບັນ.