ເຫດນອງເລືອດກາຊາລຸກລາມເປັນ ເຫດຂັດແຍ່ງການທູດ ຕວກກີ-ອິດສະລາແອນ

- advert banner 728 90 728x90 - ເຫດນອງເລືອດກາຊາລຸກລາມເປັນ ເຫດຂັດແຍ່ງການທູດ ຕວກກີ-ອິດສະລາແອນ

​ເຫດ​ປະ​ທະ​ນອງ​ເລືອດທີ່​ຊາຍ​ແດນ​​ເຂດ​ກາຊາ​ຂອງ​ປາ​ແລັສຕິນກັບ​ອິດສະ​ລາ​ແອນ​ກາຍ​ເປັນ​ຂໍ້​ຂັດ​ແຍ່ງ​ທາງ​ການ​ທູດ​ລະຫວ່າງ ຕວກກີ ກັບ ອິດສະ​ລາ​ແອນ, ຫລ້າ​ສຸດ ຕວກກີ ​ໃຫ້​ກົງ​ກຸນ​ໃຫຍ່​ອິດສະ​ລາ​ແອນປະຈຳ​ນະຄອນ​ອິສຕັນ​ບູນກັບປະ​ເທດ​ຊົ່ວຄາວ.

- lattana 1 - ເຫດນອງເລືອດກາຊາລຸກລາມເປັນ ເຫດຂັດແຍ່ງການທູດ ຕວກກີ-ອິດສະລາແອນ

​ເຈົ້າໜ້າ​ທີ່​ກະຊວງ​ຕ່າງປະ​ເທດ​ຕວກກີ ​ເປີດ​ເຜີຍ​ໃນ​ວັນ​ທີ 16 ພຶດສະພາ​ວ່າ: ກະຊວງ​ໄດ້​ຂໍ​ໃຫ້​ກົງສຸນ​ໃຫຍ່​ອິດສະ​ລາ​ແອນ​ປະຈຳ​ນະຄອນ​ອິສຕັນ​ບູນກັບປະ​ເທດ​ຊົ່ວຄາວ, ພາຍຫລັງ​ກ່ອນ​ໜ້າ​ນີ້​ໄດ້​ຂໍ​ໃຫ້​ເອກ​ອັກຄະ​ລັດຖະທູດ​ອິດສະ​ລາ​ແອນ​ປະຈຳ​ຕວກກີ​ກັບປະ​ເທດ​ຊົ່ວຄາວ ​ແລະ ຮຽກ​ເອກ​ອັກຄະ​ລັດຖະທູດ​ຂອງ​ຕົນ​ເອງ​ກັບ​ຈາກ​ນະຄອນຫລວງ​ເທ​ລອາ​ວີ​ຟຂອງ​ອິດສະ​ລາ​ແອນ ​ແລະ ນະຄອນຫລວງ​ວໍ​ຊິງ​ຕັນ​ຂອງ​ອາ​ເມ​ລິ​ກາ​ເປັນ​ການ​ປະ​ທ້ວງ ລວມທັງຈະ​ເປັນ​ເຈົ້າພາບ​ຈັດ​ກອງ​ປະຊຸມ​ສຸກ​ເສີນ​ອົງການ​ຄວາມ​ຮ່ວມ​ມື​ອິສລາມ (OIC) ​ໃນ​ວັນ​ທີ 18 ພຶດສະພາ​ນີ້. ຂະນະ​ທີ່​ອິດສະ​ລາ​ແອນ​ໄດ້​ໃຫ້​ກົງສຸນ​ຕວກກີ​ໃນ​ນະຄອນ​ເຢລູຊາ​ເລ​ມອອກ​ນອກ​ປະ​ເທດ​ແບບ​ບໍ່​ມີ​ກຳນົດ.

ປະທານາທິບໍດີ ​ເຣ​ເຈ​ຟ ທາຍ​ຍິບ ​ແອ​ໂດ​ອານ ຂອງ​ຕວກກີ ລະບຸ​ວ່າ: ການ​ທີ່​ກອງ​ກຳລັງ​ອິດສະ​ລາ​ແອນ​ສັງຫານ​ຊາວ​ປາ​ແລັສຕິນທີ່​ຊຸມນຸມ​ປະ​ທ້ວງ​ບໍລິ​ເວນ​ຊາຍ​ແດນ​ເຂດ​ກາຊາ​ເສຍ​ຊີວິດ 60 ຄົນ​ໃນ​ວັນ​ທີ 14 ພຶດສະພາ ​ເປັນ​ການ​ຂ້າ​ລ້າງ​ເຜົ່າ​ພັນ ​ແລະ ​ໄດ້​ປະນາມ​ອິດສະ​ລາ​ແອນ​ວ່າ​ເປັນ​ລັດ​ກໍ່​ການ​ຮ້າຍ ພ້ອມ​ກັບ​ປະກາດ​ໄວ້ອາ​ໄລ​ໃຫ້​ຊາວ​ປາ​ແລັສຕິນ​ເປັນ​ເວລາ 3 ວັນ.