ເມືອງທຽນຈິນຂອງຈີນຈະໃຫ້ລົດຍົນ ໃຊ້ແກັສໂຊຮໍເກືອບທັງໝົດພາຍໃນປີນີ້

- advert banner 728 90 728x90 - ເມືອງທຽນຈິນຂອງຈີນຈະໃຫ້ລົດຍົນ ໃຊ້ແກັສໂຊຮໍເກືອບທັງໝົດພາຍໃນປີນີ້

​ເມືອງທຽນ​ຈິນຂອງ​ຈີນ​ກຳນົດ​ໃຫ້​ລົດຍົນ​ເກືອບ​ທັງ​ໝົດ​ຂອງ​ເມືອງ​ໃຊ້​ນ້ຳມັນ​ເຊື້ອ​ໄຟ​ທີ່​ປະສົມ​ເອທາ​ນໍ ຫລື ​ແກັສ​ໂຊ​ຮໍ​ພາຍ​ໃນ​ເດືອນ​ກັນຍາ​ນີ້. ຂະນະ​ທີ່​ລັດຖະບານ​ຈີນ​ກຳລັງ​ເລັ່ງຊຸກຍູ້​ໃຫ້​ມີ​ການ​ໃຊ້​ເຊື້ອ​ໄຟ​ຊີວະ​ພາບ​ຢ່າງ​ກວ້າງຂວາງ​ທົ່ວ​ປະ​ເທດ.

- lattana 1 - ເມືອງທຽນຈິນຂອງຈີນຈະໃຫ້ລົດຍົນ ໃຊ້ແກັສໂຊຮໍເກືອບທັງໝົດພາຍໃນປີນີ້

ລັດຖະບານ​ຈີນ​ກ່າວ​ໃນ​ປີຜ່ານມາ​ວ່າ: ມີ​ແຜນການ​ຈະ​ປະກາດ​ໃຊ້​ນ້ຳມັນ​ເຊື້ອ​ໄຟ​ທີ່​ຕື່ມ​ເອທາ​ນໍ​ເປັນ​ສ່ວນ​ປະສົມ 10% ພາຍ​ໃນ​ປີ 2020 ​ເພື່ອ​ຫລຸດ​ປະລິມານ​ເຂົ້າສາລີ​ໃນ​ສາງ ​ແລະ ​ເພື່ອ​ຫລຸດ​ສະພາບ​ມົນ​ລະ​ພິດ​ໃນ​ອາກາດ. ການ​ທີ່​ເມືອງ​ທຽນ​ຈິນ ​ເຊິ່​ງ​ເປັນ​ເມືອງ​ທ່າ​ສຳຄັນ​ທາງ​ຕອນ​ເໜືອ​ຂອງ​ຈີນ​ທີ່​ມີ​ປະຊາກອນ​ປະມານ 15 ລ້ານ​ຄົນ ຖື​ເປັນ​ການ​ປະກາດ​ຢ່າງ​ເປັນ​ທາ​ງການ​ຂອງ​​ທ້ອງ​ຖິ່ນ​ແຫ່​ງທຳ​ອິດ​ໃນ​ການ​ລິ​ເລີ່​ມການ​ໃຊ້​ແກັສ​ໂຊ​ຮໍ​ຕາມ​ນະ​ໂຍບາຍ​ທີ່​ລັດຖະບານຈີນ​ປະກາດ​ໄວ້. ​ເມືອງ​ທຽນ​ຈິນຄາດໝາຍ​ວ່າ​ຖ້າ​ເປັນ​ໄປ​ຕາມ​ເປົ້າໝາຍ ຈະ​ໃຊ້​ເຊື້ອ​ໄຟ​ເອທາ​ນໍ​ປີ​ລະ 260.000 ​ໂຕນ ​ເຊິ່ງໝາຍ​ຄວາມ​ວ່າ​ຈະ​ມີ​ການ​ໃຊ້​ເຂົ້າສາລີ 780.000 ​ໂຕນ​ໃນ​ການ​ຜະລິດ​ເອທາ​ນໍ ​ໂດຍ​ເຂົ້າສາລີ 3 ​ໂຕນ ຈະ​ສາມາດ​ຜະລິດ​ເອທາ​ນໍ​ໄດ້ 1 ​ໂຕ. ປັດຈຸບັນ ຈີນ​ມີ​ເຂົ້າສາລີ​ເກັບ​ໄວ້​ປະມານ 200 ລ້ານ​ໂຕນ ຫລັງ​ຈາກ​ການ​ໃຊ້​ນະ​ໂຍບາຍ​ຮັບ​ເຂົ້າສາລີ​ໄວ້​ໃນ​ສາງ ​ເພື່ອ​ຊ່ວຍ​ເຫລືອ​ກະສິກອນ​ ​ແຕ່​ນະ​ໂຍບາຍ​ນີ້​ຍົກ​ເລີກ​​ໄປ​ແລ້ວ.