ປະຊາຊົນ​ຢູ່​ຍາກ​ຍ້ອນກິ່ນ​ຂິວ​ຈາກ​ໂຮງງານ​ທີ່​ພູ​ຄູນ

- advert banner 728 90 728x90 - ປະຊາຊົນ​ຢູ່​ຍາກ​ຍ້ອນກິ່ນ​ຂິວ​ຈາກ​ໂຮງງານ​ທີ່​ພູ​ຄູນ

- Smoke - ປະຊາຊົນ​ຢູ່​ຍາກ​ຍ້ອນກິ່ນ​ຂິວ​ຈາກ​ໂຮງງານ​ທີ່​ພູ​ຄູນ

- lattana 1 - ປະຊາຊົນ​ຢູ່​ຍາກ​ຍ້ອນກິ່ນ​ຂິວ​ຈາກ​ໂຮງງານ​ທີ່​ພູ​ຄູນ

​​ປະຊາ​ຊົນ​ກຳລັງ​ວິພາກ​ວິຈານໜັກ​ຕໍ່ການ​ດຳ​ເນີນ​ທຸລະ​ກິດຂອງ​ຄົນ​ຈີນ​ຢູ່​ທາງ​ເລກ 7 ​ເມືອງ​ພູ​ຄູນ​​ແຂວງຫລວງ​ພະ​ບາງ, ​ເຮັດ​ໃຫ້​ມີ​ຄວັນ ​ແລະ ​ກິ່ນ​ຂິວ​ກະຈາຍ​ໄປ​ທົ່ວ​ບໍລະ​ເວນ​ໃກ້​ຄຽງ ​ສົ່ງ​ຜົນ​ໃຫ້​ປະຊາຊົນ​ຫາຍ​ໃຈ​ລຳບາກ, ຈຶ່ງ​ວອນ​ພາກ​ລັດ​ລົງ​ແກ້​ໄຂ​ບັນຫາ​ດ່ວນ.

ປະຊາຊົນຜູ້​ໄດ້​ຮັບ​ຜົນ​ກະທົບ​​ເລົ່າ​ສູ່​ນັກ​ຂ່າວ​ໜັງສືພິມ​ລາວ​ພັດ​ທະ​ນາ​ວ່າ:​ ໂຮງງານ​ດັ່ງກ່າວຕັ້ງ​ຢູ່​ໃກ້​ຊຸມ​ຊົນ ຫ່າງ​ຈາກ​ເທດສະບານ​ເມືອງ​ປະມານ 500 ​ແມັດ,​ດຳ​ເນີນ​ກິດຈະການ​ມາ​ໄດ້ 2-3 ​ປີ​ແລ້ວ, ​ແຕ່​ບໍ່​ເຫັນ​ຂຶ້ນ​ປ້າຍ​ທຸລະ​ກິດຫຍັງ, ໂດຍມີ​ການເຄື່ອນ​ໄຫວ​ເຮັດ​ເຕົາ​ອົບ​ເຄື່ອງ​ປ່າ​ຂອງ​ດົງ, ​​ສົ່ງຄວັນ ​ແລະ ກິ່ນ​ຂິວ​​ໄປ​ທົ່ວ​ບໍລິ​ເວນ​ນັ້ນ, ​ເຮັດ​ໃຫ້​​ປະຊາຊົນ 7 ​ຄອບຄົວ​ ກຳລັງໄດ້​ຮັບຜົນ​ກະທົບ​ໜັກ​ ຄື:​ ເດັກນ້ອຍ​ມີ​ອາການ​ຕາ​​ແດງ, ຜູ້​ເຖົ້າ​ປ່ວຍ​ເປັນ​ໄອ,​ ບາງ​ຄົນ​ເປັນວິນ​ຫັນ​ໃຈ​ບໍ່​ອອກ ນັບ​ມື້​ນັບ​ຢູ່​ຍາກ. ກໍລະນີ​ດັ່ງກ່າວ​ເຄີຍ​ໄດ້​ຂຽນ​ໃບ​ຮ້ອງທຸກ​ຫາ​ອຳນາດ​ການ​ປົກຄອງ​ເມືອງ​ແລ້ວ ​ແຕ່​ບໍ່​ໄດ້​ຮັບ​ການ​ແກ້​ໄຂ​, ຈຶ່ງ​ວອນ​ພາກ​ລັດ​ຊ່ວຍ​ແກ້​ບັນຫາຍົກ​ຍ້າຍ​ໂຮງງານດັ່ງກ່າ​ວ​ອອກ​ຈາກ​ຊຸມ​ຊົນ.

​  ທ່ານ ສົມ​ເພັດ ຫົວໜ້າ​ສິ່ງ​​​ແວດ​ລ້ອມ​ເມືອງ​ພູ​ຄູນ​ ຊີ້​ແຈງ​ວ່າ: ​ໂຮງງານ​ດັ່ງກ່າວ​​ເປັນ​ທຸລະ​ກິດ​ຂະໜາດ​ນ້ອຍຂອງ​ຄົນ​ຈີນ, ​ໂດຍ​​ເຮັດ​ເຕົາ​ອົບ​ເຄື່ອງ​ປ່າ​ຂອງ​ດົງ​ສົ່ງ​ອອກ, ຜ່ານ​ມາບັນຫາ​ດັ່ງກ່າວ​ເກີດ​ຂື້ນ​ແທ້ ​ເພາະຄະ​ນະ​ໜ່ວຍ​ງານສະ​ເພາະ​ກິດຂັ້ນເມືອງ ລວມມີ​ເຈົ້າ​ໜ້າ​ທີ່​ການ​ຄ້າ, ​ເຈົ້າ​ໜ້າ​ທີ່​ສິ່ງ​ແວດ​ລ້ອມ ​ແລະ​ເຈົ້າ​ໜ້າ​ທີ່​ປ້ອງ​ກັນ​ຄວາມ​ສະຫງົບ ກໍໄດ້​ລົງກວດ​ສອບ​ ແລະ​ ເຮັດ​ບົດ​ບັນທຶກ​ຕັກ​ເຕືອນ 2 ​ຄັ້ງ​ແລ້ວ ​ແຕ່​ຍັງ​ມີ​ການ​ຝ່າຝືນ ​ແລະ ​ມີ​ທ່າ​ທີ່​ບໍ່​ຢ້ານ​ຕໍ່​ລະບຽບ​ກົດໝາຍ​ຂອງ​ລາວ​ເຮົາ, ​ໂດຍ​ອ້າງ​ວ່າ​ໄດ້​ມີ​ການ​ເສຍ​ພາສີ​ພັນທະ​ອາກອນ​ແລ້ວ.