ອົງການອະນາໄມໂລກຄາດອີໂບລາ ລະບາດໃນກົງໂກຈະສິ້ນສຸດລົງໃນໄວໆນີ້

- advert banner 728 90 728x90 - ອົງການອະນາໄມໂລກຄາດອີໂບລາ ລະບາດໃນກົງໂກຈະສິ້ນສຸດລົງໃນໄວໆນີ້

ຜູ້ອຳນວຍການ​ອົງການ​ອະນາ​ໄມ​ໂລກ ຫລື WHO ກ່າວ​ໃນ​ວັນ​ທີ 11 ມິຖຸນາ​ວ່າ: ​ເຊື່ອ​ວ່າການ​ແຜ່​ລະບາດ​ຂອງ​ອີ​ໂບລາ​ໃນ​ພື້ນທີ່​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ສາທາລະນະ​ລັດ ປະຊາທິປະ​ໄຕ ກົງ​ໂກ ຈະ​ສິ້ນສຸດ​ລົງ​ໃນ​ໄວໆ​ນີ້ ​ເຊິ່ງ​ໃນ​ຊ່ວງ 21 ວັນ​ຂອງ​ການ​ແຜ່​ລະບາດ​ໃນ​ເດືອນ​ຜ່ານ​ມາ ​ເຮັດ​ໃຫ້​ປະຊາຊົນ​ເສຍ​ຊີວິດ 27 ຄົນ.

- lattana 1 - ອົງການອະນາໄມໂລກຄາດອີໂບລາ ລະບາດໃນກົງໂກຈະສິ້ນສຸດລົງໃນໄວໆນີ້

ທ່ານ ທີ​ດຣອສ ອັດ​ຮານ​ອມ ​ເກ​ເບຣ​​ເຍຊັສ ຜູ້ອຳນວຍການ WHO ກ່າວ​ກັບ​ນັກ​ຂ່າວ​ທີ່​ສະໜາມ​ບິນ​ໃນ​ນະຄອນຫລວງກິນ​ຊາ​ຊາ​ວ່າ: ທ່ານ​​ເບິ່ງ​ໂລກ​ໃນ​ແງ່​ດີ​ວ່າ ​ເຈົ້າໜ້າ​ທີ່​ຈະ​ສາມາດ​ເຮັດ​ໃຫ້ການ​ແຜ່​ລະບາດ​ຂອງ​ອີ​ໂບລາ​ຢຸດ​ເຊົາ​ລົງ​ໂດຍ​ໄວ. ກ່ອນ​ໜ້າ​ນີ້ ທ່ານ​ກ່າວ​ວ່າ: ຍັງ​ໄວ​ເກີນ​ໄປ​ທີ່​ຈະ​ປະກາດ​ໄຊຊະນະ​ຕໍ່​ການ​ແຜ່​ລະບາດ​ຂອງ​ອ​ີ​ໂບລາ, ​ແຕ່​ມີ​ສັນຍານ​ທາງ​ບວກ​ຫລາຍ​ປະການ ​ແລະ ​ເຈົ້າໜ້າ​ທີ່​ໄດ້​ເບິ່ງ​ໂລກ​​ໃນ​ແງ່​ດີ.

ທັງ​ນີ້, ຄຳ​ກ່າວ​ຂອງ​ທ່ານ​ມີ​ຂຶ້ນຫລັງ WHO ​ແລະ ກຸ່ມ​ອົງການ​ເອກະ​ຊົນ ຫລື NGO ​ເລີ່​ມ​ໃຫ້ການ​ຊ່ວຍ​ເຫລືອ​ສັກ​ພູມ​ຄຸ້ມ​ກັນ​ພະຍາດ​ໃຫ້​ແກ່​ກຳມະກອນ​ທີ່​ສ່ຽງ​ຕໍ່​ການ​ຕິດ​ເຊື້ອພະຍາດ​ດັ່ງກ່າວ​​ແຕ່​ວັນ​ທີ 21 ພຶດສະພາ ​ເຊິ່ງວັກ​ຊີ​ນດັ່ງກ່າວ​ໃຫ້​ຜົນ​ສູງ​ໃນ​ການ​ທົດ​ລອງ ​ແລະ ຢູ່​ລະຫວ່າງ​ລໍຖ້າ​ການ​ອະນຸມັດ​ໃຫ້​ໃຊ້​ໄດ້​ຢ່າງ​ເປັນ​ທາງ​ການ. ​ເຈົ້າໜ້າ​ທີ່​ກະຊວງ​ສາທາລະນະ​ສຸກ​ກ່າວ​ໃນ​ວັນ​ທີ 6 ມິຖຸນາ​ວ່າ: ປະຊາຊົນ 1.369 ຄົນ​ໄດ້​ຮັບ​ວັກ​ຊີ​ນທົດ​ລອງ​ນັບ​ແຕ່​ວັນ​ທີ 26 ພຶດສະພາ.