ສປປ ເກົາຫລີ ຂູ່ຍົກເລີກປະຊຸມສຸດຍອດກັບອາເມລິກາ

- advert banner 728 90 728x90 - ສປປ ເກົາຫລີ ຂູ່ຍົກເລີກປະຊຸມສຸດຍອດກັບອາເມລິກາ

ອະນາຄົດຂອງ​ກອງ​ປະຊຸມ​ສຸດ​ຍອດ​ຄັ້ງປະຫວັດສາດ ລະຫວ່າງ​ອາ​ເມ​ລິ​ກາ​ກັບ ສປປ ​ເກົາຫລີ ​ເກີດ​ຄວາມ​ບໍ່​ແນ່ນອນ, ພາຍຫລັງ ສປປ ​ເກົາຫລີ ຍົກ​ເລີກ​ກອງ​ປະຊຸມ​ລະດັບ​ສູງ​ກັບ ສ ​ເກົາຫລີ ​ແລະ ຂູ່​ຈະ​ຍົກ​ເລີກ​ກອງ​ປະຊຸມ​ສຸດ​ຍອດ​ຄັ້ງປະຫວັດສາດ​ກັບ​ ອາ​ເມ​ລິ​ກາ ​ເນື່ອງ​ຈາກ​ບໍ່ພໍ​ໃຈ​ທີ່​ອາ​ເມ​ລິ​ກາ​ຊ້ອມ​ຮົບ​ກັບ ສ ​ເກົາຫລີ.

- lattana 1 - ສປປ ເກົາຫລີ ຂູ່ຍົກເລີກປະຊຸມສຸດຍອດກັບອາເມລິກາ

ຖະ​ແຫລ​ງການ​ຂອງ ສປປ ​ເກົາຫລີ ມີ​ຂຶ້ນບໍ່​ເທົ່າ​ໃດ​ຊົ່ວ​ໂມງ ກ່ອນ​ເຈົ້າໜ້າ​ທີ່​ລະດັບ​ສູງ​ຂອງ 2 ​ເກົາຫລີ ຈະ​ພົບ​ປະ​ຫາລື​ກັນ​ຢູ່​ປານ​ມູນ​ຈອມ ບໍລິ​ເວນ​ຊາຍ​ແດນ​ຂອງ 2 ປະ​ເທດ ​ເພື່ອ​ພິຈາລະນາ​ຫາ​ທາງ​ປະຕິບັດ​ຕາມ​ຂໍ້​ຕົກລົງ​ຫລຸດ​ຄວາມ​ເຄັ່ງ​ຕຶງ​ທາງ​ທະຫານ​ຕາມ​ຊາຍ​ແດນ ​ແລະ ປັບປຸງ​ການ​ພົວພັນລະຫວ່າງ​ກັນ ​ໂດຍ ສປປ ​ເກົາຫລີ ລະບຸ​ວ່າ: ການ​ຊ້ອມ​ຮົບ​ໃນ​ປະຕິບັດ​ການ ​ແມ​ັກ ອາ​ເທີ ​ເຊິ່ງ​ເລີ່​ມຂຶ້ນ​ໃນ​ວັນ​ທີ 14 ພຶດສະພາ ​ໂດຍ​ມີ​ເຮືອບິນ​ເຂົ້າຮ່ວມ​ປະມານ 100 ລຳ ​ເປັນ​ການ​ຕັ້ງ​ໃຈ​ຍົ່ວຍຸ​ທາງ​ທະຫານ ​ແລະ ​ເປັນ​ການ​ທ້າ​ທາຍ​ຕໍ່​ກອງ​ປະຊຸມ​ສຸດ​ຍອດ​ລະຫວ່າງ​ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ກັບ​ປະທານາທິບໍດີ ມຸນ ​ແຈ​ອິນ ຂອງ ສ ​ເກົາຫລີ ​ເຊິ່ງມີ​ຂຶ້ນ​ໃນ​ເດືອນ​ເມສາ​ຜ່ານ​ມາ.

ສຳນັກ​ຂ່າວ KCNA ຂອງ ສປປ ​ເກົາຫລີ ລະບຸ​ວ່າ: ​ເຮືອບິນ​ທີ່​ເຂົ້າຮ່ວມ​ຊ້ອມ​ຮົບ ລວມທັງ​ເຮືອບິນ​ຖິ້ມລະ​ເບີດ​ບີ 52 ທີ່​ສາມາດ​ຕິດຫົວ​ຮົບ​ນິວ​ເຄຼຍ ​ແລະ ​ເຮືອບິນ​ຂັບ​ໄລ່ ​ເອຟ 22 ຮຸ່ນ​ສະ​ເຕລ ​ເຊິ່ງ​ເຄີຍ​ມີ​ເປົ້າໝາຍ​ໂຈມ​ຕີ ສປປ ​ເກົາຫລີ, ສ່ວນ ສ ​ເກົາຫລີ ລະບຸ​ວ່າ: ການຕັດສິນ​ໃຈ​ຂອງ ສປປ ​ເກົາຫລີ ຄັ້ງນີ້​ໜ້າ​ເສຍດາຍ ​ແລະ ຮຽກຮ້ອງ​ໃຫ້ ສປປ ​ເກົາຫລີ ກັບ​ເຂົ້າສູ່​ການ​ເຈລະຈາ​ໂດຍ​​ໄວ, ສ່ວນ​ອາ​ເມ​ລິ​ການັ້ນ ກະຊວງ​ຕ່າງປະ​ເທດ​ອາ​ເມ​ລິ​ກາ​ເນັ້ນວ່າ: ທ່ານ ກິ​ມ ຈ໋ອງອຸນ ​ເຄີຍ​ບອກ​ວ່າ​ເຂົ້າ​ໃຈ​ເຖິງ​ຄວາມ​ຈຳ​ເປັນ ​ແລະ ຈຸດປະສົງ ຂອງ​ການ​ຊ້ອມ​ຮົບ​ທີ່​ມີ​ການວາງ​ແຜນ​ໄວ້​ດົນ​ນານ​ແລ້ວ ​ແລະ ກ່າວ​ວ່າ: ອາ​ເມ​ລິ​ກາ​ບໍ່​ໄດ້​ຮັບ​ຟັງ​ຂໍ້​ມູນ​ໃດໆ​ໂດຍ​ກົງ​ຈາກ ສປປ ​ເກົາຫລີ ​ແລະ ສ ​ເກົາຫລີ ທີ່​ຈະ​ເຮັດ​ໃຫ້​ມີ​ການ​ປ່ຽນ​ແປງ ​ແລະ ອາ​ເມ​ລິ​ກາ ຈະ​ກຽມ​ການ​ສຳລັບ​ກອງ​ປະຊຸມ​ສຸດ​ຍອດ​ຂອງ​ຜູ້ນຳ ອາ​ເມ​ລິ​ກາ ກັບ ສປປ ​ເກົາຫລີ ຕໍ່​ໄປ.