ເຊີນຮ່ວມ​ແຂ່ງຂັນ​ອອກ​ແບບ​ໂລ​ໂກສະຖານ​ທີ່​ທ່ອງ​ທ່ຽວຂອງ​ລາວ

- advert banner 728 90 728x90 - ເຊີນຮ່ວມ​ແຂ່ງຂັນ​ອອກ​ແບບ​ໂລ​ໂກສະຖານ​ທີ່​ທ່ອງ​ທ່ຽວຂອງ​ລາວ

ກົມ​ພັດທະນາ​ການທ່ອງທ່ຽວ, ກະຊວງ​ຖະ​ແຫລ​ງຂ່າວ, ວັດທະນະ​ທຳ ​ແລະ ທ່ອງ​ທ່ຽວ ຂໍ​ເຊີນຊວນ ນັກຮຽນ-ນັກ​ສຶກສາ ​ແລະ ປັນຍາ​ຊົນທຸກຖ້ວນໜ້າສາມາດສົ່ງ​ຜົນງານ​ເຂົ້າ​ຮ່ວມ​ການ​ປະ​ກວດ​​ແຂ່ງຂັນອອກ​ແບບກາ​ໝາຍ​ສັນຍາ​ລັກ (Logo) ສະ​ເພາະ​ສຳລັບ​ມາດຕະຖານສະຖານ​ທີ່​ທ່ອງ​ທ່ຽວ​ຂອງ ສປປ ລາວ, ຊຶ່ງ​ມີ​ລາງວັນ 5 ລ້ານກີບ.

- lattana 1 - ເຊີນຮ່ວມ​ແຂ່ງຂັນ​ອອກ​ແບບ​ໂລ​ໂກສະຖານ​ທີ່​ທ່ອງ​ທ່ຽວຂອງ​ລາວ

ສຳລັບຫລັກການ ​ແລະ ​ເງື່ອນ​ໄຂຂອງຮູບ​ແບບ​ຂອງ​ສັນຍາ​ລັກມີ​ດັ່ງ​ນີ້: ຜົນງານ​ທີ່​ສົ່ງ​ເຂົ້າ​ປະ​ກວດ​ຕ້ອງ​ອອກ​ແບບ​ໂດຍ​ຕົນ​ເອງ, ​ຕ້ອງ​ມີ​ຄວາມ​ໂດດ​ເດັ່ນ, ທັນ​ສະ​ໄໝ ​ແລະ ຮັບປະກັນວ່າ​ຈະ​ບໍ່​ລະ​ເມີດ​ລິ​ຂະ​ສິດ​ຂອງ​ບຸກຄົນ​ອື່ນ, ຜູ້​ໜຶ່ງສາມາດ​ສົ່ງ​ຜົນງານ​ເຂົ້າ​ປະ​ກວດ​ໄດ້​ສະ​ເພາະ 1 ຊຸດ​ກາ​ໝາຍ​ສັນຍາ​ລັກ (ຮູບ​ແບບ​ທີ 1 ສໍາລັບ​ມາດຕະຖານ​ສະຖານ​ທີ່​ທ່ອງ​ທ່ຽວ 1 ດາວ, ຊຶ່ງ​ເປັນ​ລຳດັບ​ຕ່ຳ​ສຸດ, ຮູບ​ແບບ​ທີ 2 ສຳລັບ​ມາດຕະຖານສະຖານທີ່​ທ່ອງ​ທ່ຽວ​ 2 ດາວ, ຮູບ​ແບບ​ທີ 3 ສໍາລັບ​ມາດຕະຖານ​ສະຖານ​ທີ່ທ່ອງ​ທ່ຽວ 3 ດາວ, ຮູບ​ແບບ​ທີ 4 ສຳລັບ​ມາດຕະຖານທ່ອ​ງທ່ຽວ 4 ດາວ ​ແລະ ຮູບ​ແບບ​ທີ 5 ສໍາລັບ​ມາດຕະຖານ​ສະຖານ​ທີ່ທ່ອງ​ທ່ຽວ 5 ດາວ​, ຊຶ່ງ​ເປັນ​ລຳດັບ​ສູງ​ສຸດ. ຜູ້​ສ້າງ​ຜົນງານ​ຈະ​ຕ້ອງ​ອະທິ ບາຍໃຫ້​ຄວາມ​ໝາຍ​ຂອງ​ສັນຍາ​ລັກ ​ແລະ ສີ​ ໂດຍ​ກວມ​ທາງ​ດ້ານ​ປະຫວັດສາດ​ວັດທະນະທຳ ​ແລະ ທຳ​ມະ​ຊາດ ​ເປັນ​ຟາຍ​ເວີ​ດ, ພ້ອມ​ແນບ​ຮູບ​ກາ​ໝາຍ​ສັນຍາ​ລັກ (Logo) ມາ​ພ້ອມ.

ສ່ວນລາງວັນ​ຊະນະ​ເລີດມູນ​ຄ່າ 3 ລ້ານກີບ 1 ລາງວັນ, ລາງວັນ​ຊົມ​ເຊີຍ ມູນ​ຄ່າ 5 ແສນກີບມີ 4 ລາງວັນ. ກຳນົດ​ເວລາ​ການ​ປະ​ກວດ​ໃຫ້ສົ່ງ​ຜົນງານ​ການ​ອອກ​ແບບ​ຕັ້ງ​ແຕ່​ວັນ​ທີ 14 ພຶດສະພາ 2018 ຈົນ​ເຖິງວັນ​ທີ 8 ມິຖຸນາ 2018 ​ແລະ ຈະມີ​ການປະກາດ​ຜົນ​ການ​ຕັດສິນ​ໃນ​ວັນ​ທີ 26 ມິຖານາ 2018.