ADB ຄາດເສດຖະກິດກຳປູເຈຍປີນີ້ຈະເຕີບໃຫຍ່ 7%

adb ຄາດເສດຖະກິດກຳປູເຈຍປີນີ້ຈະເຕີບໃຫຍ່ 7% - advert banner 728 90 728x90 - ADB ຄາດເສດຖະກິດກຳປູເຈຍປີນີ້ຈະເຕີບໃຫຍ່ 7%

ທະນາຄານ​ພັດທະນາ​ອາຊີ (ADB) ຄາດ​ຄະ​ເນ​ວ່າ: ​ເສດຖະກິດ​ກຳປູ​ເຈຍ​ຈະ​ຂະຫຍາຍຕົວ 7% ​ໃນ​ປີ​ນີ້ ​ແລະ ປີໜ້າ, ​ເຖິງ​ວ່າ​ອາດ​ມີ​ຄວາມ​ບໍ່​ແນ່ນອນ​ຈາກ​ການ​ເລືອກ​ຕັ້ງທົ່ວ​ໄປ​ໃນ​ປີໜ້າ.

adb ຄາດເສດຖະກິດກຳປູເຈຍປີນີ້ຈະເຕີບໃຫຍ່ 7% - lattana 1 - ADB ຄາດເສດຖະກິດກຳປູເຈຍປີນີ້ຈະເຕີບໃຫຍ່ 7%

ນັກ​ເສດຖະສາດ​ອາວຸ​ໂສ​ຂອງ ADB ປະຈຳ​ກຳປູ​ເຈຍ ຖະ​ແຫລ​ງຂ່າວ​ໃນ​ວັນ​ທີ 11 ​ເມສາ ​ເຖິງ​ເສດຖະກິດ​ກຳປູ​ເຈຍ​ປີ​ກ່ອນ​ວ່າ: ອາດ​ຈະ​ຂະຫຍາຍຕົວ 7% ​ເພາະ​ຍອດ​ສົ່ງ​ອອກ​ສິນຄ້າ​ຂະຫຍາຍຕົວ 9,3%, ນັກ​ທ່ອງ​ທ່ຽວ​ເພີ່ມ​ຂຶ້ນ 11,8% ​ສ່ວນ​ຫລາຍ​ເປັນ​ຊາວ​ຈີນ ​ແລະ ຍອດ​ການ​ລົງທຶນ​ໂດຍ​ກົງ​ຈາກ​ຕ່າງປະ​ເທດ​ເພີ່ມ​ຂຶ້ນ 21,5% ​ເປັນ 2.700 ລ້ານ​ໂດ​ລາ​ສະຫະລັດ. ຂະນະ​ທີ່​ຂະ​ແໜງ​ກໍ່ສ້າງຂະຫຍາຍຕົວ​ພໍ​ສົມຄວນ ມີ​ການ​ນຳ​ເຂົ້າວັດ​ສະ​ດຸ​ກໍ່ສ້າງ​ເພີ່ມ​ຂຶ້ນ 36% ​ແລະ ມີ​ໂຄງການ​ກໍ່ສ້າງ​ທີ່​ໄດ້​ຮັບ​ອະນຸມັດ​ເພີ່ມ​ຂຶ້ນ 27%.

ຂະນະ​ດຽວ​ກັນ ADB ບໍ່​ຄິດ​ວ່າ: ການ​ເລືອກ​ຕັ້ງທົ່ວ​ໄປ​ວັນ​ທີ 29 ກໍລະກົດ​ປີໜ້າ ຈະ​ມີ​ຜົນ​ກະທົບ​ສູງ ຫລື ກໍ່​ໃຫ້​ເກີດ​ຄວາມ​ບໍ່​ແນ່ນອນ. ຂະນະ​ທີ່​ຂະ​ແໜງທະນາຄານ​ເຫັນ​ກະ​ແສ​ເງິນ​ຝາກ​ເຕີບ​ໃຫຍ່​ຂຶ້ນ ສະທ້ອນ​ວ່າ​ປະຊາຊົນ​ມີ​ຄວາມ​ເຊື່ອ​ໝັ້ນ. ດັ່ງນັ້ນ ADB ຈຶ່ງ​ຄາດ​ຄະ​ເນ​ວ່າ: ​ເສດຖະກິດ​ກຳປູ​ເຈຍ​ຈະ​ສາມາດ​ຮັກສາ​ການ​ເຕີບ​ໃຫຍ່​ໃນ​ອັດຕາ 7% ​ໃນ​ປີ​ນີ້ ​ແລະ ປີໜ້າ​ໄດ້​ຕໍ່​ໄປ. ນອກຈາກ​ນີ້ ຍັງ​ບໍ່​ເຫັນ​ວ່າ: ສະຫະພາບ​ເອີຣົບ (EU) ຈະ​ຕັດ​ສິດ​ພິ​ເສດ​ທາງ​ການ​ຄ້າ​ທີ່​ໃຫ້​ແກ່​ກຳ​ປູ​ເຈຍ ​ເຖິງ​ວ່າ​ເຄີຍ​ຂູ່​ໄວ້​ພາຍຫລັງ​ສານ​ກຳປູ​ເຈຍ​ສັ່ງ​ຍຸບ​ພັກ​ກູ້​ຊາດ​ກຳປູ​ເຈຍ ​ເຊິ່ງ​ເປັນ​ຝ່າຍ​ຄ້ານ​ຕາມ​ລັດຖະບານ​ຍື່ນ​ຮ້ອງ​​ໃນ​ປີ​ກ່ອນ.