ໄຟຟ້າລາວ-​ໄທ ຮ່ວມ​ຫາລື​ການ​ເຊື່ອມ​ໂຍງ​ລະບົບ​ໄຟຟ້າ​ສາຍ​ສົ່ງ​ແຮງ​ສູງ​ດ້ວຍ​ກັນ

- advert banner 728 90 728x90 - ໄຟຟ້າລາວ-​ໄທ ຮ່ວມ​ຫາລື​ການ​ເຊື່ອມ​ໂຍງ​ລະບົບ​ໄຟຟ້າ​ສາຍ​ສົ່ງ​ແຮງ​ສູງ​ດ້ວຍ​ກັນ

ໃນວັນທີ 15 ພຶດສະພານີ້, ລັດວິສາຫະກິດໄຟຟ້າລາວ ​ແລະ ການໄຟຟ້າຝ່າຍຜະລິດແຫ່ງປະເທດໄທ (ກຟຜ) ​ໄດ້​ຮ່ວມ​ປຶກສາ​ຫາລື ​ເພື່ອ​ເຊື່ອມ​ໂຍງ​ລະບົບ​ໄຟຟ້າ​ແຮງ​ສູງ 115 ກິ​ໂລ​​ໂວ​ນ ດ້ວຍ​ກັນ​ຂຶ້ນທີ່​ນະຄອນຫລວງ​ວຽງ​ຈັນ, ຝ່າຍ​ລາວ​ນຳ​ໂດຍທ່ານ ດວງສີ ພາຣະຍົກ ຮອງຜູ້ອໍານວນການໃຫຍ່ ລັດວິສາຫະກິດໄຟຟ້າລາວ ແລະ ຝ່າຍ​ໄທ​ນຳ​ໂດຍ ານ ພັດທະນາ ແສງສີໂຣດ ຮອງຜູ້ວ່າການນະໂຍບາຍ ແລະ ແຜນການການ​ໄຟຟ້າ​ຝ່າຍ​ຜະລິດ​ແຫ່ງ​ປະ​ເທດ​ໄທ ໂດຍສະເພາະ​ແມ່ນລະບົບສາຍສົ່ງໄຟຟ້າແຮງສູງ 115 ກິໂລໂວນ ສິຣິທອນ-ບັງເຍາະ, ທ່າລີ່-ປາກລາຍ, ໂພນຕ້ອງ-ໜອງຄາຍ, ທ່ານາແລ້ງ-ໜອງຄາຍ, ປາກຊັນ-ບຶງການ, ທ່າແຂກ-ນະຄອນພະນົມ ແລະ ສາຍສົ່ງ 115 ກິໂລໂວນ ປາກບໍ່-ມຸກດາຫານ. ພ້ອມນັ້ນ ສອງຝ່າຍຍັ​ງ​ໄດ້ເຈລະຈາການຊື້-ຂາຍພະລັງງານໄຟຟ້າຮ່ວມກັນສະບັບໃໝ່ ​ໂດຍໄດ້ເຫັນດີຮ່ວມກັນຫຼາຍບັນຫາ ເພື່ອເປັນການພັດທະນາດ້ານພະລັງງານ​ໄຟຟ້າຮ່ວມກັນ ໂດຍສະເພາະເພື່ອແລກປ່ຽນພະລັງງານໄຟຟ້າຂອງ​ສອງປະເທດ ລາວ-ໄທ ​ໃຫ້ໝັ້ນຄົງ ແລະ ທົ່ວເຖິງ.

- lattana 1 - ໄຟຟ້າລາວ-​ໄທ ຮ່ວມ​ຫາລື​ການ​ເຊື່ອມ​ໂຍງ​ລະບົບ​ໄຟຟ້າ​ສາຍ​ສົ່ງ​ແຮງ​ສູງ​ດ້ວຍ​ກັນ