ພັດທະນາການຂອງລູກນ້ອຍ ເດືອນທີ 4

- advert banner 728 90 728x90 - ພັດທະນາການຂອງລູກນ້ອຍ ເດືອນທີ 4

ເດືອນທີ 4 ແມ່ຈະເຫັນໄດ້ວ່າ ລູກນ້ອຍມີພັດທະນາການຢ່າງວ່ອງໄວຈົນແມ່ອັ້ນທີ່ຈະຮູ້ສຶກພູມໃຈກັບໂຕເອງບໍ່ໄດ້ ທີ່ 3 ເດືອນຜ່ານມາອົດລັບອົດນອນ ແລະ ຖະຫນຸຖະຫນອມລູກນ້ອຍ. ມາເບິ່ງພັດທະນາການແຕ່ລະດ້ານຂອງລູກນ້ອຍເດືອນທີ 4

- lattana 1 - ພັດທະນາການຂອງລູກນ້ອຍ ເດືອນທີ 4
  1. ດ້ານສະຕິປັນຍາ ແລະ ການຮຽນຮູ້
  • ສະໝອງ ແລະ ການຮຽນຮູ້ຂອງລູກພັດທະນາໄປຫຼາຍ ຈາກທີ່ເຄີຍເບິ່ງບໍ່ເກີນ 7-8 ນິ້ວຕອນເກີດໃໝ່ ຕອນນີ້ສາມາດເບິ່ງໄປອອກນອກປ່ອງຢ້ຽມໄດ້ຢ່າງຊັດເຈນ
  • ສະໝອງ, ຕາ ແລະ ກ້າມຊີ້ນຄໍ​ເຮັດ​ວຽກປະສານກັນຫຼາຍຂຶ້ນ ຈຶ່ງເຮັດໃຫ້ລູກສາມາດກົ້ມເງີຍ, ເບິ່ງຊ້າຍ, ຂວາໄດ້ທົ່ວ
  • ຕາກັບມືປະສານກັນໄດ້ດີຂຶ້ນ ເຮັດໃຫ້ໃນເກືອບປາຍເດືອນທີ 4 ລູກສາມາດຢິບຈັບສິ່ງຂອງໄດ້ທັງສອງມື, ສາມາດຍ້າຍຂອງຈາກມືໜຶ່ງໄປຍັງອີກມືໜຶ່ງໄດ້
  • ເລີ່ມຮຽນຮູ້ວ່າຕົນເອງເປັນຄົນລະສ່ວນກັນສິ່ງແວດລ້ອມ ແລະ ສິ່ງຕ່າງໆ ທີ່ເຫັນເປັນຜົນຈາກການກະທໍາຂອງຕົນເຊັ່ນ ຫາກເຮັດສິ່ງຂອງຫຼຸດມື ລູກຈະເບິ່ງຕາມສິ່ງຂອງທີ່ຕົນ ແລະ ເບິ່ງທີ່ມືຕົນເອງ
  1. ດ້ານຮ່າງກາຍ ແລະ ການເຄື່ອນໄຫວ
  • ຕອນນີ້ລູກຄວບຄຸມກ້າມຊີ້ນຄໍໄດ້ດີຈົນສາມາດຍົກຫົວໄດ້ 90 ອົງສາ ແລະ ຫັນໜ້າໄປທິດຕ່າງໆໄດ້ ບໍ່ວ່າຈະນອນຂວ້ຳນອນຫງາຍ ລວມທັງສາມາດພິກຂວ້ຳພິກຫງາຍໄປມາໄດ້ແລ້ວ
  • ສາມາດຢືດແຄ້ງຂາໄດ້ຕາມອິດສະຫລະ
  • ເລີ່ມພັດທະນາກ້າມຊີ້ນລໍາໂຕ ເພື່ອກຽມພ້ອມສູ່ການນັ່ງໃນເດືອນຕໍ່ໆໄປແລ້ວ ການຈັບລູກນັ່ງເບາະ ຫຼື ອີງໂຕຂອງແມ່ດຸໆ ຈະຊ່ວຍພັດທະນາກ້າມຊີ້ນສ່ວນນີ້ໄດ້ດີ
  • ກ້າມຊີ້ມນິ້ວມື ແລະ ມືແຂງແຮງຂຶ້ນຫຼາຍ
  1. ດ້ານພາສາ ແລະ ການສື່ສານ
  • ລູກຈະສົ່ງສຽງຮືຮາໃນລໍາຄໍໄດ້ດົນ 10-20 ນາທີ, ມັກຫຼິ້ນນໍ້າລາຍ ແລະ ສົ່ງສຽງຄືກັບລົມຢູ່ຄົນດຽວ
  1. ດ້ານອາລົມ ແລະ ສັງຄົມ
  • ຈື່ໜ້າແມ່ ແລະ ຄົນຄຸ້ນເຄີຍໄດ້ຫຼາຍຂຶ້ນ ແລະ ມັກເບິ່ງໜ້າຄົນ ຫຼາຍກວ່າຮູບພາບ
  • ສາມາດແຍກຄວາມແຕກຕ່າງລະຫວ່າງຄົນກັບສິ່ງຂອງ, ຕົນເອງກັບສິ່ງແວດລ້ອມໄດ້ແດ່ແລ້ວ
  • ເລີ່ມຫຼິ້ນຂອງຫຼິ້ນສິ່ງໃດໜຶ່ງທີ່ເປັນຂອງທີ່ມັກ
  • ຍີ້ມ ແລະ ຫົວເມື່ອມີສິ່ງຖືກໃຈ ຫຼື ມີຄວາມສຸກ ແລະ ສະແຟດສຽງຮ້ອງດັງ ເພື່ອຮຽກຮ້ອງເມື່ອຖືກປະໃຫ້ຢູ່ຄົນດຽວດົນໆ ຫຼື ເມື່ອຮູ້ສຶກບໍ່ສະບາຍໂຕ
  • ສົນໃຈ ແລະ ຢາກມີຄວາມສໍາພັນກັບຄົນ ແລະ ສິ່ງອ້ອມໂຕຫຼາຍຂຶ້ນ ລວມທັງສົນໃຈເບິ່ງ ແລະ ຍີ້ມໃຫ້ກັບເງົາຂອງຕົນເອງໃນແວ່ນ

ເຫັນບໍ່ວ່າ ລູກໄວນີ້ປ່ຽນໄປຈາກຊ່ວງ 3 ເດືອນທີ່ຜ່ານມາຫຼາຍປານໃດ ແລະ ເດືອນຕໍ່ໄປ ແມ່ຕ້ອງກຽມຮັບມືກັບພັດທະນາການກ້າວໜ້າຂອງລູກ