ລົດແກ້ວ ຍາດໄດ້ຫລຽນຄໍາສິງກະໂປໂອເພັນ 2018

- advert banner 728 90 728x90 - ລົດແກ້ວ ຍາດໄດ້ຫລຽນຄໍາສິງກະໂປໂອເພັນ 2018

- 30688352 756875207856388 2434868302141456384 n - ລົດແກ້ວ ຍາດໄດ້ຫລຽນຄໍາສິງກະໂປໂອເພັນ 2018

- lattana 1 - ລົດແກ້ວ ຍາດໄດ້ຫລຽນຄໍາສິງກະໂປໂອເພັນ 2018

ສະຫະພັນແລ່ນ-ລານ ແຫ່ງຊາດລາວໄດ້ສົ່ງນັກກິລາແລ່ນ-ລານ ທີມຊາດລາວ 5 ຄົນເຂົ້າຮ່ວມລາຍການ ສິງກະໂປໂອເພັນ ຕັ້ງທີ 80 ທີ່ປະເທດສິງກະໂປ ຈັດຂຶ້ນລະຫວ່າງວັນທີ 11-12 ເມສານີ້ ໂດຍເຂົ້າຮ່ວມຊີງໄຊ 9 ລາຍການ ຂະນະທີ່ລົງສະໜາມແຂ່ງຂັນຄັ້ງທໍາອິດ ນັກກິລາທີມຊາດລາວສາມາດຍາດໄດ້ 1 ຫລຽນຄໍາ ຈາກນາງ ລົດແກ້ວ ອິນທະກຸມມານ.

ນາງລົດແກ້ວ ອິນທະກຸມມານ ເຂົ້າຮ່ວມ 2 ລາຍການຄື: ລາຍການ 800 ແມັດ ແລະ 1500 ແມັດຜ່ານການລົງສະໜາມແຂ່ງຂັນຄັ້ງທໍາອິດໃນລາຍການ 800 ແມັດ ສາມາດຍາດໄດ້ຫລຽນຄໍາດ້ວຍເວລາ 2 ນາທີ 18.92 ວິນາທີ ເອົາຊະນະອັນດັບທີ 2 ອິສຊາເບວລ້າ ເກີຊີ້(Isabella Ghersi) ນັກແລ່ນຊາວອີຕາລີ ຈາກທິມສະວິຟ(SWIFT) ພຽງ 7 ລິບດາ, ທີ 3 ເຢອ໋ອງເຢ້(Aye Aung Aye) ຈາກມຽນມາ 2 ນາທີ 19.30 ວິນາທີ, ລາຍການດັ່ງກ່າວ ມິນັກກິລາລົງແຂ່ງ 8 ຄົນ.

ນາງ ລົດແກ້ວ ກາຍເປັນຄົນລາວຄົນທໍາອິດທີ່ສາມາດຄວ້າຫລຽນຄໍາ ແລ່ນ 800 ແມັດຍິງ ລາຍການນີ້ ແລະ ເປັນຄົນລາວຄົນທີ 2 ທີ່ໄດ້ຫລຽນຄຳລາຍການນີ້ ຕໍ່ຈາກ ນາງ ມັດ ຖິ່ນມະນາວ ປະເພດຊັດຫລາວ ປີ 2014.

ສໍາລັບນັກກິລາອີກ 4 ຄົນປະກອບມີ ທ້າວ ອານຸສອນ ໄຊສາ ລົງແຂ່ງລາຍການ ແລ່ນຂ້າມຮົ້ວ 110 ແມັດ ແລະ ປະເພດທີມແລ່ນສົ່ງຕໍ່ໄມ້ 4×100 ແມັດ, ທ້າວ ອັກສອນສາດ ລາດສະວົງ ແລ່ນ 100 ແມັດ, 200 ແມັດ ແລະ ທິີມແລ່ນສົ່ງຕໍ່ໄມ້ 4×100 ແມັດ, ທ້າວ ສີພາສຸກ ບົວວິໄລທອງ ແລ່ນ 100 ແມັດ, 200 ແມັດ ແລະ ທີມແລ່ນສົ່ງຕໍ່ໄມ້ 4×100 ແມັດ, ທ້າວ ສົມສະຫນຸກ ບົວວິໄລທອງ ແລ່ນຂ້າມຮົ້ວ 400 ແມັດ ແລະ ທີມຊາຍແລ່ນສົ່ງຕໍ່ໄມ້ 4×100 ແມັດ.

ລາຍການສິງກະໂປ ໂອເພັນ 2018 ມີນັກກິລາເຂົ້າຮ່ວມຫລາຍພັນຄົນ, ຈາກຫລາຍປະເທດໃນທົ່ວໂລກ ຊີງ 32 ລາຍການ, ຍິງ 16 ລາຍການ, ຊາຍ 16 ລາຍການ.