ເມືອງ​ພູ​ຄູນ​ເລັ່ງພົ່ນ​ຢາ​ກຳຈັດ​ຕັກ​ແຕນ​ຝູງ​ໄມ້ປ່ອງ​ຢູ່ 7 ບ້ານ

- advert banner 728 90 728x90 - ເມືອງ​ພູ​ຄູນ​ເລັ່ງພົ່ນ​ຢາ​ກຳຈັດ​ຕັກ​ແຕນ​ຝູງ​ໄມ້ປ່ອງ​ຢູ່ 7 ບ້ານ

ປັດຈຸບັນນີ້, ​ເມືອງ​ພູ​ຄູນ​ແຂວງ​ຫລວງ​ພະ​ບາງ ​ໄດ້​ເປີດ​ຂະ​ບວນການ​ພົ່ນ​ຢາ​ກຳຈັດ​ຕັກ​ແຕນ​ຝູງ​ໄມ້ປ່ອງທີ່​ບ້ານນ້ຳຈ່າວກຸ່ມ​ພູ​ວຽງພາຍໃນເມືອງດັ່ງກ່າວ, ​ໂດຍ​ການ​ຊີ້​ນຳ​ຂອງ​ທ່ານເຈົ້າ​ເມືອງ​ພູ​ຄູນ ທີ່ເກີດ​ມີ​ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ທຳລາຍ​ຜົນ​ຜະລິດ​ຂອງ​ປະຊາຊົນເປັນ​ຄັ້ງທຳ​ອິດ​ໃນ​ທ້າຍ​ປີ 2016 ​ໃນ​ຈຳນວນ 3 ບ້ານ ຄື​: ບ້ານ​ບວມ​ພໍ, ນາ​ກິນ ​ແລະ ບ້ານ​ວຽງ​ສະ​ໄໝ. ຈາກ​ນັ້ນ​ໄດ້​ຂະ ຫຍາຍ​ອອກ​ສູ່​ບໍລິ​ເວນ​ບ້ານ​ອ້ອມ​ຂ້າງ 7 ບ້ານ​ໃນ. ປັດຈຸບັນ, ດັ່ງນັ້ນທາງເມືອງຈຶ່ງໄດ້ສຸມໃສ່ສະກັດ​ກັ້ນບໍ່​ໃຫ້​ມີ​ການ​ແຜ່​ລາມ​ອອກ​ສູ່​ເຂດ​ອື່ນ, ​ໃນ​ນີ້​ໄດ້​ພົ່ນ​ຢາ​ກຳຈັດ​ແລ້ວ 8 ຈຸດ, ກວມ​ເອົາ 2 ບ້ານ ​ໃນ​ເນື້ອທີ່​ເກືອບ 20 ​ເຮັກຕາ, ພາຍຫລັງ​ສຳ​ເລັດ​ການ​ພົ່ນ​ຢາ​ໃນ​ຄັ້ງນີ້ ຄະນະ​ສຳ​ຫລວດ​ຕິດຕາມ​ເຝົ້າລະວັງ​ຂັ້ນ​ເມືອງຈະ​ສືບ​ຕໍ່​ລົງ​ບັນດາ​ບ້ານ​ເປົ້າໝາຍ ພ້ອມ​ທັງ​ປຸກລະດົມ​ທຸກ​ພາກສ່ວນ​ໃຫ້​ເປັນ​ເຈົ້າການ​ໃນ​ການ​ປ້ອງ​ກັນ​ຕິດຕາມ, ຖ້າ​ພົບ​ເຫັນ​ຈຸດ​ວາງ​ໄຂ່ ​ແລະ ການ​ແຕກ​ເປັນ​ຕົວ​ອ່ອນ​ໃຫ້​ລາຍ​ງານ​ພາກສ່ວນ​ກ່ຽວຂ້ອງ ​ເພື່ອ​ຈະ​ໄດ້ຮີບຮ້ອນລົງກຳຈັດບໍ່​ໃຫ້​ຈຳນວນ​ປະຊາກອນ​ຂອງ​ຕັກ​ແຕນ​ດັ່ງກ່າວ​ບໍ່​ຂະຫຍາຍ​ໄປ​ສູ່​ເຂດ​ອື່ນ.

- lattana 1 - ເມືອງ​ພູ​ຄູນ​ເລັ່ງພົ່ນ​ຢາ​ກຳຈັດ​ຕັກ​ແຕນ​ຝູງ​ໄມ້ປ່ອງ​ຢູ່ 7 ບ້ານ