ເຊີດຊູ​ກຽ​ດ​ແຄນ​ລາວ

ເຊີດຊູ​ກຽ​ດ​ແຄນ​ລາວ - advert banner 728 90 728x90 - ເຊີດຊູ​ກຽ​ດ​ແຄນ​ລາວ

ເຊີດຊູ​ກຽ​ດ​ແຄນ​ລາວ - DSC 7800 - ເຊີດຊູ​ກຽ​ດ​ແຄນ​ລາວ

ເຊີດຊູ​ກຽ​ດ​ແຄນ​ລາວ - lattana 1 - ເຊີດຊູ​ກຽ​ດ​ແຄນ​ລາວ

ວານ​ນີ້, ມວນ​ຊົນ​ຊາວນະຄອນຫລວງວຽງຈັນ ແລະ ບັນດາ​ການນຳພັກ-ລັດ,ອົງການຈັດຕັ້ງສາກົນ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ໄດ້ຈັດພິທີແຫ່ແຄນເຊີດຊູກຽດຕໍ່ບັນພະບູລຸດລາວຢູ່ສະຖານຮູບປັ້ນເຈົ້າຟ້າງຸ່ມ, ອານຸສາວະລີນັກຮົມນີລະນາມ ແລະ ຮູບປັ້ນຂອງທ່ານປະທານ ໄກສອນພົມວິຫານ ທີ່​ຫໍພິພິຕະພັນ​ຂອງ​ເພິ່ນ​ຢູ່​ຫລັກ 6 ​ນະຄອນຫລວງ​ວຽງຈັນ, ພ້ອມ​ທັງ​ຈັດພິທີສະເຫລີມສະຫລອງ​ໃຫຍ່ທີ່ຫໍວັດທະນະທຳແຫ່ງຊາດ​ໃນ​ວັນ​ທີ 11​ເມສາ​ນີ້, ພາຍຫລັງ​ແຄນລາວໄດ້ຖືກຮັບຮອງ​ໃຫ້ເປັນມໍລະດົກໂລກ ຈາກອົງການອຸຍແນັສໂກ ເມື່ອເດືອນທັນວາປີຜ່ານມາ, ​ເຮັດ​ໃຫ້​ແຄນ​ລາວດັງ​ກ້ອງ​ກັງວານໄປ​ທົ່ວ​ໂລກາ.

ຂະ​ບວນ​ແຫ່​ແຄນ​​ແມ່ນ​​ເລີ່​ມຈາກຫໍ​ວັດ​ທະນະທຳ​ແຫ່ງ​ຊາດ​​ໄປ​ຍັງ​ບ່ອນ​ປະດິດສະຖານຮູບປັ້ນ​ເຈົ້າ​ຟ້າງຸ່ມ​ ແລ້ວມຸ້ງ​ຫນ້າ​ໄປ​​ອານຸສາ​ວະລີ​ນັກ​ຮົມ​ນິລະນາມ, ສວນດາວ​ແດງ ​ແລະ ​ສືບ​ຕໍ່​ໄປຫໍພິພິ​ຕະພັນ​ປະທານ ​ໄກສອນ ​ພົມ​ວິຫານ ​ເພື່ອ​ຄອບ​ໄຂວ່ ຜູ້​ທີ່​ມີ​ຄຸນງາມຄວາມດີ​ຕໍ່​ປະ​ເທດ​ຊາດ, ​ເຊິ່ງນຳ​ຂະ​ບວນ​ໂດຍ​ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດ​ຖະມົນຕີ, ທ່ານ ບໍ່​ແສງ​ຄຳ ​ວົງ​ດາລາ ລັດຖະມົນຕີ​ກະຊວງ​ຖະ​ແຫລງຂ່າວ, ​ວັດທະນະທຳ​ ແລະ ​ທ່ອງ​ທ່ຽວ.

ຄະນະຮັບ​ຜິດ​ຊອບ​ພິທີ ກ່າວ​ວ່າ: ມື້​ນີ້​, ປວງ​ຊົນ​ລາວ​ທັງ​ຊາດ​ໄດ້​ມາເຕົ້າ​ໂຮມ​ກັນ​​ເພື່ອ​ທຳ​ພິທີ​ສັກກາລະ​ບູຊາ ​ແລະ ​ສະ​ແດງ​ຄວາມ​ຮູ້​ບຸນຄຸນ​ຕໍ່​ວິລະ​ບູລຸດ​ໃນ​ການ​ຕໍ່ສູ້​ປົດ​ປ່ອຍ​ຊາດ, ​ເພື່ອສະ​ແດງ​ຄວາມ​ພາກພູມ​ໃຈ ​ແລະ ປິ​ຕິ​ຊົມ​ຊື່ນຢ່າງ​ເອກອ້າງ​ທະ​ນົງ​ໃຈ ທີ່​ໄດ້​ເຮັດ​ສຳ​ເລັດ​ພາລະກິດ​ອັນ​ສູງ​ສົ່ງຂອງ​ປະ​ເທດ​ຊາດ, ​ເຊິ່ງມາ​ບັດ​ນີ້, ສຽງ​ແຄນ​ລາວ, ມໍ​ລະ​ດົກວັດທະນະທຳ​ອັນ​ລໍ້າ​ຄ່າ​ຂອງ​ຄົນ​​ລາວ​​ໄດ້​ຮັບ​ການ​ຮັບຮອງ​ເປັນ​ມໍລະດົກ​ໂລກທາງ​ດ້ານວັ​ດທະນະ​ທຳຈາກ​ອົງການ​ອຸຍ​ແນັສ​ໂກ ​ເມື່ອ​ວັນ​ທີ 7​ ທັນວາ 2017 ​ທີ່​ຜ່ານ​ມາ, ​ເລີກ​ງາມ​ຍາມ​ດີ​ໃນ​ສະຖານ​ທີ່​ສັກສິດ​ແຫ່ງນີ້, ພວກ​ເຮົາຂໍ​ປະຕິຍານຕົນ​ຕໍ່​ທ່ານ​ປະທານ ​ໄກສອນ ​ພົມ​ວິຫານ ​ວ່າ: “​ຈະ​ສືບ​ທ​ອດປົກ​ປັກ​ຮັກ ​ແລະ ​ສົ່ງ​ເສີມ​ສຽງ​ແຄນ​ລາວ​ສຽງ​ແຄນ​ມໍລະດົກ​ໂລກ​ໃຫ້​ດັງ​ກ້ອງກັງວານ ກ່ອມ​ຈິດ​ໃຈ​ຂອງ​ຄົນ​ລາວ​ທົ່ວ​ທຸກ​ມຸມ​ໂລກ​ໃຫ້​ສາມັກ​ຄີປອງ​ດອງ​ກັນ​​ເຮັດ​ສຳ​ເລັດ​ພາລະກິດ​ປົກ​ປັກ​ຮັກສາ​ ແລະ ​ສ້າງສາ​ພັດທະນາ​ປະ​ເທດ​ຊາດ​ໃຫ້​ມີ​ຄວາມ​ຈະ​ເລີ​ນຮຸ່ງ​ເຮືອງ​ຕະຫລອດ​ໄປ.

​​ໃນ​ຕອນ​ຄ່ຳ​ຂອງ​ວັນ​ດຽວ​ກັນ, ກໍ​ໄດ້​ມີ​ພີ​ທີ​ສະເຫລີມມສະຫລອງ​​ໃຫຍ່​ຢູ່​ທີ່​ຫໍ​ວັດທະນະທຳ​​ແຫ່ງ​ຊາດ, ​ເຊິ່ງມີ​ການສະ​ແດງ​ສິນລະປະ​ວັນນະຄະດີ​ດ້ານ​ສຽງ​ແຄນ, ​ໂດຍມີ​ການ​ນຳ​ຂັ້ນ​ສູງ​, ອົງການ​ຈັດ​ຕັ້ງ​ສາກົນ​ ແລະ ​ມວນ​ຊົນເຂົ້າ​ຮ່ວມຢ່າງ​ມະ​ໂຫລານ. ນີ້​ເປັນ​ການ​ສະຫລອງ​ຜົນສຳ​ເລັດ​ດ້ານ​ສຽງ​ແຄນ​ລາວ​ໃຫ້​ປະຊາຊົນ​ລາວ​ ແລະ ​ຊາວ​ໂລກ​ຮັບ​ຮູ້​ວ່າ: ສຽງ​ແຄນ​ລາວ​ເປົ່າ​ດັງ​ທົ່ວ​ໂລກ​ແລ້ວ.