ຄືບໜ້າກວ່າ 40% ການ​ແກ້​ໄຂ​​ສະພາບໄຟ​ ໄໝ້ສະໜາມຂີ້​ເຫຍື້ອຫລັກ 32

- advert banner 728 90 728x90 - ຄືບໜ້າກວ່າ 40% ການ​ແກ້​ໄຂ​​ສະພາບໄຟ​ ໄໝ້ສະໜາມຂີ້​ເຫຍື້ອຫລັກ 32

​​ກອງ​ປະຊຸມ​ລາຍ​ງານ​ສະພາບ​ເຫດການ​ໄຟ​ໄໝ້ສະໜາມຂີ້​ເຫຍື້ອຢູ່ຫລັກ 32 ນະຄອນຫລວງ​ວຽງຈັນ ​​ໃນ​ວັນ​ທີ 12 ມີນານີ້, ທ່ານນາງ ຈັນ​ວິ​ໄລ​ວອນ ຈັນທະ​ລາຕີ ຮອງ​ປະທານ​ສະກັດ​ກັ້ນ ​ແລະ ​ປ້ອງ​ກັນ​ຜົນ​ກະທົບ​ຈາກ​ເຫດ​ໄຟໄໝ້ສະໜາມບຳບັດ​ຂີ້​ເຫຍື້ອ​ຫລັກ 32 ​ໃຫ້​ຮູ້​ວ່າ: ປັດຈຸບັນ​ການ​ຄວບ​ຄຸມ ​ແລະ ດັບ​ມອດ​ໄຟ​​ມີ​ຄວາມ​ຄືບໜ້າກວ່າ 40%, ພາຍຫລັງ​ດຳ​ເນີນ​ການ​ສີດ​ນ້ຳພົມ​ຄວັນ ກວ່າ 700 ຖ້ຽວ, ວຽກຂົນ​ດິນ​ແດງ 2 ພັນ​ກວ່າ​ຖ້ຽວ, ວຽກຈົກ​ດິນ, ​ຂຸດ​ຖົມ​ແປວ​ໄຟ ​ແລະ ຈົກ​ຂີ້​ເຫຍື້ອ ສີດ​ນ້ຳພົມ​ດັບ​ໄຟ ລວມ​ເນື້ອທີ່​ສຳ​ເລັດ​ຕົວ​ຈິງມີເກືອບ 14 ຮັກຕາ, ຊຶ່ງ​ຍັງ​ເຫລືອ​ເນື້ອທີ່​ອີກ​ເຄິ່ງໜຶ່ງຂອງ​ຈຳນວນ​ທີ່​ຖືກ​ໄຟ​ໄໝ້, ​ເຊິ່ງປັດຈຸບັນ​ກຳລັງ​ເລັ່ງ​ປະຕິບັດ​ໃຫ້​ສຳ​ເລັດ​ໂດຍ​ໄວ  ທ່ານນາງ ວິ​ໄລ​ວອນ ຈັນທະ​ລາຕີ ​ໃຫ້​ຮູ້​ວ່າ: ສະໜາມຂີ້​ເຫຍື້ອຫລັກ 32 ຕັ້ງ​ຢູ່​ບ້ານນາ​ຜາ​ສຸກ, ​ເມືອງ​ໄຊ​ທານີ, ນະຄອນຫລວງ​ວຽງຈັນ, ​ເຊິ່ງສະໜາມດັ່ງກ່າວ​ມີ​ເນື້ອທີ່ທັງໝົດ 100 ​ເຮັກຕາ, ​ແບ່ງ​ໃຫ້​ບໍລິສັດ​ຂວັນ​ເມືອງກລຸບສຳ​ປະທານ 50 ​ເຮັກຕາ, ຢູ່​ໃນ​ການ​ຄຸ້ມ​ຄອງ​ຂອງ​ຫ້ອງການ ຄບຕ 50 ​ເຮັກຕາ, ​ໂດຍ​ມອບ​ໃຫ້​ກອງ​ບໍລິການ​ຂົນສົ່ງ​ຂີ້​ເຫຍື້ອ​ເປັນ​ຜູ້​ນຳ​ໃຊ້. ສະພາບ​ໄຟ​ໄໝ້ດັ່ງກ່າວ​ຄາດ​ວ່າ​ຈະ​ມີ​ມູນ​ຄ່າ​ເສຍ​ຫາຍ​ໂດຍ​ກົງ​ປະມານ 400 ກວ່າລ້ານ​ກີບ.

- lattana 1 - ຄືບໜ້າກວ່າ 40% ການ​ແກ້​ໄຂ​​ສະພາບໄຟ​ ໄໝ້ສະໜາມຂີ້​ເຫຍື້ອຫລັກ 32

ຂ່າວ​ໃຫ້​ຮູ້​ຕື່ມ​ວ່າ: ​ໄຟ​ໄໝ້ສະໜາມຂີ້​ເຫຍື້ອດັ່ງກ່າວ, ​ແມ່ນ​ຍ້ອນ​ປະຊາຊົນ​ຈູດ​ປ່າ​ມາ​ໃສ່ ອັນ​ໄດ້​ສ້າງ​ຄວາມ​ເສຍ​ຫາຍ ​ແລະ ​ເດືອ​ດຮ້ອນ​ແກ່​ສັງຄົມ, ສະ​ນັ້ນ ຈຶ່ງ​ຈະ​ຕ້ອງ​ໄດ້​ມີ​ມາດ​ຕະການ​ເດັດຂາດ​ຕໍ່ຜູ້​ລະ​ເມີດ​ຈູດ​ປ່າ​ດັ່ງກ່າວ.