ມາເລເຊຍຈະເປີດສະຖານທູດໃນ ສປປ ເກົາຫລີ

- advert banner 728 90 728x90 - ມາເລເຊຍຈະເປີດສະຖານທູດໃນ ສປປ ເກົາຫລີ

ນາຍົກລັດຖະມົນຕີ ມະຫາ​ເທ ​ໂມ​ຮຳ​ໝັດ ຂອງ​ມາ​ເລ​ເຊຍ ກ່າວ​ວ່າ: ມາ​ເລ​ເຊຍ​ຈະ​ຮື້ຟື້ນການ​ເປີດ​ສະຖານທູດ​ໃນ​ນະຄອນຫລວງ​ພຽງ​ຢາງ​ຂອງ ສປປ ​ເກົາຫລີ ​ເຊິ່ງຈະ​ຖື​ເປັນ​ການ​ຢຸດຕິ​ຄວາມ​ຂັດ​ແຍ່ງ​ທາງ​ການ​ທູດ​ຈາກ​ເຫດ​ສັງຫານ​ອ້າຍ​ຄົນ​ລະ​ແມ່​ຂອງ​ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ​ໃນ​ນະຄອນຫລວງ​ກົວ​ລາ​ລຳ​ເປີ ​ໃນ​ປີຜ່ານມາ.

- lattana 1 - ມາເລເຊຍຈະເປີດສະຖານທູດໃນ ສປປ ເກົາຫລີ

ທ່ານ ມະຫາ​ເທ ​ໃຫ້​ສຳພາດ​ຕໍ່​ນິກ​ເກ​ອິ ອາ​ຊຽນຣີວິວ ສະບັບ​ວັນ​ທີ 12 ມິຖຸນາ ລະຫວ່າງ​ການ​ຢ້ຽມຢາມ​ຍີ່ປຸ່ນ ​ເຖິງ​ການ​ເປີດ​ສະຖານທູດ​ມາ​ເລ​ເຊຍ​ໃນ ສປປ ​ເກົາຫລີ ຂຶ້ນມາ​ອີກ, ຫລັງ​ຈາກ​ມາ​ເລ​ເຊຍ​ເຊິ່ງ​ເຄີຍ​ເປັນ​ພັນທະ​ມິດ​ໃກ້ຊິດ​ກັບ ສປປ ​ເກົາຫລີ ຕ້ອງ​ຫລຸດ​ລະດັບ​ການ​ພົວພັນ​ລົງ ພາຍຫລັງ​ເຫດ​ຜູ້ຍິງ​ສອງ​ຄົນ​ອ້າງ​ວ່າ​ຖືກ​ຫລອກ​ໃຫ້​ໃຊ້​ສານພິດ​ສັງຫານ​ທ່ານ ກິມ ຈ໋ອງນຳ ທີ່​ສະໜາມ​ບິນ​ກົວ​ລາ​ລຳ​ເປີ ​ໃນ​ເດືອນ​ກຸມພາ 2017 ​ເຊິ່ງອາ​ເມ​ລິ​ກາ ​ແລະ ສ ​ເກົາຫລີ ກ່າວ​ຫາ​ວ່າ​ລັດຖະບານ ສປປ ​ເກົາຫລີ ​ເປັນ​ຜູ້​ສັ່ງ​ການ. ຈາກ​ເຫດການ​ດັ່ງກ່າວ​ເຮັດ​ໃຫ້​ມາ​ເລ​ເຊຍ​ຮຽກ​ເອກ​ອັກຄະ​ລັດຖະທູດ​ກັບປະ​ເທດ, ສັ່ງ​ຫ້າມ​ພົນລະ​ເຮື​ອນ​ໄປ ສປປ ​ເກົາຫລີ ​ແລະ ຍົກ​ເລີກ​ການ​ໃຫ້​ວີ​ຊາ​ຟຣີສຳລັບ​ພົນລະ​ເມືອງ ສປປ ​ເກົາຫລີ. ທາງ​ການ ສປປ ​ເກົາຫລີ ຕອບ​ໂຕ້​ໂດຍ​ການ​ສັ່ງ​ຫ້າມ​ຊາວ​ມາ​ເລ​ເຊຍ​ເດີນທາງ​ມານະ​ຄອນ​ຫລວງ​ພຽງ​ຢາງ, ກັກ​ຕົວ​ທູດ 3 ຄົນ ​ແລະ ສະມາຊິກ​ຄອບຄົວ. ສະຖານທູດ​ມາ​ເລ​ເຊຍ​ໃນ​ນະຄອນຫລວງ​ພຽງ​ຢາງ​ບໍ່​ມີ​ເຈົ້າໜ້າ​ທີ່​ປະຈຳ​ຢູ່ນັບ​ແຕ່​ເດືອນ​ເມສາ​ປີຜ່ານມາ ​ແລະ ຕອນ​ນີ້​ລັດຖະບານ​ກຳລັງ​ພິຈາລະນາ​ປິດ​ສະຖານທູດ​ເປັນ​ກາ​ນຖາວອນ ​ແລະ ຍ້າຍ​ໄປ​ໃຫ້​ບໍລິການ​ລວມກັບ​ສຳນັກງານ​ຜູ້​ແທນ​ທາງ​ການ​ທູດ​ໃນ​ນະຄອນຫລວງ​ປັກ​ກິ່ງ. ກ່ອນ​ໜ້າ​ນີ້ ທ່ານ ມະຫາ​ເທ ຄາດ​ຫວັງ​ວ່າການ​ເຈລະຈາ​ສຸດ​ຍອດ​ລະຫວ່າງ​ທ່ານ ກິມ ຈ໋ອງອຸນ ກັບ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ຈະ​ສຳ​ເລັດ​ລົງ​ຢ່າງ​ຈົບງາມ.