ສປປ ເກົາຫລີ ຍົກເລີກປະຊຸມກັບ ສ ເກົາຫລີ

- advert banner 728 90 728x90 - ສປປ ເກົາຫລີ ຍົກເລີກປະຊຸມກັບ ສ ເກົາຫລີ

ລັດຖະບານ​ພຽງ​ຢາງ​ຍົກ​ເລີກ​ການ​ຫາລື​ລະດັບ​ສູງກັບ​ລັດຖະບານ​ເຊ​ອຸນ ທີ່​ຕາມ​ກຳນົດ​ຕ້ອງ​ເກີດ​ຂຶ້ນ​ໃນ​ວັນ​ທີ 16 ພຶດສະພາ​ນີ້, ຫລັງ​ອາ​ເມ​ລິ​ກາ ​ແລະ ສ ​ເກົາຫລີ ​ເປີດ​ສາກ​ຊ້ອມ​ຮົບ​ທາງ​ອາກາດ​ຄັ້ງ​ໃຫຍ່​ຮ່ວມ​ກັນ.

- lattana 1 - ສປປ ເກົາຫລີ ຍົກເລີກປະຊຸມກັບ ສ ເກົາຫລີ

- image - ສປປ ເກົາຫລີ ຍົກເລີກປະຊຸມກັບ ສ ເກົາຫລີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ຫລວງ​ເຊ​ອຸນ ສ ​ເກົາຫລີ ​ໃນ​ວັນ​ທີ 16 ພຶດສະພາ​ວ່າ: ກະຊວງ​ການ​ຕ່າງປະ​ເທດ ສປປ ​ເກົາຫລີ ອອກ​ຖະ​ແຫລ​ງການ​ໃນ​ຕອນ​ເຊົ້າວັນ​ທີ 16 ພຶດສະພາ ຕາມ​ເວລາ​ທ້ອງ​ຖິ່ນ ຍົກ​ເລີກ​ການ​ພົບ​ປະ​ຫາລື​ລະຫວ່າງ​ເຈົ້າໜ້າ​ທີ່​ລະດັບ​ສູງ​ຂອງ​ລັດຖະບານ​ພຽງ​ຢາງ​ກັບ​ລັດຖະບານ​ເຊ​ອຸນ ຢູ່​ປານ​ມູນ​ຈອມ ​ເຊິ່ງຕາມ​ກຳນົດ​ຕ້ອງ​ເກີດ​ຂຶ້ນ​ໃນ​ວັນ​ດຽວ​ກັນ​ນີ້ ​ແລະ ຫົວ​ຂໍ້​ຂອງ​ກອງ​ປະຊຸມ ຄື​ການ​ເຈລະຈາ​ຕໍ່​ຍອດ​ກ່ຽວ​ກັບ​ການ​​ເຮັດ​ສົນທິສັນຍາ​ສັນຕິພາບ ​ຕາມ​ແນວທາງ​ໃນ​ປະລິນຍາ​ປານ​ມູນ​ຈອມ ​ເຊິ່ງທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ແລະ ປະທານາທິບໍດີ ມຸນ ​ແຈອິນ ຜູ້ນຳ ສ ​ເກົາຫລີ ລົງ​ນາມ​ຮ່ວມ​ກັນ​ໃນ​ວັນ​ທີ 27 ​ເມສາ​ຜ່ານ​ມາ.

ທັງ​ນີ້, ລັດຖະບານ​ພຽງ​ຢາງ​ໃຫ້​ເຫດຜົນ​ຂອງ​ການ​ຍົກ​ເລີກ​ກອງ​ປະຊຸມ​ກັບ ສ ​ເກົາຫລີ ​ໃນ​ຄັ້ງນີ້​ວ່າ: ​ເປັນ​ເພາະ​ປະຕິບັດ​ການ​ຊ້ອມ​ຮົບ “​ແມັກ ທັນ​ເດີ” ລະຫວ່າງ​ກອງທັບ​ອາກາດ​ອາ​ເມ​ລິ​ກາ​ກັບ​ກອງທັບ​ອາກາດ ສ ​ເກົາຫລີ ​ເຊິ່ງ​ເລີ່​ມຂຶ້ນ​ໃນ​ວັນ​ທີ 14 ພຶດສະພາ ​ແລະ ຈະ​ໃຊ້​ເວລາ 2 ອາທິດ ຖື​ເປັນ​ເຈດ​ຕະນາ “ການ​ຝຶກ​ຊ້ອມ​ການ​ຮຸກ​ຮານ” ​ແລະ “ການ​ຂົ່ມຂູ່​ຄຸກ​ຄາມ” ຂອງ​ອາ​ເມ​ລິ​ກາ ​ໃນ​ໄລຍະ​ເວລາ​ທີ່​ການ​ພົວພັນ​ລະຫວ່າງ​ສອງ​ເກົາຫລີ​ກຳລັງ​ດີ​ຂຶ້ນ, ພ້ອມ​ທັງ​ເຕືອນ​ວ່າ​ລັດຖະບານ​ວໍ​ຊິງ​ຕັນ​ຄວນ “​ເພີ່ມ​ການ​ພິຈາລະນາ​ຢ່າງຮອບ​ຄອບ” ຕໍ່​ອະນາຄົດ​ຂອງ​ການຈັດ​ປະຊຸມ​ຮ່ວມ​ກັບ​ຜູ້ນຳ ສປປ ​ເກົາຫລີ.