ສປຊ ຍັງບໍ່ມີທາງອອກເລື່ອງຊີຣີ

ສປຊ ຍັງບໍ່ມີທາງອອກເລື່ອງຊີຣີ - advert banner 728 90 728x90 - ສປຊ ຍັງບໍ່ມີທາງອອກເລື່ອງຊີຣີ

ສະຫະ​ປະຊາ​ຊາດ​ຍັງ​ບໍ່​ມີ​ຂໍ້​ສະຫລຸບ​ເລື່ອງ​ຊີຣີ ຫລັງ​ເກີດ​ເຫດການ​ໂຈມ​ຕີ​ດ້ວຍ​ອາວຸດ​ເຄມີ. ຂະນະ​ທີ່​ອາ​ເມ​ລິ​ກາ ​ແລະ ພັນທະ​ມິດ​ກຳລັງ​ພິຈາລະນາ​ເລື່ອງ​ການ​ໃຊ້​ກຳລັງ​ຕອບ​ໂຕ້​ຜູ້​ທີ່ຢູ່​ເບື້ອງຫລັງ.

ສປຊ ຍັງບໍ່ມີທາງອອກເລື່ອງຊີຣີ - lattana 1 - ສປຊ ຍັງບໍ່ມີທາງອອກເລື່ອງຊີຣີ

ກອງ​ປະຊຸມ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ຫລື UNSC ຍັງ​ບໍ່​ສາມາດ​ຫາ​ທາງ​ອອກ​ບັນຫາ​ໃນ​ຊີຣີ​ໄດ້, ພາຍຫລັງຣັດ​ເຊຍ​​ໃຊ້​ສິດ​ຢັບຢັ້ງຮ່າງ​ຂໍ້​ສະ​ເໜີ​ຂອງ​ອາ​ເມ​ລິ​ກາ ທີ່​ຕ້ອງການ​ໃຫ້​ແຕ່ງຕັ້ງ​ເຈົ້າໜ້າ​ທີ່​ຊຸດ​ໃໝ່​ເຂົ້າ​ໄປ​ກວດ​ສອບ ​ເລື່ອງ​ການ​ໃຊ້​ອາວຸດ​ເຄມີ​ໂຈມ​ຕີ​ໃນ​ເມືອງ​ດູ​ມາ​ຂອງ​ຊີຣີ​ໃນ​ອາທິດ​ຜ່ານ​ມາ ​ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 60 ຄົນ ​ແລະ ບາດ​ເຈັບ​ອີກ​ນັບ​ພັນ​ຄົນ ຕາມ​ຂໍ້​ກຳນົດ​ລະບຸ​ໄວ້​ວ່າ: ຂໍ້​ສະ​ເໜີ​ຈະ​ຜ່ານ​ຄວາມ​ເຫັນ​ພ້ອມ​ຂອງ​ກອງ​ປະຊຸມ​ໄດ້​ຈະ​ຕ້ອງ​ໄດ້​ຮັບ​ສຽງ​ສະໜັບສະໜູນ​ຢ່າງ​ໜ້ອຍ 9 ສຽງ ​ແລະ ຕ້ອງບໍ່​ມີ​ສະມາຊິກ​ຖາວອນ​ປະ​ເທດ​ໃດ​ຢັບຢັ້ງ.

ຂະນະ​ທີ່​ຮ່າງ​ຂໍ້​ສະ​ເໜີ​ຂອງຣັດ​ເຊຍ​ກໍ​ບໍ່​ຜ່ານ​ຄວາມ​ເຫັນ​ພ້ອມ​ຈາກ​ກອງ​ປະຊຸມ​ເຊັ່ນ​ກັນ. ອີກ​ດ້ານ​ໜຶ່ງ ອາ​ເມ​ລິ​ກາ ​ແລະ ປະ​ເທດ​ພັນທະ​ມິດ​ຕາ​ເວັນ​ຕົກ​ກຳລັງ​ພິຈາລະນາ​ເລື່ອງ​ການ​ໃຊ້​ກຳລັງ​ຕອບ​ໂຕ້​ຜູ້​ທີ່ຢູ່​ເບື້ອງຫລັງ​ການ​ໃຊ້​ອາວຸດ​ເຄມີ​ໂຈມ​ຕີ.

ປະທານາທິບໍດີ ​ເອັມມາ​ນູ​ເອລ ມາຄຣົງ ຂອງຝຣັ່ງ ຈະ​ຕັດສິນ​ໃຈ​ເລື່ອງ​ດັ່ງກ່າວ​ໃນ​ໄວໆ​ນີ້ ​ໂດຍ​ຈະ​ລໍ​ຫາລື​ກັບ​ອາ​ເມ​ລິ​ກາ ​ແລະ ອັງກິດ​ກ່ອນ. ຂະນະ​ທີ່​ທ່ານ ​ໂມ​ຮຳ​ເໝັດ ບິນ ຊັລມານ ​ແຫ່ງ​ອາຣັບບີ ຊາ​ອຸ​ດິດ ກ່າວ​ວ່າ: ອາຣັບບີ ຊາ​ອຸ​ດິດ ອາດ​ເຂົ້າຮ່ວມ​ໃນ​ປະຕິບັດ​ການ​ທາງ​ທະຫານ​ນຳ, ສ່ວນ​ທາງ​ການ​ອາ​ເມ​ລິ​ກາ ​ເປີດ​ເຜີຍ​ວ່າ: ກຳລັງ​ປະສານ​ກັບປະ​ເທດ​ພັນທະ​ມິດ ​ເລື່ອງ​ການ​ໃຊ້​ກຳລັງ​ຕອບ​ໂຕ້​​ໃນ​ຊີຣີ ​ແຕ່​ຕ້ອງ​ລໍຖ້າ​ການ​ຢືນຢັນ​ກ່ອນ​ວ່າ​ໃຜ​ຢູ່​ເບື້ອງຫລັງ​ການ​ໃຊ້​ອາວຸດ​ເຄມີ.