ສອງເກົາຫລີນັດເຈລະຈາຮອບໃໝ່ ເພື່ອສືບຕໍ່ກອງປະຊຸມສຸດຍອດ

- advert banner 728 90 728x90 - ສອງເກົາຫລີນັດເຈລະຈາຮອບໃໝ່ ເພື່ອສືບຕໍ່ກອງປະຊຸມສຸດຍອດ

ສປປ ​ເກົາຫລີ ​ແລະ ສ.​ເກົາຫລີ ຈະ​ຈັດ​ກອງ​ປະຊຸມ​ເຈົ້າໜ້າ​ທີ່​ລະດັບ​ສູງ ​ໃນ​ວັນ​ທີ 16 ພຶດສະພາ​ນີ້ ສຳລັບ​ການ​ຫາລື​ກຳນົດ​ການ​ເຈລະຈາ​ເຈົ້າໜ້າ​ທີ່​ດ້ານ​ການ​ທະຫານ ​ແລະ ກາ​ແດງ ​ໂດຍ​ມີ​ຈຸດ​ມຸ່ງ​ໝາຍ​ເພື່ອ​ຫລຸດ​ຄວາມ​ເຄັ່ງ​ຕຶງ​ຕາມ​ເຂດ​ຊາຍ​ແດນ ​ແລະ ຮື້ຟື້ນງານ​ລວມຄອບຄົວ​ທີ່​ພັດ​ພາກ​ແຕ່​ສະ​ໄໝ​ສົງຄາມ​ເກົາຫລີ.

- lattana 1 - ສອງເກົາຫລີນັດເຈລະຈາຮອບໃໝ່ ເພື່ອສືບຕໍ່ກອງປະຊຸມສຸດຍອດ

ກະຊວງ​ລວມຊາດ ສ.​ເກົາຫລີ ຖະ​ແຫລ​ງ​ໃນ​ວັນ​ທີ 15 ພຶດສະພາ​ວ່າ: ການ​ພົບ​ກັນ​ຈະ​ມີ​ຂຶ້ນຢູ່​ບ້ານ​ຊາຍ​ແດນ ​ເພື່ອ​ຫາລື​ແນວທາງ​ປະຕິບັດ​ຕາມ​ຂໍ້​ຕົກລົງ​ສັນຕິພາບ​ທີ່​ມີ​ຂຶ້ນ​ໃນ​ກອງ​ປະຊຸມ​ສຸດ​ຍອດ​ລະຫວ່າງ​ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ກັບ​ປະທານາທິບໍດີ ມຸນ ​ແຈ​ອິນ ຂອງ ສ.​ເກົາຫລີ ​ໃນ​ເດືອນ​ຜ່ານ​ມາ. ການ​ຫາລື​ຄັ້ງນີ້​ຈະ​ລວມທັງ​ການຈັດຕັ້ງການ​ເຈລະຈາ​ລະດັບ​ຄະນະ​​ເຮັດ​ວຽກ​ຮ່ວມ​ສອງ​ຝ່າຍ ລວມທັງ​ເຈົ້າໜ້າ​ທີ່​ດ້ານ​ການກິລາ​ຕາມ​ແຜນ​ລວມທີ​ມ​ໃນ​ກິລາ​ບາງ​ປະ​ເພດ​ໃນ​ການ​ແຂ່ງຂັນ​ກິລາ​ເອຊຽນ​ເກ​ມ​ເດືອນ​ສິງຫາ​ນີ້. ການ​ນັດ​ເຈລະຈາ​ດັ່ງກ່າວ​ຈະ​ມີ​ຂຶ້ນກ່ອນ​ກອງ​ປະຊຸມ​ສຸດ​ຍອດ​ວັນ​ທີ 12 ມິຖຸນາ ລະຫວ່າງ​ທ່ານ ກິມ ຈ໋ອງອຸນ ກັບ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ ຕາມ​ແນວທາງ​ຊຸກຍູ້​ວິທີ​ທາງ​ການ​ທູດ ​ເພື່ອ​ຫລຸດຜ່ອນ​ບັນຫາ​ໂຄງການ​ນິວ​ເຄຼຍ ສປປ ​ເກົາຫລີ. ສ.​ເກົາຫລີ ​ເຊິ່ງ​ເປັນ​ຜູ້​ໄກ່​ເກ່ຍ​ໃນ​ການຈັດ​ເຈລະຈາ​ລະຫວ່າງ​ຜູ້ນຳ​ອາ​ເມ​ລິ​ກາ​ກັບ ສປປ ​ເກົາຫລີ ​ເປີດ​ເຜີຍ​ວ່າ: ທ່ານ ກິມ ຈ໋ອງອຸນ ມີ​ຄວາມ​ມຸ່ງ​ໝັ້ນຢ່າງ​ແທ້​ຈິງ​ທີ່​ຈະ​ຍົກ​ເລີກ​ໂຄງການ​ນິວ​ເຄຼຍ ​ເພື່ອ​ແລກປ່ຽນ​ກັບ​ຜົນ​ປະ​ໂຫຍ​ດທາງ​ເສດຖະກິດ.