ພັດທະນາການຂອງລູກນ້ອຍ ເດືອນທີ 5

- advert banner 728 90 728x90 - ພັດທະນາການຂອງລູກນ້ອຍ ເດືອນທີ 5

ເດືອນທີ 5 ໄວແຫ່ງການຮຽນຮູ້ຈັກໂຕເອງ ແລະ ສິ່ງແວດລ້ອມອ້ອມໂຕຂອງໂຕເອງ ທີ່ແມ່ຈະເຫັນໄດ້ຢ່າງຊັດເຈນວ່າ ໃນຍາມຕື່ນລູກຈະບໍ່ຢູ່​ເສີຍໆອີກຕໍ່ໄປ ເພາະເຂົາພ້ອມທີ່ຈະທໍາຄວາມຮູ້ຈັກໂຕເອງໄປພ້ອມໆກັບການມີປະຕິສໍາພັນກັບສິ່ງອ້ອມໂຕຫຼາຍຂຶ້ນ.

- lattana 1 - ພັດທະນາການຂອງລູກນ້ອຍ ເດືອນທີ 5
  1. ດ້ານສະຕິປັນຍາ ແລະ ການຮຽນຮູ້
  • ເມື່ອລູກຮຽນຮູ້ວ່າໂຕເອງເປັນຄົນລະສ່ວນກັບສິ່ງແວດລ້ອມ ຈຶ່ງສົນໃຈທີ່ຈະທໍາຄວາມຮູ້ຈັກກັບໂຕເອງຫຼາຍຂຶ້ນ ສັງເກດໄດ້ຈາກການດູດນິ້ວມື, ການຈ້ອງເບິ່ງມືໂຕເອງ ໄປພ້ອມກັບການຮຽນຮູ້ສິ່ງອ້ອມໂຕຫຼາຍຂຶ້ນເຊັ່ນ ການຈັບສໍາຜັດສິ່ງຂອງອ້ອມໂຕ
  • ການໄດ້ຈັບສໍາຜັດສິ່ງຂອງ ຫຼື ເຄື່ອງຫຼິ້ນ ຊ່ວຍໃຫ້ລູກຮຽນຮູ້ເລື່ອງການມີຢູ່ ແລະ ການເສຍໄປ ເມື່ອເຮັດສິ່ງຂອງຕົກ ລູກຈະເບິ່ງໄປທີ່ພື້ນ ບໍ່ແມ່ນເບິ່ງໄປທີ່ມືຄືກັບເດືອນກ່ອນໆ
  • ສາມາດຈື່ຈໍາການກະທໍາຂອງໂຕເອງທີ່ຫາກໍຜ່ານໄປໄດ້ ແລະ ຈື່ສິ່ງຂອງຄ້າຍໆກັນໄດ້
  • ສາມາດແຍກແຍະລະຫວ່າງພໍ່ແມ່ກັບຄົນແປກໜ້າໄດ້
  1. ດ້ານຮ່າງກາຍ ແລະ ການເຄື່ອນໄຫວ
  • ລູກບໍ່ຢູ່​ເສີຍ ເພາະຮຽນຮູ້ທີ່ຈະເຄື່ອນໄຫວຮ່າງກາຍໄດ້ຢ່າງອິດສະຫລະ ສັງເກດໄດ້ຈາກເວລາຕື່ນນອນ ລູກຈະຖີບແຄ້ງຂາ, ບາງຄັ້ງພິກຂວ້ຳພິກຫງາຍ ແລະ ອື່ນໆ
  • ຍັງນັ່ງບໍ່ໄດ້ດີ ແລະ ຍັງຕ້ອງມີເບາະເພິ່ງຫຼັງຢູ່ ແຕ່ນັ່ງໄດ້ດົນ ແລະ ໝັ້ນຄົງກວ່າເດືອນກ່ອນຫຼາຍ
  • ຂະນະນັ່ງຍັງສາມາດຄວ້າຂອງຫຼິ້ນມາຫຼິ້ນໄດ້ ເນື່ອງຈາກຕາກັບມື​ເຮັດ​ວຽກປະສານກັນໄດ້ດີຂຶ້ນ ຢິບຈັບຂອງຕ່າງໆໄດ້ແໜ້ນຢໍາຫຼາຍຂຶ້ນ
  • ພະຍາຍາມໃຊ້ນິ້ວໂປ້ກັບກັບນິ້ວຊີ້ໃນການຢິບເຄື່ອງຂອງຫຼາຍຂຶ້ນ
  • ເວລາຫຼິ້ນ ສາມາດຈັບຂອງຫຼິ້ນໄດ້ທັງສອງມື ລວມທັງຍ້າຍຂອງຈາກໜຶ່ງໄປຍັງອີກມືໜຶ່ງໄດ້
  1. ດ້ານພາສາ ແລະ ການສື່ສານ
  • ສົນໃຈປາກຂອງແມ່ເວລາທີ່ແມ່ລົມ ແລະ ພະຍາຍາມຮຽນແບບ
  • ເຂົ້າໃຈຊື່ຄົນ ແລະ ສິ່ງຂອງຕ່າງໆ ທີ່ແມ່ຮ້ອງ ຫຼື ເວົ້າໃຫ້ຟັງເປັນປະຈໍາ ດັ່ງນັ້ນຄວນລົມກັບລູກນ້ອຍດຸໆ ເວົ້າຊື່ສິ່ງຂອງຕ່າງໆໃຫ້ລູກຟັງ ລູກຈະຈື່ຈໍາສັບເຫຼົ່ານັ້ນໄວ້ ເມື່ອເຖິງໄວທີ່ເວົ້າໄດ້ ເຂົາກໍຈະເວົ້າມັນອອກມາ
  • ລູກຮຽນຮູ້ວ່າວິທີການສົ່ງສຽງໝາຍເຖິງການສື່ສານກັບຄົນອື່ນໆ ແມ່ຈຶ່ງຄວນໄປຫາສຽງອື່ນໆມາໃຫ້ລູກຟັງເຊັ່ນ: ສຽງດົນຕີ, ສຽງສັດຕ່າງໆ, ສຽງໂທລະສັບ ເພື່ອໃຫ້ລູກຮຽນຮູ້ຄວາມແຕກຕ່າງຂອງສຽງ
  1. ດ້ານອາລົມ ແລະ ສັງຄົມ
  • ເດັກໄວຮຽນຂວ້ຳຮຽນຄານ ອາດຄຽດກັບອາການຂອງໂຕເອງໄດ້ ດັ່ງນັ້ນແມ່ຄວນຊ່ວຍລູກໃຫ້ຮຽນຮູ້ວິທີຂວ້ຳ ແລະ ຄານທີ່ຖືກວິທີ
  • ສະແດງຄວາມຮູ້ສຶກງຸດງຶດເມື່ອບໍ່ສາມາດຢິບຈັບຂອງຫຼິ້ນທີ່ຢູ່ໄກອອກໄປໄດ້ ຫຼື ເວລາຈະນໍາເຄື່ອງຫຼິ້ນເຂົ້າປາກແລ້ວຖືກແມ່ຫ້າມ ທາງທີ່ດີຄວນຊອກເຄື່ອງຫຼິ້ນທີ່ປອດໄພ ແລະ ສາມາດເອົາເຂົ້າປາກໄດ້ ເພື່ອບໍ່ຄັດຈັງຫວະການຮຽນຮູ້ຂອງລູກ
  • ມັກສະແດງອາການດີໃຈຢ່າງອອກໜ້າ ເວລາເຫັນແມ່ ຫຼື ພໍ່ເຂົ້າມາອຸ້ມ ແຕ່ຈະເປັນໄປໃນທາງກົງກັັນຂ້າມທັນທີເມື່ອມີຄົນແປກໜ້າມາອຸ້ມ.

ເດັກໆຈະມີພັດທະນາການທີ່ດີ ຫຼື ບໍ່, ໄວ ຫຼື ຊ້າ ຂຶ້ນຢູ່ກັບເຂົາໄດ້ຮັບການກະຕຸ້ນພັດທະນາການແຕ່ລະດ້ານຢ່າງເໝາະສົມ ຫຼື ບໍ່