ການ​ປັກ​ຫລັກ​ໝາຍ​ຂອບ​ເຂດ​ທາງ​ລົດ​ໄຟລາວ-ຈີນສໍາເລັດແລ້ວ 100%

- advert banner 728 90 728x90 - ການ​ປັກ​ຫລັກ​ໝາຍ​ຂອບ​ເຂດ​ທາງ​ລົດ​ໄຟລາວ-ຈີນສໍາເລັດແລ້ວ 100%

ທ່ານ ລັດຕະນະມະນີ ຄູນນີວົງ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ທັງເປັນຫົວໜ້າຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ ໃຫ້ຮູ້ວ່າ: ມາຮອດປັດຈຸບັນ, ​ວຽກງານ​ປັກ​ຫລັກ​ໝາຍ​ຂອບ​ເຂດ​ແລວທາງລົດໄຟແຕ່ນະ ຄອນຫລວງວຽງຈັນ-ແຂວງຫລວງວນໍ້າທາທີ່ມີຄວາມຍາວ​ທັງໝົດ 409 ກິ​ໂລ​ແມັດແມ່ນສໍາເລັດແລ້ວ 100%. ສໍາລັບການ​ເຈາະ​ອຸໂມງໄດ້ກວ່າ 55 ແຫ່ງລວມມີຄວາມຍາວກວ່າ 48 ກິໂລແມັດ, ​​ກໍ່ສ້າງ​ຂົວ 66 ​ແຫ່ງ, ສ້າງ​ເສົາ​ຂົວ​ສຳ​ເລັດ 285 ​ເສົາ, ​ເຈາະ​ເສົາເຂັມ​ຂົວ​ສໍາເລັດ 4.410 ​ເຂັມລວມຄວາມ​ຍາວກວ່າ 119 ກິໂລ​. ສ່ວນວຽກອື່ນໆ ເຊັ່ນ: ການກໍ່ສ້າງ​ເສັ້ນທາງ​​ເຂົ້າຫາ​ສະຖານທີ່ກໍ່ສ້າງ,​ ຕິດຕັ້ງສາຍ​ສົ່ງ​ໄຟຟ້າ, ໝໍ້​ແປງ​ໄຟ, ກໍ່ສ້າງ​ລະບົບ​ນ້ຳປະປາເຫັນວ່າມີຄວາມຄືບໜ້າຕາມແຜນການວາງໄວ້ ແລະ ຂະນະດຽວກັນກໍພົບບາງບັນຫາຫຍຸ້ງຍາກຈໍານວນໜຶ່ງຄື: ​ສະພາບ​ດິນ​ຕາມ​ແລວ​ທາງບາງຈຸດ​ເປັນ​ດິນ​ອ່ອນ ​ແລະ ອົມນໍ້າ ​ເຮັດ​ໃຫ້ການ​ເຈາະ​ອຸໂມງ​ມີ​ຄວາມ​ລຳບາກ ແລະ ໃຊ້​ເວລາ​ດົນ ແລະ ການ​ສະໜອງ​ພະລັງງານ​ໄຟຟ້າໃນ​ບາງ​ຈຸດ​ກໍ່ສ້າງບໍ່​ພຽງພໍ ແລະ ໂດຍລວມເຫັນວ່າການກໍ່ສ້າງໂຄງການດັ່ງກ່າວມີຄວາມຄືບໜ້າປະມານ 26%.

- lattana 1 - ການ​ປັກ​ຫລັກ​ໝາຍ​ຂອບ​ເຂດ​ທາງ​ລົດ​ໄຟລາວ-ຈີນສໍາເລັດແລ້ວ 100%

ທ່ານຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ໃຫ້ຮູ້ຕື່ມວ່າ: ສໍາລັບວຽກງານ​ແກ້​ໄຂ​ສິ່ງ​ກີດຂວາງຕ່າງໆ, ມາຮອດປັດຈຸບັນ ສາມາດ​ມອບ​ພື້ນທີ່​ໃຫ້​ການ​ກໍ່ສ້າງ​ໄດ້​ຫລາຍກວ່າ 87% ແລະ ຄ່າ​ຊົດ​ເຊີຍ​ໃຫ້​ຜູ້​​ຖືກ​ກະທົບ​ແມ່ນ​ຈະ​ຊຳລະ​ໃຫ້ພາຍຫລັງ, ເຊິ່ງມີປະມານ 2.515 ຕື້ກວ່າກີບ. ປັດຈຸບັນມີ​ງົບປະມານແລ້ວ 635 ຕື້ກີບ ແລະ ຍັງ​ບໍ່ພໍ 1.880 ກວ່າຕື້ກີບ. ສ່ວນການອະນຸມັດ​ນຳ​ເຂົ້າອຸປະກອນ, ພາຫະນະ ​ແລະ ​ກົນ​ຈັກ ໃຫ້ໂຄງການໄດ້ 7.096 ຊຸດ, ​ໃນ​ນັ້ນ​ພາຫະນະ ແລະ ​ກົນ​ຈັກມີ 1.500 ຄັນ, ສ່ວນ​ການອະນຸມັດ​ນຳ​ເຂົ້າ​ແຮງ​ງານ​ໃນ​ປີ 2017 ມີທັງ​ໝົດ 17.750 ຄົນ ແລະ ​ປີ 2018 ແມ່ນປະມານ 11.550 ຄົນ.

ຂໍ້ມູນດັ່ງກ່າວ, ໄດ້ລາຍງານໃນກອງປະຊຸມປືກສາຫາລືກ່ຽວກັບຄວາມຄືບໜ້າຂອງໂຄງການດັ່ງກ່າວເມື່ອບໍ່ດົນມານີ້ຢູ່ນະຄອນຫລວງວຽງຈັນ.