ທຳນຽບຂາວຢືນຢັນອາເມລິກາ ຍັງຊ້ອມຮົບກັບ ສ ເກົາຫລີ ຕໍ່

- advert banner 728 90 728x90 - ທຳນຽບຂາວຢືນຢັນອາເມລິກາ ຍັງຊ້ອມຮົບກັບ ສ ເກົາຫລີ ຕໍ່

ທຳນຽບຂາວ​ເປີດ​ເຜີຍ​ວ່າ: ກອງທັບ​ອາ​ເມ​ລິ​ກາ​ຈະ​ຍັງ​ຊ້ອມ​ຮົບ​ກັບ​ກອງທັບ ສ ​ເກົາຫລີ ຕໍ່​ໄປ, ​ແຕ່​ອາດ​ຫລຸດ​ລະດັບ​ຂອງ​ປະຕິບັດ​ການ​ລົງ ​ເຊິ່ງຖະ​ແຫລ​ງການ​ນີ້​ມີ​ຂຶ້ນ​ເພື່ອ​ຊີ້​ແຈງ​ຄຳ​ຖະ​ແຫລ​ງຂອງ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ທີ່​ກ່າວ​ໃນ​ສິງກະ​ໂປ​ວ່າ: ທ່ານ​ຕ້ອງການ​ຖອນ​ທະຫານ​ອອກ​ຈາກ ສ ​ເກົາຫລີ ​ແລະ ຈະ​ຢຸດຕິ​ການ​ຊ້ອມ​ຮົບ​ກັບ ສ ​ເກົາຫລີ ​ເຊິ່ງຖື​ເປັນ​ການ​ກະທຳ​ທີ່​ຍົ່ວຍຸ ​ແລະ ມີຄ່າ​ໃຊ້​ຈ່າຍ​ສູງ ​ເຊິ່ງການສະ​ແດງ​ຄວາມ​ເຫັນ​ນີ້​ເນັ້ນ​ໃຫ້​ເຫັນ​ເຖິງ​ການ​ໃຊ້​ແນວທາງ​ການ​ທູດ​ຢ່າງ​ຈະ​ແຈ້ງ.

- lattana 1 - ທຳນຽບຂາວຢືນຢັນອາເມລິກາ ຍັງຊ້ອມຮົບກັບ ສ ເກົາຫລີ ຕໍ່

- 750x422 804672 1528869922 - ທຳນຽບຂາວຢືນຢັນອາເມລິກາ ຍັງຊ້ອມຮົບກັບ ສ ເກົາຫລີ ຕໍ່

ຄຳ​ຖະ​ແຫລ​ງຂອງ​ປະທານາທິບໍດີ ທຣຳ ຖືກ​ວິພາກ​ວິຈານ​ຢ່າງ​ໜັກ ​ໂດຍ​ສະມາຊິກ​ສະພາ​ນິຕິບັນຍັດ​ບາງ​ທ່ານ​ເບິ່ງ​ວ່າ: ປະທານາທິບໍດີ ທຣຳ ຍອມ ສປປ ​ເກົາຫລີ ຫລາຍ​ເກີນ​ໄປ. ຂະນະ​ທີ່​ທ່ານ ​ໄມ ​ເພນ ຮອງ​ປະທານາທິບໍດີ​ອາ​ເມ​ລິ​ກາ ​ໄດ້​ເຂົ້າຮ່ວມ​ກອງ​ປະຊຸມ​ກັບ​ສະມາຊິກ​ສະພາ​ນິຕິບັນຍັດ ​ເພື່ອ​ຊີ້​ແຈງ​ໃນ​ບັນຫາ​ນີ້.

​ເຖິງ​ຢ່າງ​ໃດ​ກໍ​ຕາມ, ລັດຖະມົນຕີ​ປ້ອງ​ກັນ​ປະ​ເທດ​ຍີ່ປຸ່ນ ​ເນັ້ນວ່າ: ການ​ຊ້ອມ​ຮົບ​ຮ່ວມ​ຈຳ​ເປັນ​ຕໍ່​ຄວາມ​ໝັ້ນຄົງ​ໃນ​ພາກພື້ນ. ສ່ວນ​ສື່​ທາງ​ການ ສປປ ​ເກົາຫລີ ລາຍ​ງານ​ເລື່ອງ​ກອງ​ປະຊຸມ​ສຸດ​ຍອດ​ຄັ້ງປະຫວັດສາດ​ນີ້​ວ່າ: ​ເປັນ​ໄຊຊະນະ​ຂອງ ສປປ ​ເກົາຫລີ ບໍ່​ວ່າ​ຈະ​ເປັນ​ການ​ທີ່​ທ່ານ ທຣຳ ປະກາດ​ຢຸດ​ການ​ຊ້ອມ​ຮົບ​ກັບ ສ ​ເກົາຫລີ ​ເຊິ່ງ​ເປັນ​ໄປ​ຕາມ​ທີ່​ຜູ້ນຳ ສປປ ​ເກົາຫລີ ຮຽກຮ້ອງ​​ໃຫ້​ຢຸດ​ຄວາມ​ເປັນ​ປໍ​ລະ​ປັກ​ຕໍ່​ກັນ ​ແລະ ການຈະ​ຍົກ​ເລີກ​ມາດ​ຕະການ​ຂວ້ຳບາດ ​ເພື່ອ​ປັບປຸງ​ການ​ພົວພັນ​ກັບ ສປປ ​ເກົາຫລີ, ສ່ວນ​ເລື່ອງ​ການ​ເຊີນ​ໃຫ້​ໄປ​ຢ້ຽມຢາມ​ທັງ​ສອງ​ປະ​ເທດ ຜູ້ນຳ​ທັງ​ສອງ​ຝ່າຍ​ຕ່າງ​ຕອບ​ຮັບ​ເຊິ່ງກັນ ​ແລະ ກັນ​ດ້ວຍ​ຄວາມ​ຍິນ​ດີ.