ທ່ານ​ນາຍົກລັດຖະມົນຕີເຄື່ອນໄຫວເຮັດວຽກຢູ່​ແຂວງ​ສະຫວັນ​ນະ​ເຂດ

ທ່ານ​ນາຍົກລັດຖະມົນຕີເຄື່ອນໄຫວເຮັດວຽກຢູ່​ແຂວງ​ສະຫວັນ​ນະ​ເຂດ - advert banner 728 90 728x90 - ທ່ານ​ນາຍົກລັດຖະມົນຕີເຄື່ອນໄຫວເຮັດວຽກຢູ່​ແຂວງ​ສະຫວັນ​ນະ​ເຂດ

​ໃນ​ວັນ​ທີ 9 ​ເມສານີ້, ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ໄດ້​ເຄື່ອນ​ໄຫວ​ ​ຊຸກຍູ້​ການ​ຜະລິດຢູ່​ແຂວງ​ສະຫວັນ​ນະ​ເຂດ, ​ໂດຍ​ການ​ຕ້ອນຮັບ​ຢ່າງ​ອົບ​ອຸ່ນຈາກ​ທ່ານ ​ເຈົ້າ​ແຂວງ​ສະຫວັນ​ນະ​ເຂດ, ພ້ອມ​ດ້ວຍຄະນະ​ນຳ​ຂອງ​ແຂວງ.

ທ່ານ​ນາຍົກລັດຖະມົນຕີເຄື່ອນໄຫວເຮັດວຽກຢູ່​ແຂວງ​ສະຫວັນ​ນະ​ເຂດ - lattana 1 - ທ່ານ​ນາຍົກລັດຖະມົນຕີເຄື່ອນໄຫວເຮັດວຽກຢູ່​ແຂວງ​ສະຫວັນ​ນະ​ເຂດ

ໃນໂອກາດນີ້, ທ່ານ​ນາຍົກລັດຖະມົນຕີ ​ໄດ້​ໃຫ້​ກຽດ​ພົບ​ປະ​ໂອ້​ລົມຕໍ່ການ​ນຳ​ຫລັກ​ແຫລ່ງຂອງ​ແຂວງ ແລະ ໄດ້​ຮັບ​ຟັງ​ການ​ລາຍ​ງານ​ຫຍໍ້ກ່ຽວ​ກັບ​ສະພາບ​ການ​ພັດທະນາ​ເສດຖະກິດ-ສັງຄົມຂອງ​ແຂວງສະຫວັນນະເຂດຈາກ​ທ່ານເຈົ້າແຂວງ, ໂດຍ​ເຫັນ​ວ່າທົ່ວແຂວງສືບຕໍ່ມີຄວາມສະຫງົບທາງດ້ານການເມືອງ, ສັງຄົມມີຄວາມປອດໄພໂດຍພື້ນຖານ, ​​ປະກົດ​ການ​ຫຍໍ້​ທໍ້ຕ່າງໆ​ໄດ້ຮັບການແກ້ໄຂ ແລະ ດີຂຶ້ນກວ່າເກົ່າ, ເສດຖະກິດຂະຫຍາຍຕົວສະເລ່ຍ​​ 9,52%, ສະ​ເລ່ຍລາຍຮັບຕໍ່​ຫົວ​ຄົນບັນລຸ​ໄດ້ 1.952 ​ໂດ​ລາ​ສະຫະລັດຕໍ່ປີ. ​ຈາກ​ນັ້ນ, ທ່ານນາຍົກລັດຖະມົນຕີ ໄດ້ໃຫ້ກຽດໂອ້ລົມ, ເຊິ່ງທ່ານໄດ້​ກ່າວ​ຍ້ອງຍໍ​ຊົມ​ເຊີຍ ​ແລະ ຕີ​ລາຄາ​ສູງຕໍ່​ຜົນ​ສໍາ​ເລັດທີ່​ອຳນາດ​ການ​ປົກຄອງ ​ແລະ ປະຊາຊົນຊາວ​ແຂວງ​ສະຫວັນ​ນະ​ເຂດ​ຍາດ​ມາ​ໄດ້​ໃນ​ໄລຍະ​​ຜ່ານ​ມາ, ພ້ອມ​ທັງຍົກໃຫ້ເຫັນສະພາບການພັດທະນາທີ່ພົ້ນເດັ່ນ ແລະ ສິ່ງທ້າທາຍຕ່າງໆ ທີ່ປະເທດເຮົາກຳລັງປະເຊີນ ແລະ ທ່າແຮງໃນການພັດທະນາຂອງແຂວງສະຫວັນນະເຂດ, ເພື່ອເປັນທິດທາງໃຫ້ແກ່ການພັດທະນາເສດຖະກິດ-ສັງຄົມຂອງແຂວງ ໄດ້ຮັບການພັດທະນາຢ່າງຮອບດ້ານໃນຕໍ່ໜ້າ. ທ່ານນາຍົກລັດຖະມົນຕີຍັງໄດ້ເນັ້ນ​ໃຫ້ການ​ນຳ​ຫລັກ​ແຫລ່ງ ​ແລະ ພາກສ່ວນ​ກ່ຽວຂ້ອງ​ເອົາ​ໃຈ​ໃສ່​ຕື່ມຕໍ່ການເບີກຈ່າຍເງິນເດືອນແກ່ພະນັກງານ-ລັດຖະ ກອນ ໃຫ້ໄດ້ທັນກຳນົດເວລາຢ່າງເປັນປົກກະຕິ, ໂດຍໃຫ້ຖືເປັນໜ້າທີ່ການເມືອງ ແລະ ຄວາມຮັບຜິດຊອບຂອງພາກສ່ວນ ແລະ ຂະແໜງການກ່ຽວຂ້ອງທຸກຂັ້ນ, ລົງເລິກຄຸ້ມຄອງລາຄາສິນຄ້າດ້ວຍຄວາມເປັນເຈົ້າການ, ແທດເຖິງຕົວຈິງ ແລະ ກາຍເປັນແບບຢ່າງໃຫ້ແກ່ທ້ອງຖີ່ນອື່ນ, ໂດຍຈຳກັດການນຳເຂົ້າສິນຄ້າທີ່ສາມາດຜະລິດໄດ້ຈາກພາຍໃນ, ສົ່ງເສີມການສ້າງມູນຄ່າເພີ່ມໃຫ້ແກ່ຜະລິດຕະພັນພາຍໃນ, ໂດຍສະເພາະແມ່ນຜົນຜະລິດຂອງປະຊາຊົນ, ເຮັດໃຫ້ລາຄາສິນຄ້າເປັນໄປຕາມການກຳນົດໃນແຕ່ລະໄລຍະຢ່າງເຂັ້ມງວດ, ເຮັດແນວໃດໃຫ້ວຽກງານນີ້ມີການຫັນປ່ຽນຢ່າງຈະແຈ້ງ ແລະ ເອົາໃຈໃສ່ຕໍ່ການຄຸ້ມຄອງການລົງທຶນຂອງລັດຢ່າງມີຈຸດສຸມ, ມີການເລືອກເຟັ້ນ, ຄິດໄລ່ລາຄາສົມເຫດສົມຜົນບົນຈິດໃຈປະຢັດມັດທະຍັດ, ມີຄຸນນະພາບ, ໄດ້ມາດຕະຖານ, ນຳໃຊ້ໄດ້ຍາວນານ ແລະ ເກີດມີປະສິດທິຜົນຕໍ່ປະເທດຊາດ ແລະ ປະຊາຊົນຢ່າງແທ້ຈິງ. ພ້ອມກັນນັ້ນ, ກໍອຳນວຍຄວາມສະດວກ ແລະ ຍາດແຍ່ງເອົາການລົງທຶນໃຫ້ຫລາຍຂຶ້ນເລື້ອຍໆ, ສືບຕໍ່ເຂັ້ມງວດ, ເດັດຂາດ ແລະ ມີຄວາມສະເໝີພາບໃນສັງຄົມຕໍ່ການປະຕິບັດລະບຽບກົດໝາຍ ແລະ ນະໂຍບາຍຕ່າງໆ ເປັນຕົ້ນ ຄຳສັ່ງເລກທີ 15/ນຍ, ການນຳເຂົ້າສິນຄ້າ ແລະ ນໍ້າມັນເຊື້ອໄຟ, ການແກ້ໄຂບັນຫາການນຳເຂົ້າລົດບໍ່ຖືກຕ້ອງ, ການແກ້ໄຂບັນຫາຢາເສບຕິດ, ການເສຍພັນທະພາສີອາກອນ ແລະ ອື່ນໆ, ໃນນັ້ນວຽກໃດມີເງື່ອນໄຂສາມາດຫັນໄປສູ່ທັນສະໄໝ ແລະ ມີຄວາມໂປ່ງໃສໄດ້ ແມ່ນໃຫ້ຮີບຮ້ອນຈັດຕັ້ງປະຕິບັດ (ບໍ່ແກ່ຍາວເວລາ) ໂດຍສະເພາະ ວຽກງານການເກັບລາຍຮັບເຂົ້າງົບປະມານຕ້ອງໄດ້ເອົາໃຈໃສ່​ ແລະ ການຄຸ້ມຄອງທີ່ດິນ ແລະ ຊັບສິນຂອງລັດບໍ່ໃຫ້ຕົກເຮ່ຍເສຍຫາຍ, ພ້ອມທັງເກັບກູ້ໃນສ່ວນທີ່ຕົກເຮ່ຍໄປກັບຄືນມາໃຫ້ລັດຢ່າງຖືກຕ້ອງ, ຄົບຖ້ວນ, ​ໂປ່​ງ​​ໄສ ​ແລະ ທ່ວງທັນກຳນົດ​ເວລາ.

ການ​ເຄື່ອນ​ໄຫວ​ຢ້ຽມຢາມ ແລະ ເຮັດວຽກຢູ່​ແຂວງ​ສະຫວັນ​ນະ​ເຂດ​ໃນ​ຄັ້ງ​ນີ້, ຄະນະ​ຂອງທ່ານ​ນາຍົກລັດຖະມົນຕີ ຍັງ​ໄດ້​ໄປ​ຢ້ຽມຢາມ​ຟາ​ມລ້ຽງ​ໝູວັນ​ທະວີ​ໄຊຢູ່​ບ້ານ​ຫລັກ 35 ​ເມືອງ​ຈຳ​ພອນ, ​ໄປພົບ​ປະ​ໂອ້​ລົມ​ປະຊາຊົນບ້ານ​ທ່າ​ຂາມ​ລຽນ ​ແລະ  ຢ້ຽມຢາມ​ກຸ່ມ​ຜະລິດ​ຫັດຖະກຳ​ຕໍ່າ​ແຜ່ນບ້ານ​ລະຫາ​ນ້ຳ​ເມືອງ​ສອງ​ຄອນຕື່ມ​ອີກ.